Jeremia 48:26 - Ritonõpo Omiry: A Bíblia Sagrada na língua Aparai do Brasil

²⁶ Ynara ãko ro Ritonõpo mana: — Toetỹse Moape tõ tyripotoko, turumekase jexiryke eya xine, Ritonõpo, toto Esẽkomo. Tonarutatopõpyry aka omõnõko Moape tõ mana. Toto zurõko imehnõ mana.

Jeremia 48:26 ပူးပေါင်းရင်းမြစ်များ

Jo 15:25

Moro sã exĩko emero osepeme se pyra ahtao Ritonõpo maro. Tãtatapoiry se mã ynororo, Ritonõpo Jamihmehxo Exikety poremãkatohme repe.

Jo 9:4

Tuarohxo Exiketyme mã ynororo, Jamihmehxo Exiketyme roropa. Atatapoiry se ahno ahtao imaro, onyporemãkasaromepyra mana.

Saumu 2:4

Tapõ po Exikety kapu ao exianãko mana; mokaro eunohnõko Kuesẽkõ mana.

Saumu 59:8

Yrome omoro, Ritonõpo, mokaro poko exianãko mase; mokaro emero opoetory tõ kara poihtõko mase.

Saumu 60:3

Opoetory tõ tyrohmanohpose oya itamurume; eukuru jehnahpyry mekaroase yna a, toetỹse exiketõ sã ytoytõko ynanase.

Saumu 75:8

Kasana nae Ritonõpo Kuesẽkõ emahpo eukuru jehnahpyry ke pehme, zehno ehtoh ke. Moro ekamõko mana, popyra exiketõ okurume, ẽnõko mã toto emero porehme eukuru enahtoh pona.

Exutu 5:2

— Onoky mokyro, Ritonõpo? tykase tuisa. — Oty katohme aomiry etãko ha, Izyraeu tõ aropory poko ona pona? Mokyro Ritonõpo waro pyra ase. Izyraeu tõ anaropopyra ase taroino.

Exutu 9:17

Epyrypãko ro mase. Ypoetory tõ Izyraeu anaropopyra roropa mase ononory poe.

Izaja 10:15

Yrome ynara ãko Ritonõpo mana: “Tosẽ motyehxo wywy osekarõko nae? Tapema roropa ike erohkety motye nae? Kaparu ahno ananỹpyra mana, yrome kaparu anỹnõko ahno mana.”

Izaja 19:14

Ritonõpo poe otupĩko mã toto; morara exiryke Ejitu põkõ emero rĩko mã toto azahkuru rokene, oseosetapãko mã toto etỹketõ samo, epuepukãko sã mã toto tonarurukõ pona.

Izaja 28:8

Meza tõ otuhtoh nuriame mã kehko; tonarutase exiryke, osa kurã pyra toehse ipunaka.

Izaja 29:9

Putuhtome exiketõ sã rokẽ ehtoko, ise awahtao xine! Tonurãkara sã roropa ehtoko ise awahtao xine! Eukuru jehnahpyry onẽpyra awahtao xine etỹtoko, rowohpã sã ytoytotoko!

Izaja 51:17

Apakatoko, Jerusarẽ põkomo. Apakatoko owõtohkõme! Eukuru sã awãnohtohkõ tõse oya xine, Ritonõpo nekarohpyry, ozehno xine aehtopo; tõse oya xine porehme, toetỹse exikety sã osetapãko matose.

Izaja 63:6

Toto zehno jexiryke ahno tõ imehnõ nonory põkõ tytũtũmase ya; toto zehno jehtoh ke takurihmose toto ya, imunurukõ tukuãse ya nono pona.”

Jeremia 48:39

Ihnamõko mã toto: Moape tõ tytahkase sã mã toto! Ehxirõko mã toto! Inonory tonahkase mana, eunohnõko mã toto imehnõ nonory põkomo, zomye exiketomo. Ywy Ritonõpo oturuno.

Jeremia 48:42

Moape tonahkasẽme exĩko, tynonoryke pyra exĩko mã toto, turumekase jexiryke eya xine.

Jeremia 50:29

— Pyrou ekomananõ enehpotoko oximõme Papironia põkõ wotohme. Pyrou ekomary waro exiketõ emero enyohtoko morotona. Pata zomyehmapotoko epara toto ehtohme. Papironia põkõ epehmatoko inyrityã imehnomo a emetakame, imehnõ motye kure osekaroryke eya xine yneneryme. Ywy ase Ritonõpo, Izyraeu tõ Esẽ Kurano.

