Jeremia 4:28 - Ritonõpo Omiry: A Bíblia Sagrada na língua Aparai do Brasil

²⁸ Moro nono xitãko mana, kapu kohmãnõko mana xinukutume, Ritonõpo tõturuse exiryke, onytyoromara mana. Tynyriry waro toehse ynororo, ekurehpyra mana.

Jeremia 4:28 ပူးပေါင်းရင်းမြစ်များ

Izaja 24:4

Sero nono anorỹko mana, aremãnõko, nono põkõ emero apotũkehnõko mana, sero nono enahnõko mana, kapu roropa.

Izaja 34:4

Xixi te, nuno roropa, xirikuato tõ roropa enahnõko mana, kapu amẽnõko mana pape samo tamẽse ahtao. Xirikuato tõ epukãko mã kehko kapu ae, uwa ary epukary samo, wikeira ary sã roropa.

Izaja 5:30

Mame moro ẽmepyry toehse ahtao mokaro soutatu tõ oehnõko mã toto tuna konõto panaikato samo Izyraeu tõ poremãkatohme. Mame Izyraeu tõ nonory pũtokoxi osenuhmaryhtao xinukutumã rokẽ enẽko, emynyhmatoh roropa te, akurũ xinukutumãkõ saerehkatoh zonẽnõko mana.

Izaja 50:3

Kapu kohmãkapory waro ase xinukutume aehtohme, xinukutume tupokẽ sã tyekyry tõ hnamone mana.”

Jeremia 12:11

Ynonory kurã tonahkase eya xine, turumekase mana yneneryme, patãpome toehse, ona tonorẽ samo. Yrome ‘otara’ kara mã toto.

Jeremia 12:4

Otãto jeimamyry ise ro tonore rokẽ sero yna nonory exĩko nae? Otãto ise ro onahpoty zaremãnõko ona po emero? Onokyro tõ orihnõko mã toto torõ tõ roropa, popyra sero nono põkõ exiryke, ynara karyke eya xine: “Onenepyra Ritonõpo mana, kynyrirykõ onenepyra mana.”

Jeremia 14:2

“Juta tõ ihnamõko mana, xitãko. Ipatarykõ orihnõko mã kehko, ahno tapotũkehse mã toto, imihme nono pona, ihnamoryme, Jerusarẽ põkõ takorehmanekõ kohmãko mã toto.

Jeremia 23:10

Sero nono pehme mana imeimehnõ nohpo poko ehtoh ke, Ritonõpo omipona pyra; tyyrypyrykõ poko rokẽ mã toto, tyjamitunurukõke zae pyra ehtoh poko rokẽ mã toto. Popyra ehtoh enehporyke Ritonõpo a sero nono xitãko mana, onahpoty tyaremãse, toorihse sã mana.”

Jeremia 23:20

Mame moro zehno Ritonõpo ehtoh enahpyra exĩko mana tyriry se toehtoh onyripyra ro ahtao. Morohne rĩko mana tõsenetupuhtopõpyry ae ro. Imeĩpo moro enetupuhnõko ipoetory tõ mana kure rokẽ rahkene.

Jeremia 51:12

Soutatu tõ aropotoko pata Papironia apuru tõ tahkatohme! Erase tõ akorehmananõ tyritoko! Enenanõ tyritoko roropa! Orutua kõ tõtonẽse exiketõ tyritoko epaketõ apoitohme! Tyriry se Ritonõpo ehtoh emero tyrise eya; Papironia põkõ enaroximatopõpyry ae ro Ritonõpo a tyrise roropa eya.

Jeremia 7:16

Ynara tykase Ritonõpo: — Jeremia, oturupyra exiko ya mokaro poko. Kure ehtoh onekaropopyra exiko; ykohmara exiko toto akorehmatoh poko. “Ajohpãme sã,” kara exiko roropa ya, õtururu onetara jexiryke.

Ramẽtasão 2:17

Tyriry se Ritonõpo ehtopõpyry tyrise eya, kuenaroximatopõpyrykõ eya moino ro, tyrise eya. Izyraeu tõ tonahkapose eya, onypynanohpyra. Kuepekõkara tonehpose eya kyporemãkatohkõme, atãkyematohme roropa kyporemãkatopõpyrykõ poko.

