Jeremia 46:16 - Ritonõpo Omiry: A Bíblia Sagrada na língua Aparai do Brasil

¹⁶ Ejitu põkõ soutatu tõ tõsetapase; toepukase toto. Ynara tykase toto oseya: ‘Ehmaropa axiny! Ehmaropa tapyi taka kuesaka xine ropa, osewomatohme, orihpyra kuehtohkõme, epatohme kuepetõkara winoino!’

Jeremia 46:16 ပူးပေါင်းရင်းမြစ်များ

Jeremia 46:21

Soutatu tõ epehmãko mã toto takorehmatohkõme repe, yrome pui mũkuru tõ sã rokẽ mã toto. Osetapara mã toto. Toeramase rokẽ mã toto emero epatohme, toto ehxirotoh toehse exiryke, toto enahkatoh toehse mana.

Jeremia 46:6

Mokaro axĩ tururume ytoketõ epasaromepyra mã toto; soutatu tõ mã osewomasaromepyra mã toto. Inikahpozakoxi, tuna Eupyrati pũto osetapãko mã toto, epukãko mã toto.

Jeremia 50:16

Otyro puhturu anarykapopyra ehtoko moro nono po, tykyrysã anapoipopyra ehtoko roropa Papironia po. Katonõ emero imeimehnõ nonory poe aepyhpyã morotona enaromỹke exĩko topetõkara soutatu tõ poko. Ytõko ropa mã toto tynonorykõ pona ropa.

Jeremia 51:9

Imeimehnõ nonory poe aepyhpyã morotona osesarise ynara tykase: “Papironia põkõ akorehmary se ynanexiase repe, yrome tonahkase toto exiryke anakorehmasaromepyra ynanexiase. Ehmaropa emero kynonorykõ pona ropa. Papironia tuãnohse Ritonõpo a tyjamitunuru ke. Tonahkase mana ipunaka.”