Jeremia 48:10 - Ritonõpo Omiry: A Bíblia Sagrada na língua Aparai do Brasil

¹⁰ Popyra ehtoh enehpoko mokyro ajoajohpe rokẽ Ritonõpo nyripohpyry poko exikety! Popyra ehtoh oehnõko mokyro a soutatume ahtao yrome onuopyra ynororo ahtao!

Jeremia 48:10 ပူးပေါင်းရင်းမြစ်များ

1 Tuisa 20:39

Morarame tuisa Akape oepyryhtao, tykohmase ynororo urutono a. Ynara tykase ynororo: — Tuisa imehxo! Osetapãko akene. Mame jepekara toiro tonehse ya soutatu a, inapoihpyry. “Mose eneko. Toepase ynororo ahtao oorikyry ke epehmãko mase. Oorikyry se pyra awahtao 3 miu parata ke epehmãko mase,” tykase ya.

1 Tuisa 20:40

Yrome tỹpokõke jahtao tyorõ poko, toepase ynororo, tykase. Ynara tykase tuisa eya: — Omihpyry ae ro epehmãko mase. Zae nase, morara epehmary oya, tykase.

1 Tuisa 20:42

Mame ynara tykase urutõ tuisa a: — Ynara ãko Ritonõpo mana: “Oya orutua taropose ropa, taorihmapose ahtao ya. Opokoino Pẽ-Hatate toepase. Naeroro oorikyry ke epehmãko mase. Opoetory tõ, soutatu tõ tonahkasẽme exĩko, mokyro poetory tõ taropose ropa oya exiryke.”

2 Tuisa 13:19

Moro eneryke tyya, tyekĩtapãse Eriseu. Ynara tykase ynororo: — Oty katohme nono onetapara make tuhkehxo, otarame 5me, 6me roropa? Morara ahtao Xiria tõ typoremãkaposẽme exiry oya tuhkehxo. Seromaroro oseruao rokẽ toto poremãkapõko mase, tykase.

Jeremia 11:3

Ywy Ritonõpo, Izyraeu tõ Esemy popyra ehtoh enehpõko ase emero ynetapohpyry omipona pyra exiketomo a.

Jeremia 47:6

Ynara kohtãko matose, pirixteu tomo: ‘Ritonõpo, otara ahtao yna etapakehnõko mah? Atapemã ikurãkako ropa ẽ aka; moroto rokẽ tehme ehtohme!’

Jeremia 47:7

Yrome moro tapema oseremasaromepyra mana, erohtoh tokarose ahtao ya aerohtohme. Mokyro aropoase osetapase pata Axikerõ tõ maro, ahno maro roropa tuna konõto ehpio po.”

Jeremia 50:25

Ywy Ritonõpo Oesẽkõ Jamihme Exikety a ypyre tõ esary totapuruhmakase. Ypyre tõ touse ya, zehno toehse jexiryke, erohtoh nae jexiryke roropa Papironia po.

Jeremia 50:27

Isoutatu tõ etapatoko emero. Toto enahkatoko! Papironia põkõ enatyry toehse myhene! Toto wãnohtoh toehse rahkene!

Jozue 10:19

Yrome etypohpyra ehtoko moroto. Kuepetõkara ekahmatoko etapatoko okominoto kõ poe. Toto anaropopyra ropa ehtoko ipataka xine. Ritonõpo Oesẽkõ mã toto poremãkapõko mã oya xine etapatohme.

Juize 5:23

“Pata Meroze popyra tyripoko,” ãko Ritonõpo nenyokyhpyry; “Popyra tyripoko, moro pata põkõ popyra tyripoko, oehpyra toto exiryke Ritonõpo akorehmase, soutatume oehpyra tokurehse toto osetapase Ritonõpo poetoryme.”

1 Samueu 15:3

Ytotoko, amarekita tõ poremãkapose. Enahkatoko toto emero porehme imõkomorykõ maro. Toto pyno pyra ehtoko. Etapako toto orutua komo te, nohpo tomo te, poetohti te, enurusenã komo te, pui tomo, kaneru tõ maro, kameru tõkehko, jumẽtu tõ roropa, enara, tykase.

1 Samueu 15:9

Akake rokẽ onetapara Sauu tõ nexiase, kaneru kurãkõ roropa, pui tõkehko roropa, pui poenõ roropa, kaneru poenõ kurãkomo, emero kurãkõ onetapara nexiase toto. Yrome kure hkopyra exiketõ, jamihme pyra exiketõ roropa, totapase eya xine.