Ezekieu 24:14

Ywy, Ritonõpo, Oesẽ oturũko ase. Seromaroro tyripotoh toehse ya. Wenikehpyra exĩko ase oorypyrykõ poko; opynanohpyra exĩko ase. Awãnohnõko ase onyrihpyry emetakame. Ywy, Ritonõpo Oesẽ, oturuno.

Ozeja 13:14

Morara exiryke ypoetory tõ pynanohnõko ha orihpyra toto ehtohme? Naary! Toto anỹnõko ha aorihtyã ekepyry esary poe? Arypyra. Tyrohsẽ kehko enehpoko, orihtopo! Mokaro enahkatoh enehpoko, aorihtyã esary! Mokaro pyno exikehnõko ase.

Ozeja 4:3

Morara exiryke sero nono tonore exĩko mana, isene exiketõ emero orihnõko mana. Okyno tõ orihnõko mã toto, onokyro tõ roropa, torõ tomo, kana tõ roropa, enara.

Joeu 1:10

Tupito tõ po ona po roropa otyro tõ pyra toehse exiryke, ihnamõko nono mana, tiriiku tõkehko tonahkase exiryke, uwa zoko tõ oriwera zoko roropa toorihse kehko.

Zakaria 8:14

Ynara ãko Ritonõpo Jamihmehxo Exikety Izyraeu tomo a: — Tohne tyripose jahtao atamuru tomo a, toto tuãnohse ya ynetapohpyry ae ro eya xine. Onytyoromara exiase.

Numeru 23:19

Ahno sã pyra Ritonõpo mana, ajohpe exiketõ sã pyra; tõsenetupuhtoh onytyoromara mana. Tõmiry totapose ahtao Ritonõpo a, moro rĩko mana; ‘Tyrĩko ase,’ tykase ahtao Ritonõpo a tyrĩko mã rahkene.

Mateu 27:45

Morarame tãxiahtao tyarumãkapose Ritonõpo a pata tõ punero. Mame xixi tyhtosehxo ahtao, 3 orame ahtao tõmehse ropa.

Maku 15:33

Morarame tãxiahtao tyarumãkapitose Ritonõpo a pata tõ punero. Mame xixi tyhtosehxo ahtao tõmehse ropa.

Ruka 23:44

Mame kynyarumane tãxiahtao okynahxo, xixi tywykahme ehtoh pona.

Epezu 1:11

Emero exĩko Ritonõpo osenetupuhtopõpyry ae ro, aomihpyry ae ro roropa. Osemazuhme sero nono onyripyra ro tahtao kymarokõ tymenekase eya typoenõme kuehtohkõme tumũkuru Kyrixtu maro, tõsenetupuhtopõpyryme exiryke, toemynyhmatopõpyry ae ro apitoryme.

Epezu 1:9

Pake emero kukurãkarykõ poko tõsenetupuhse Ritonõpo oximõme kuehtohkõme, toiro tosẽke kuehtohkõme. Yrome Ritonõpo osenetuputyry waro pyra sexiatose. Morarame kutuarõtanohpotone tõsenetupuhtopõpyry poko.

Epereu 7:21

Yrome Ritonõpo maro oturuketyme toehse Jezu, ynara katopõpyry ae ro Ritonõpo a: “Ekurehpyra ase. Jũme onytyoromara ase roropa. Omoro mase ymaro oturuketyme imehnõ akorehmatohme jumanatome,” katopõpyry ae ro.

Apokaripxi 6:12

Mame pape apuhtopõpyry 6mã totapuruhmakase kaneru mũkuru a. Nono kywyh kywyh tykase itamurume. Xixi tyarumãse roropa, kamisa xinukutumã samo topuxiximã samo. Nuno kamirarame toehse, munu samo.

1 Samueu 15:29

Ritonõpo Imehxo Exikety, Izyraeu tõ Esẽ ajohpe pyra mana. Tõsenetupuhtoh onytyoromara mana. Ahnome pyra toexiryke, tõmiry onytyoromara mana.