Jeremia 43:13 - Ritonõpo Omiry: A Bíblia Sagrada na língua Aparai do Brasil

¹³ Topu risẽ xikihme exiketõ pata Heriopori po, Ejitu po enahkapõko mana Ejitu tõ neponãmarykõ eahmatoh zahkapõko mana roropa, enara.”

Jeremia 43:13 ပူးပေါင်းရင်းမြစ်များ

Jenexi 41:45

Joze tosehpase tuisa a Zapenate Paneiame. Potipera ẽxiry Asenate tokarose eya ipytyme. Oturuketyme Potipera kynexine pata Heriopori po. 30me jeimamyry nae Joze ahtao Ejitu tuisary akorehmaneme toehse ynororo. Mame toytose ynororo tuisa tapyĩ tae Ejitu poro emero.

Izaja 19:1

Sero omi mã Ejitu wãnohtoh poko. Akurũ po Ritonõpo ytõko mana Ejitu pona axiny. Ejitu põkõ neponãmarykõ tykytyky ãko Ritonõpo ẽpataka, Ejitu põkõ enaromỹke exĩko.

Izaja 19:18

Moro ẽmepyry toehse ahtao pata põkõ 5me pata tõ po Ejitu po oturũko mã toto epereu omiry ae. Tõmirykõ etapõko roropa mã toto Ritonõpo Jamihmehxo Exikety omipona toehtohkõme. Toiro pata esety “Xixi Pataryme” exĩko mana.

Izaja 46:2

Moxiã neponãmary toepuise, epukãko mã toto; osepynanohsaromepyra mã toto, tarosẽme exĩko mya epetõkara a.

Jeremia 10:11

Amarokomo, mokaro zurutoko, ynara kahtoko eya xine: “Mokaro toponãmasã sero nono onyripyra exiketomo, kapu onyripyra exiketomo, tonahkasẽme exĩko. Osenepyra exĩko mã kehko ipunaka sero nono po.”

Jeremia 25:19

Ynara mã mokaro esetykõ auhpapohpyryme moro eukuru ke, zehno Ritonõpo ehtoh ke: Ejitu tuisary te, imaro tamuximãkomo, kowenu poko erohketomo; Ejitu põkõ maro emero, imehnõ nonory põkõ aepyhpyã Ejitu pona; tuisa tõ Uze nonory po exiketomo; tuisa tõ roropa pirixteu tõ patary tõ po: Axikerõ te, Kaza te, Ekorõ te, Axitote akoĩpyry; Etõ põkomo, Moape tomo te, Amõ tõ maro; tuisa tõ emero Tiro po te, Xitõ po roropa; tuisa tõ emero nono esamo tuna konõto Metiteraneu ehpio; pata tõ Tetã te, Tema te, Puze roropa; mokaro emero tũsety mytyhse sã isahkananomo; Arapia tuisary tõ emero; ahno tõ ona tonorẽ põkõ tuisary tõ emero; tuisa tõ roropa Ziniri po, Erão po, Metia po; tuisa tõ emero inikahpoe moemoẽkomo te, ameke pyra exiketomo atakenaka. Ahno tõ emero sero nono po tauhpapose toh nexiase. Mame etyhpyryme Papironia tuisary tauhpasẽme exĩko mana.

Jeremia 43:12

Ejitu põkõ neponãmary tapyĩ tõ zahkapõko ase. Mokaro neponãmary zahkapõko ase Papironia tuisary a, toitoine toto neponãmary arõko roropa mana tymaro. Kaneru tõ pynanohne samo, azamo apoiry sã eya tupõ poe azamo pyra ehtohme, moro sã mõkomo kurã enahkapõko Papironia tuisary mana Ejitu po, mame orẽpyra ytõko ropa mana.

Jeremia 44:1

Ritonõpo tõturuse ya juteu tõ poko Ejitu po: pata Mikitou po te, pata Tapane po te, Mẽpi po te, nono ikurenae po, enara.

Jeremia 46:25

Ritonõpo, Jamihmehxo Exikety, Izyraeu tõ Esemy ynara tykase: — Amõ wãnohnõko ase, Tepa põkõ neponãmarykõ, Ejitu tõ roropa te, toto neponãmarykõ roropa te, ituisary tõ maro. Ejitu tuisary wãnohnõko ase, ahno roropa emero, mokyro enetupuhnanõ towomanekõme.

Ezekieu 26:11

Isoutatu tõ, kawaru po omõnõko mã toto oesemarykõ ae, oetapãko mã toto tytapemã ke. Okyryry xikihme exiketõ, jamihmãkõ tomasẽme exĩko nono pona.

Ezekieu 30:13

Ynara ãko Ritonõpo mana: — Ineponãmarykõ enahkapõko roropa ase, ritõ panõ ajohpe exiketõ pata Mẽpi po. Tuisa tõ pyra exĩko, Ejitu tõ tuisaryme. Mame enaromỹke morotõkõ ripõko ase emero porehme.

Ezekieu 30:17

Nuasemãkõ pata Heriopori põkomo, Pupaxite põkõ roropa totapasẽme exĩko mã toto etonatoh po, imehnõ moro pata põkõ tarosẽme exĩko mã toto namotome.

Tanieu 11:8

Mame xirio tõ neponãmary tõ arõko mã toto Ejitu pona, uuru risẽ roropa, parata risemy, enara. Mame tehme exĩko mã toto okynã pixo.