Jeremia 45:4 - Ritonõpo Omiry: A Bíblia Sagrada na língua Aparai do Brasil

⁴ Mame ynara tykase Ritonõpo ya Paruke zurutohme: — Ynyrihpyry enahkapõko ase; ynarykahpyry mukãko ropa ase. Moro rĩko ase sero nono po porehme.

Jeremia 45:4 ပူးပေါင်းရင်းမြစ်များ

Ekereziaxti 3:3

Etapatoh nae mana te, ikurãkatoh nae roropa mana. Akohtoh nae mana te, tyritoh nae roropa mana.

Jeremia 1:10

Seroae yjamitunuru ekarõko ase oya, orẽpyra oehtohme imehnõ nonory põkõ maro, toto tuisary tõ maro, imity tõ oũko mase, akohnõko mase, enahkãko mase, ipahnõko roropa, tyrĩko roropa mase, arykãko roropa.

Jeremia 11:17

— Ywy, Ritonõpo Jamihmehxo Exikety, Izyraeu arykase Juta maro; yrome seromaroro popyra ehtoh ke toto enaroximãko ase. Eya xine sero popyra ehtoh tonehpose typona xine, zae pyra toehse toto exiryke; tyzehno xine tyripose ywy eya xine tynekarorykõ zahkary poko Paau eahmaryme.

Jeremia 12:2

Otyro sã toto arykãko mase, imity jamihme exĩko; ahtãko mã toto, eperytãko. Oturukehpyra mã toto kure oehtoh poko, yrome ajohpe pyra: oty kara mã toto azamaro ehtoh poko.

Jeremia 31:28

Morarame tomeseke jehtopõpyry sã, toto mity ouru poko, toto akotyry poko, toto ryhmary poko te, toto itahkary poko, toto enahkary poko roropa, moro saaro tomeseke sã toto emãkapõko ase tupito arykary samo te, tapyi amory sã toto rĩko ropa ase. Ywy Ritonõpo oturuno.

Ramẽtasão 2:6

Tytapyĩ kurã tomase Ritonõpo a, tomase nono pona tupito samo. Toahmatoh esary tonahkase eya. Otuhtoh konõto tomo ẽmepyry kurã po te, oserematoh po roropa tuenikehkapose eya Xião po. Tuisa tomo oturuketõ roropa jetũ toehse toh nexiase zehno aexiryke.

Ozeja 2:14

Ynara tykase Ritonõpo Izyraeu tõ poko: — Morara exiryke mokyro eahmãko ase; arõko ropa ase ona tonorẽ pona ropa, moroto omi kurã ke oturũko ase eya ipyno jehtoh ae.

Teuteronomiu 28:63

Morarame tãkye Ritonõpo ehtopõpyry sã kure orirykõ poko, tuhke oemãkaporykõ poko roropa, moro saaro atãkyemãko mana awãnopyrykõ poko, oenahkarykõ poko roropa. Tousẽme exĩko ropa matose, moro nono poe, epona ytõko matose apoitohme oesarykõme.