Jeremia 48:1 - Ritonõpo Omiry: A Bíblia Sagrada na língua Aparai do Brasil

¹ Ritonõpo Jamihmehxo, Izyraeu tõ Esemy ynara tykase Moape tõ poko: “Emynyhmatoko pata Nepo põkõ poko, ipatarykõ tonahkase exiryke! Pata Kiriataĩ tapoise nexiase, isoutatu tõ tapyĩ jamihme exikety tytahkase, tomase nono pona, epõkõ typoremãkase.

Jeremia 48:1 ပူးပေါင်းရင်းမြစ်များ

Jenexi 14:5

Mame jeimamyry 14me ehtoh po imehnõ typoremãkapose Ketoaraomea tomo a takorehmananõ maro: repaĩ tomo, Axiterote-Karanaĩ po te, zuzĩ tõ Hã po te, emĩ tõ, Sawe-Kiriataĩ po te,

Jenexi 19:37

Mokyro ẽxiry apitorymã toemũkuase Moapeme. Moape tõ tamurume toehse ynororo.

2 Koronika 20:10

— Seromaroro yna nonory põkõ maro osetapãko amonita tomo te, moapita tõ maro, etomita tõ maro. Ejitu poe yna tamuru tõ tarose ahtao oya, mokaro nonory pona toto anaropopyra mexine. Naeroro mokaro nonory ehpikuroko rokẽ yna tamuru tõ toytose. Mokaro onenahkara toh kynexine.

Izaja 25:10

Ypy Xião ewomãko Kuesẽkõ mana, yrome Moape nonory põkõ wãnohnõko mana, tytũtũmasẽme sã exĩko mã toto onahpoty samo pui tõ pupuru zopino.

Izaja 25:12

Moape patary jamihmãkõ kararahnõko mana, apuru tõ kaetokohxo exiketõ roropa, typahsẽme exĩko mã toto nono pona.

Izaja 27:3

Ywy, Ritonõpo, ipynanohnõko ase, tuna ke ehxikãko ase; eraseme ase enẽko saereme ahtao koko roropa, onyryhmara imehnõ ehtohme.

Jeremia 27:3

Mame Ritonõpo a turuse ywy omi aropotohme nono tuisary tomo a: Etõ esemy a te, Moape esemy a roropa, Amõ esemy a te, Tiro esemy a te, Xitõ esemy a, enara, toto nenyohtyamo ae Jerusarẽ pona omi aronanõme, ẽpaixatoame tuisa Zetekia enese.

Numeru 24:17

Imeĩpo ehtoh enẽko ase, Izyraeu tõ enẽko. Tuisa konõto, xirikuato saeremehxo exikety sã exĩko mana mokaro wino. Tonesã samo oehnõko mana Izyraeu tõ poe. Moape tõ tuisamãkõ poremãkapõko mana. Mokaro ahno epyrypaketõ enahkapõko mana.

Numeru 32:3

— Sero nono typoremãkase Ritonõpo Kuesẽkomo a, Izyraeu tõ esaryme, pata Atarote te, Tipõ te, Jazea te, Ninira te, Hexipõ te, Ereau te, Sepã te, Nepo te, Peõ, enara; sero nono kure mana pui tõ nahpatohme. Tokyke ynanase tuhke pui tõkehko.

Jozue 13:19

Kiriataĩ te, Xipima te, Zerete-Sahara roropa ypy po jakanahmã po.