Jeremia 43:11 - Ritonõpo Omiry: A Bíblia Sagrada na língua Aparai do Brasil11 Napukotonozo oehnõko mana Ejitu poremãkapose. Tymenekase aexityã orihtohme tyrohsẽ ke, tyrohsẽ ke orihnõko mã toto; tymenekase aexityã inamotome tarosẽme, tarosẽme exĩko Papironia pona papironio tõ namotome; tymenekase aexityã orihtohme etonatoh poko, etonatoh poko orihnõko mã toto. အခန်းကိုကြည့်ပါ။ |
Ekaroporyhtao oya aza yna ytõko nae? Kaxiko eya xine ynara ãko Ritonõpo mana: “Zokonaka matose tapiakase aorihtohme tyrohsẽ ke; moro sã exĩko mana! Imehnõ tapiakase orihtohme etonatoh tao; moro sã exĩko! Zokonaka tapiakase orihtohme omise ehtoh ke; moro sã exĩko mana! Imehnõ tapiakase arotohme imehnõ namotome; moro sã exĩko mana!”
Ynara mã mokaro esetykõ auhpapohpyryme moro eukuru ke, zehno Ritonõpo ehtoh ke: Ejitu tuisary te, imaro tamuximãkomo, kowenu poko erohketomo; Ejitu põkõ maro emero, imehnõ nonory põkõ aepyhpyã Ejitu pona; tuisa tõ Uze nonory po exiketomo; tuisa tõ roropa pirixteu tõ patary tõ po: Axikerõ te, Kaza te, Ekorõ te, Axitote akoĩpyry; Etõ põkomo, Moape tomo te, Amõ tõ maro; tuisa tõ emero Tiro po te, Xitõ po roropa; tuisa tõ emero nono esamo tuna konõto Metiteraneu ehpio; pata tõ Tetã te, Tema te, Puze roropa; mokaro emero tũsety mytyhse sã isahkananomo; Arapia tuisary tõ emero; ahno tõ ona tonorẽ põkõ tuisary tõ emero; tuisa tõ roropa Ziniri po, Erão po, Metia po; tuisa tõ emero inikahpoe moemoẽkomo te, ameke pyra exiketomo atakenaka. Ahno tõ emero sero nono po tauhpapose toh nexiase. Mame etyhpyryme Papironia tuisary tauhpasẽme exĩko mana.
Juta põkõ enahkapõko ase porehme: tynonorykõ po tehme toh nexiase aporo, mame imeĩpo toytorykõ se toh nexiase Ejitu pona. Mokaro emero tamuximãkomo, ime pyra exiketõ maro orihnõko mã toto Ejitu po: etonatoh po orihnõko mã toto, omise konõto ehtoh ke roropa. Mokaro eneryke osenuruhkãko imehnõ mana. Enaromỹke exĩko mã toto. Imehnõ mokaro eunohnõko mã toto; esetykõ esehtõko mã toto popyra ehtoh enehpotohme.