Jeremia 51:39

Tyamene se rokẽ toh nae? Otuhtoh konõto ekarõko ase eya xine. Toetỹse toto ripõko ase tãkye roropa. Mame nyhnõko mã toto jũme pakara ropa ehtohme.

Jeremia 51:57

Ituisary tõ toetỹse tyripõko ase, tuaro exiketomo te, tuisa tomo, soutatu tomo, enara. Nyhnõko mã toto jũme owõpyra ropa ehtohme. Ywy Tuisa oturuno. Ywy ase Ritonõpo, Jamihmehxo Exikety.

Jeremia 51:7

Jemary ao Papironia nexiase kopu samo, uuru risemy, toetỹse sero nono põkõ emero tyripose eya. Moro eukuru moro kopu ao tõse ahtao imehnõ nonory põkomo a tyrowotase toh nexiase.

Ramẽtasão 1:21

“Ritonõpo, pusuhkatoh ya etako. Jemuhkehkananõ pyra nase. Jepetõkara atãkyemãko mã toto juãnohtopõpyry oya eneryke tyya xine. Moro ẽmepyry enehpoko, õmihpyry ae ro, jepetõkara sam kamexipoko ya sam katoh samo.

Ramẽtasão 3:15

Tonahsẽ itunety ke tynahpase ywy Ritonõpo a ise pyra jehtoh ke, tauhpase sã ywy eresukuru ke eya onẽzomopyra jehtoh ke.

Ramẽtasão 4:21

Atãkyematoko, Etõ põkomo, Uze põkõ roropa, exianatoko oexianarykõ se awahtao xine. Yrome okynã pyra oporemãkapotohkõ oehnõko mana, awãnohtohkõme; toetỹse exiketyme sã exĩko matose tupoke pyra ytoytõko roropa matose.

Tanieu 11:36

— Typenetatoh rĩko Xiria tuisary mana. Tuisame imehxo toehtoh poko osekarõko mana, ritõ tõ emero esẽme samo. Epyrypãko mana tuisamehxo toexiry poko, Ritonõpo emero Esẽ kerekeremãko mana. Morara tyrĩko mokyro mana zuãnohtoh pona Ritonõpo a; mokyro wãnohnõko Ritonõpo mana tõsenetupuhtopõpyry ae ro.

Tanieu 5:23

Mãpyra osepeme pyra mexino Kapu Esemy a. Ikyryry tõ uuru risemy, kopu tõ, Itapyĩ tae tanỹse aexityã, tonehpose oya eukuru jehnahpyry ẽtohme, omoro, oeahmananõ maro, tuisa tomo te, ipyxiamo, imehnõ nohpo tõ maro, enara. Moro motye roropa imehnõ neponãmarykõ eahmãko mexiatose parata risemy te, uuru risemy, metau risemy, kurimene risemy te, wewe risemy, topu risemy, tonure pyra exiketomo, otato pyra exiketomo, zuaro pyra ipunaka exiketomo. Yrome Ritonõpo Imehxo Exikety oneahmara mekurehno, tyjamitunuru ke ahno etapãko mana ise tahtao, ipoe isene roropa sytatose. Emero opoko ehtoh menekãko mana.

Tanieu 8:10

Tuãtasehxo ynororo ahtao, toeporehkase Ritonõpo poetory tõ esaka, toitoine mokaro typoremãkase eya, tyyryhmase roropa toto, tytũtũmase toto eya.

Naum 3:11

Niniwe, omoro roropa toetỹse exiketyme ytoytõko mase, oepary kuhnõko mase otonẽtohme oepetõkara winoino.

Apakuke 2:16

Amarokõ roropa ime pyra exĩko matose. Ehxirõko matose. Eukuru ẽnõko matose, osetapãko. Awãnohtohkõ ẽpõko sã Ritonõpo mana oya xine ozehno xine toexiryke. Etỹnõko matose. Imehxo oehtohkõ myakamãko mana oehxirotohkõke.

2 Tesaronika 2:4

Pyaximehxo osekarõko mokyro mana. “Ritõ kõ motye ase, oesẽkõ motye,” ãko mã ynororo: “Imehxo mase,” katohme imehnomo a repe typoko. Porohnõko mana Ritonõpo Tapyĩ tao. “Ritonõpome ase,” ãko kahpyry mã repe imehnõ enekunohtohme rokene.

Apokaripxi 16:19

Pata konõto tohpahse roropa oseruao. Imehnõ patary tõ tuhke tãtakuhmose emero pata tamuru punero sero nono po. Mame wenikehpyra Ritonõpo nexiase Papironia põkõ poko. Eukuru zetunuru ẽpoase sã eya xine tykasanary ae toto zehno Ritonõpo ehtoh enetupuhtoh moro eukuru nexiase.