Jeremia 42:20 - Ritonõpo Omiry: A Bíblia Sagrada na língua Aparai do Brasil

²⁰ Azahkuru matose exĩko, mame oorikyrykõ ke epehmãko matose. Tonyohse ywy oya xine oturuse Ritonõpo a Kuesẽkomo a. Ynara matose ya: “Oturuko Ritonõpo a yna poko. Imeĩpo yna zuruko emero inyripohpyry yna a, tyrĩko ynanase aomiry omipona.”

Jeremia 42:20 ပူးပေါင်းရင်းမြစ်များ

Saumu 18:44

Tyotyorõkõ omiry ae exiketõ oehnõko ya mã toto jomipona se toexirykõke; jomiry etaryhtao eya xine, omipona mã toto.

Saumu 65:3

tyyrypyhpyke yna exiryke. Typoremãkase ynanase popyra yna ehtoh ke, yrome yna rypyry korokãko mase.

Jeremia 17:10

Ywy, Ritonõpo, okurohtao xine enẽko ase, õsenetupuhtohkõ kuhnõko ase. Ahno emero epehmãko ase inyrityã emetakame, zae toto epehmãko ase inyrityã epehpyryme.”

Jeremia 3:10

Ynara popyrahxo nase: Juta, Izyraeu akorõ zae pyra exikety, toepyry ropa ya tukuhse sã repe, ajohpe rokene, jenekunohtohme rokene. Ywy, Ritonõpo, oturũko ase.

Jeremia 37:3

Mame Jukau, Seremia mũkuru, oturukety Sowonia maro, Maaseia mũkuru tonehpose tuisa Zetekia a oturuse ymaro. Ynara tykase toto ya: — Ajohpãme sã, Jeremia, oturuko Ritonõpo Kuesẽkomo a, yna poko.

Jeremia 38:14

Mame tuisa Zetekia a tonehpose ywy tyya, Omõtoh oseruaõ pona Ritonõpo Tapyĩ tao. Ynara tykase ynororo ya: — Jeremia, ekaropory se ase oya, zuaro oehtoh onẽpyra exiko ywinoino.

Jeremia 42:2

oturuse ymaro. Ynara tykase toto: — Jeremia, ajohpame sã yna omiry imoiko: oturuko Ritonõpo Kuesẽkomo a yna poko, mokaro akoĩpyry tõ poko roropa, aoxinamatyã akoĩpyry poko. Tuhke ynanexiase repe, yrome seromaroro tuhke pyra toehse ynanase. Moro enẽko mase.

Jeremia 42:5

Mame ynara tykase toto: — Ah Ritonõpo Kuesẽkõ yna eneneme nexino, zae exiketyme mana ajohpe pyra roropa: Inekarory oya omipona exĩko ynanase ipunaka.

Jeremia 43:2

tozuhse ywy Azaria a, Hosaia mũkuru, Joanã, Karea mũkuru maro imehnõ orutua kõ, epyrypaketõ maro, ynara tykase toto ya: — Ajohpe mase, Jeremia. Ritonõpo Kuesẽkõ yna onurupopyra nexiase oya ytopyra yna ehtohme Ejitu pona, moroto ehtohme.

Ezekieu 33:31

Naeroro oximõnõko mã toto tuhkãkomo õmiry etatohme tyya xine repe, yrome otato pyra mã toto. “Kurã potu aomiry nase, Ritonõpo eahmãko ynanase,” ãko mã toto. Yrome tineru apoiry se rokẽ mã toto.

Numeru 16:38

Ritonõpo kyryry kurãme toehse toh nexiase tokarose toto ahtao Ritonõpo a apoto apõ po. Naeroro moro ixtaratu zahkatoh tonõ apoiko mokaro tyahkase aexityã ekepyry winoino, tyyrypyrykõ emetakame tyahkase toto. Mame moro ixtaratu zahkatoh tonõ etapako metau risemy, paratu kãseme ehtohme apoto apõ apurume tyritohme. Izyraeu tõ enetupuhpotohme exĩko mana, enaroximatohme.

Numeru 17:3

Moromeĩpo Arão esety imeroko Rewi tõ myxiry pokona. Toiro myxiry exĩko toiro oxiekyrymãkõ tuisary esety ke.

Mateu 22:35

Toiro parixeu Moeze omihpyry poko imehnõ amorepaneme kynexine. Jezu poremãkapory se kynexine. Morara exiryke tupimã poko tõturupose eya.

Karaxia 6:7

Osenekunohpyra ehtoko. Ritonõpo onenekunohsaromepyra matose. Otyro tarykase oya xine ahtao, mororome ro epery apoĩko ropa matose.

Tiaku 1:22

Ritonõpo omiry omipona ehtoko. Aomiry etaryhtao oya xine, otato ehtoko. Ynara karyhtao oya xine: “Ritonõpo poetoryme ase, aomiry etaryke ya,” karyhtao oya xine, osenekunohnõko rokẽ matose. Morara exiryke aomipona roropa ehtoko.