Jeremia 46:12 - Ritonõpo Omiry: A Bíblia Sagrada na língua Aparai do Brasil

¹² Imeimehnõ nonory po tokãtose oehxirotopõpyry poko, oporemãkatopõpyry poko. Oxitarykõ totase ahno a ononorykõ poro porehme. Imepỹ pona soutatu tõsetapase, oximaro toepukase toto nono pona.

Jeremia 46:12 ပူးပေါင်းရင်းမြစ်များ

Izaja 10:4

Tarosẽme exĩko matose imehnõ namotome. Totapasẽme exĩko roropa matose etonatoh tao. Morara ahtao ro zehno Ritonõpo ehtoh enahpyra mana. Emary tanỹse ro mana awãnohtohkõme.

Izaja 19:2

Ynara ãko Ritonõpo mana: “Osetapatoh tyripõko ase Ejitu põkõ etonatohme imehnõ Ejitu põkõ maro; atakorõ tõ oxiehno exĩko mã toto, tykatonomory tõ oxiehno exĩko roropa mã toto, pata põkõ imepỹ pata põkõ zehno exĩko, tuisa tõ oxiehno exĩko roropa mã toto.

Izaja 24:11

Uwa eukuru jehnahpyry pyra exiryke ipeneryke kohtãko mã toto osema tao. Tãkye ehtoh tonahse, taropose sã rokẽ moro nono poe.

Jeremia 14:2

“Juta tõ ihnamõko mana, xitãko. Ipatarykõ orihnõko mã kehko, ahno tapotũkehse mã toto, imihme nono pona, ihnamoryme, Jerusarẽ põkõ takorehmanekõ kohmãko mã toto.

Jeremia 2:36

Oty katohme ytoytõko rokẽ mahno etyorõmatohme popyrahxo oehtohme? Axiria poko oehxirotopõpyry sã ehxirõko roropa mase Ejitu poko.

Jeremia 46:6

Mokaro axĩ tururume ytoketõ epasaromepyra mã toto; soutatu tõ mã osewomasaromepyra mã toto. Inikahpozakoxi, tuna Eupyrati pũto osetapãko mã toto, epukãko mã toto.

Jeremia 47:2

Ynara tykase ynororo: “Enetoko ke! Tuna onuhnõko inikahpozakoxi, tururume ytõko mana opotunety samo, tuna zueme exikety sã roropa. Nono emero nerỹko mana, pata tõ maro, ahno maro pata põkomo. Kohtãko mã toto takorehmane se toexirykõke, sero nono põkõ xitãko mã toto emero porehme.

Jeremia 48:34

— Mokaro pata Hexipõ põkomo te, pata Ereau põkõ roropa kui ãko mã toto, toto kui katoh etãko imehnõ mana Jasa po. Osetãko roropa pata Zoa põkomo a te, mya roropa Horonaĩ põkomo a, pata Tyrisenã Ekerate põkomo a roropa. Iporiry Ninirĩ roropa tãpaise.

Jeremia 49:21

Etõ typoremãkase ahtao panaikatõ konõto exĩko, nono tykytyky ãko, ahno kui kary osetãko moe, tuna konõto Akapa po.

Jeremia 50:46

Papironia typoremãkase ahtao panaikato konõto osetãko mana. Nono tykytyky ãko mana. Ahno kui kary osetãko mana moe imeimehnõ nonory po.

Jeremia 51:54

Ritonõpo Kuesẽkõ ynara tykase: “Etatoko ke, kui katoh Papironia po, ahno xitãko tynonorykõ tonahkase exiryke.

Naum 2:5

Tyripotoh ekarõko epetõkara tuisary typoetory tomo a, tamuximãkomo a; tururume ytõko mã toto pata apuru tõ pona, ipuipurohmãko mã toto tururume toytorykõke. Apuru tõ rĩko mã toto, tõsewomatohkõme.

Sowonia 1:10

— Moro ẽmepyry toehse ahtao, ãko Ritonõpo mana, — ahno xitary etãko matose Kana Omõtoh tao Jerusarẽ po. Kui kary etãko roropa matose pata zokonaka kasenato po, panaikatõ konõto etãko matose ypy tõ po.

1 Samueu 5:12

Mokaro orihpyra exiketõ tynyrohke rokẽ toh nexiase. Toetuarimarykõke xitãko toh nexiase Ritonõpo netaryme moro pata punero.