Jeremia 4:24 - Ritonõpo Omiry: A Bíblia Sagrada na língua Aparai do Brasil

²⁴ Osenuhmase ypy tõ pokoxi, tykytyky ãko toh nexiase; Emorymãkomo roropa kywyh ãko nexiase xia, mya ropa.

Jeremia 4:24 ပူးပေါင်းရင်းမြစ်များ

1 Tuisa 19:11

— Moro ae otũtako. Ypy emory pona ytoko. Xikihme exiko jẽpataka, tykase Ritonõpo eya. Mame ipũtokoxi toeporehkase Ritonõpo. Tyyrykane konõto tonehpose eya, ypy tõ tapiakase, topu tõ toehmose, yrome tyryrykane ao pyra Ritonõpo kynexine. Mame tymynyhpãse moro tyryrykane. Mame nono tykytyky tykase, yrome tykytyky katoh ao pyra Ritonõpo kynexine.

Saumu 18:7

Morarame nono tykytyky tykase, kywyh tykase roropa, ypy tõ apõ kywyh tykase. Tykytyky tykase roropa, tãtaekymase Ritonõpo exiryke.

Saumu 77:18

Konomeru konõto tururume toytose epozakuroko; nono saereh tykase nenenehkane ke, nono tykytyky tykase, kywyh kywyh tykase roropa.

Saumu 97:4

Neneneh katoh sero nono zeipõko mana. Moro eneryke sero nono põkõ tykytyky ãko mã toto.

Exutu 19:18

Ypy Xinai orexĩtohpã sã kynexine, epona typorohse Ritonõpo exiryke apoto maro. Moro orexĩto tõnuhse apoto konõto erexĩtory samo apotoimo poe samo. Tykytyky tykase toto morohne kurũke.

Izaja 13:13

Moro ẽmepyry ae ywy, Ritonõpo Jamihmehxo Exikety, zehno jehtoh eneporyhtao, awãnopyrykohtao ya, kapu tõkehko tykytyky kamexipõko ase, sero nono syryhmãko roropa ase esary poe.

Izaja 24:20

Sero nono wazawazame ytõko mana aetymyhpyry samo, kywyh kywyh ãko mana tapyi pitiko samo, tyryrykane jamihme ahtao. Popyra ehtoh poko sero nono põkõ ehtoh omoxinety sã mana; toepukase ahtao owõsaromepyra ropa exĩko mana.

Izaja 5:25

Naeroro tyekĩtapãse Kuesẽkõ typoetory tõ poko; tomary tanỹse eya, tuãnohse toto. Ypy tõ tykytyky tykase kehko, aorihtyã ekepyry tõ typahsẽ sã tõxinamasẽme exĩko pata esemary po. Morara toehse ahtao ro toto zehno Ritonõpo ehtoh enahpyra ro; tomary tanỹse ro mana typoetory tõ wãnohtohme.

Jeremia 10:10

Yrome omoro mase Ritonõpo nymyry; Ritonõpo isene exikety, Tuisame jũme exikehpyra exiketyme. Zehno awahtao sero nono tykytyky ãko mana; ahno tõ zehno awahtao enahnõko mã toto.

Jeremia 8:16

Kuepetõkara toehse mã toto pata Tã pona; kawaru tõ etãko sytatose oseremãko jamihme ahtao. Mokaro omitaryhtao nono tykytyky kamexipõko mã toto. Kuepetõkara tooehse mã toto sero kynonorykõ enahkase kỹkyryrykõ maro emero porehme, kypatarykomo te, pata tõ põkõ maro.

Jeremia 9:10

Ywy Jeremia, ynara ase: “Xitãko ase ypy tõ pokoino, onahpoty pokoino roropa, toorihse exiryke, ytoketõ moro ae ytopyra mã toto. Pui tõ omiry osetara mana moroto; torõ tõ roropa, onokyro tõ toepase, mya toytose mã toto.”

Ezekieu 38:20

Kana tõ emero, torõ tõ roropa te, onokyro tõ okyno tõ roropa inunomo te, zumo pyra exiketõ maro te, ahno tõ emero, sero nono po tykytyky ãko mã toto juno toehtohkõke. Ypy tõ epukãko mã kehko, topu tõ tytohkasẽme exĩko, apuru tõ emero epukãko mã kehko.

Mikeja 1:4

Mame ipupuru tõ zopino ypy tõ tunatãko mã kehko; moronapu sã mã kehko apoto htao; sararakame ytõko mã jakanahmã pona tuna sararakaneme samo.

Apakuke 3:10

Ypy tõ oeneryke tykytyky tykase kehko; tuna tukuãse kapu aeino. Tuna tõ nono zopino panaikatome toehse sororokane samo, pohkane konõto samo tõnuhse mã kehko.

Apakuke 3:6

Totypohse ynororo ahtao, nono tykytyky ãko mana; ahno enẽko mana imeimehnõ nono põkomo, enaromỹke exĩko mã toto. Ypy tõ pake exiketõ kywyh kywyh ãko mã kehko, somohmã epukãko mã kehko, moino ro exiketomo, aytoryhtao moro po, apitorymã poe.

Apokaripxi 6:14

Mame osenepyra toehse kapu, pape amemyry samo. Ypy tõ tysyryhmase esae xine, ahmõta tõ roropa esae xine tysyryhmase.