Jeremia 4:20 - Ritonõpo Omiry: A Bíblia Sagrada na língua Aparai do Brasil

²⁰ Popyra ehtoh oehnõko kypona xine atakenaka samo. Sero kynonorykõ tytororo tonahkase. Axĩ kytapyĩkõ pahnõko mã toto, ikamisã risẽ toexihkase pisarara mã kehko.

Jeremia 4:20 ပူးပေါင်းရင်းမြစ်များ

Saumu 72:19

Jũme Ritonõpo Imehxo Exikety eahmatoko! Ah sero nono pehme nexino Imehxo Aehtoh ke! Enara! Aõ! Kure mana!

Exutu 33:5

Ynara tykase Ritonõpo exiryke Moeze a, toto zurutohme: — Putupyra exiketõme matose. Amaro xine jahtao, axĩtao rokẽ jahtao ro oenahkarykomo ipunaka. Naeroro okyryry tõ anamururukõ toutoko; osenetupuhxi otara oritorỹko ha?

Izaja 13:6

Oxitatoko, okohtatoko opore, Kuesẽkõ ẽmepyry ameke pyra toehse exiryke; enahkatoh ẽmepyry Ritonõpo Jamihmehxo Exikety poe.

Izaja 15:5

Xitãko ase ukurohtao Moape tõ poko. Toepase toto pata Zoa pona, Ekerate-Serixia pona roropa. Imehnõ xitaryke, onuhnõko mã toto Ruite pona; imehnõ kui ãko sam karyke, epãko mã toto Horonaĩ pona.

Izaja 33:20

Pata Xião enetoko, moro pata po oseahmatoh rĩko sytatose! Jerusarẽ pata ewomahpyryme exĩko kuesarykõme. Tapyi sã mã moro toehse, jũme esyryhmara mana. Ixikihmatyã onoupyra exĩko, eary tõ anamohpyra roropa mana.

Izaja 47:9

“Yrome seromaroro jomiry etako pahne: axiny, toiro saereme ahtao morohne asakoro exĩko oya, onio orihnõko mana opoenõ roropa, oneponãmarykõ poko awahtao ro, pyaxi tõ poko roropa awahtao ro.

Izaja 54:2

Atapyĩ zumohxo tyriko, oesary zumo ehtohme, omomỹke pyra exiko moro poko. Eary tõ mosa xine tyriko, atapyĩ kyryry wewe inepuru tõ ixixihmako nono aka!

Jeremia 12:11

Ynonory kurã tonahkase eya xine, turumekase mana yneneryme, patãpome toehse, ona tonorẽ samo. Yrome ‘otara’ kara mã toto.

Jeremia 17:18

Mokaro poremãkapoko yyryhmary se exiketõ ehxirotohme, yrome kypynanohko, Ritonõpo. Enaromỹke toto tyriko yrome jerehpyra exiko. Popyra ehtoh enehpoko mokaro pona; enahkako toto ipunaka.

Jeremia 4:21

Otara ahtao kuepetõkara kamisã pãteira tõ enekehnõko ha? Otara ahtao rue etory etakehnõko roropa ha osetapary poko? Epo hnae moro enery, moro etary roropa ya, enara!

Jeremia 4:27

Ynara tykase Ritonõpo: moro nono emero patãpome exĩko mana, yrome emero porehme onenahkapopyra ase.

Jeremia 4:6

Osema enepotoko Xião pona ytotopo! Osewomatoh taka epatoko! Oneraximara ehtoko! Inikahpoe, popyra ehtoh enehpõko Ritonõpo mana, itamurume tonahkasẽme exĩko.

Jeremia 9:18

Ahno ynara ãko: “Axĩ ke eremiaketõ enehpotoko, eremiatohme emynyhmatoh poko ynanetaryme, yna enuru pehkatohme yna xity ke, tuna tũtatohme yna enuru ae, yna xitaryme!”

Ramẽtasão 3:47

Tonaroxitapãse yna, yna apoitoh tonõ nae mana, yna typoremãkase te, yna tonahkase roropa, enara.”

Ezekieu 14:21

Mame ynara tykase Ritonõpo: — Jerusarẽ põkõ wãnohtohme popyrahxo ehtoh enehpõko ase: ynara mã kehko, osetapatopo te, omise konõto ehtopo te, onokyro tõ ahno esekananomo te, tyrohsẽ konõto ahno enahkatohme okyno tõ maro.

Joeu 1:15

Moro ẽmepyry oehnõko, myhẽ mana! Kuesẽkõ ẽmepyryme exĩko. Sero enahkapõko Kuesẽkõ Jamihmehxo Exikety mana. Oserehtoh konõto exĩko moro ẽmepyry ae mana!

Rewitiku 26:18

— Morarame morohne toehse ahtao jomiry omipona pyra ro awahtao xine, yrome oorypyrykõ poko ro awahtao xine, awãnohtopõpyrykõ motye 7me enehpõko ase awãnohtohkõme.

Rewitiku 26:21

— Mame morohne toehse ahtao oorypyrykõ poko ro awahtao xine, jurumekaryhtao ro, ynyripohpyry tõ omipona pyra roropa awahtao xine awãnohtohkõ popyrahxo 7me enehpõko ase.

Rewitiku 26:24

oepeme pyra exĩko ase, mame awãnohtorỹko ase 7me jetuhxo exikety ke.

Rewitiku 26:28

tohne jexiryke awãnohtorỹko ase oorypyrykõ pokoino 7me popyrahxo exikety ke.

Apakuke 3:7

Kuxã põkõ enease torẽtyke, Mitiã põkõ roropa enaromỹke mã toto.

Numeru 16:21

— Ameke ehtoko moxiã winoino, toto enahkatohme ya axiny.

Numeru 16:45

— Ytotoko mokaro winoino. Toto enahkãko ase seromaroro rahkene! Yrome tosekumuru po typorohse Moeze tomo Arão maro tõmytykõ po nono pokoxi.

Mateu 10:28

Imehnõ zuno pyra ehtoko. Kuokokõ etapary waro toh mã repe, yrome kuzenukõ etapary waro pyra mã toto. Ritonõpo zuno rokẽ ehtoko. Kuokokõ etapary waro mã ynororo. Kuzenukõ emary waro roropa mana apotoimo htaka, tykase Jezu typoetory tomo a.

2 Tesaronika 1:9

Toto rypyry emetakame toto pahnõko mana apoto konõto htaka. Etuarimakehpyra mã toto jũme. Kuesẽkõ esaka ytopyra toto; jũme imehxo aexiry onenepyra ekurehnõko mã toto.