Jeremia 4:16 - Ritonõpo Omiry: A Bíblia Sagrada na língua Aparai do Brasil

¹⁶ Imeimehnõ nonory põkõ enaroximapoko, ãko mã toto, Jerusarẽ põkõ zurutoko roropa: kuepetõkara moino oehnõko mã toto, opore kui ãko mã toto Juta patary tõ netaryme, toto maro etonatohme.

Jeremia 4:16 ပူးပေါင်းရင်းမြစ်များ

Izaja 34:1

Osehtoko, imeimehnõ nonory põkomo, etatoko pahne, oximõtoko, ahno tomo, otato ehtoko! Sero nono põkõ emero porehme etatoko, otato ehtoko isene exiketomo porehme!

Izaja 39:3

Morarame urutõ Izaja toytose tuisa Ezekia a ekaropose, ynara tykase: — Otokoino tooehse mokaro nahe? Otara nykã toh oya? tõturupose Izaja Ezekia a. — Moe nono poe tooehse toh nexiase, Papironia poe, tykase Ezekia.

Jeremia 1:15

Enara exiryke, inikahpoe imeimehnõ nonory põkõ kohmãko ase emero. Ituisarykõ oehnõko mã toto xiaro, tuisame tapõkõ rĩko mã toto Jerusarẽ omõtoh etonie te, pata apuru tõ zomye roropa te, imehnõ pata tõ zomye roropa Juta nonory po.

Jeremia 16:6

Oxisã orihnõko tytineruke exiketomo, tymõkomokãkara roropa sero nono po. Ekepyrykõ ononẽpyra exĩko mã toto, aorihtyã onyhnamopyra roropa exĩko mã toto. Typihpyrykõ onysahkara exĩko mã toto aorihtyã hnamoryme, tũsetykõ onysahkara roropa exĩko mã toto toemynyhmarykõme.

Jeremia 2:15

Reão tõ sã Izyraeu tõ epetõkara tooehse toto enaroximase. Izyraeu nonory tyrise eya xine patãpome, ipatary tõ tonahkase eya xine, pata põkõ pyra toehse.

Jeremia 31:10

Ynara ãko ro Ritonõpo mana: “Ahno tomo, etatoko ke, jotururu, jomihpyry ekarotohme imehnomo a ahmõta tõ po te, nono moe etyhpyry po roropa. Izyraeu tõ sapararahme aropoase, yrome toto muhxihmapõko ropa ase, toto ewomãko ase, kaneru pyno exikety toky tõ pynanopyry samo.

Jeremia 39:1

Mame jeimamyry 9me ehtoh po nuno 10mã po Zetekia tuisame ehtoh poko Juta tõ esẽme, tuisa Napukotonozo, papironio tõ esẽ, tooehse tysoutatu tõ maro Jerusarẽ poremãkapose.

Jeremia 4:17

Pata Jerusarẽ apurũko mã toto tupito apururu sã erase tomo a tarykase ahtao, Ritonõpo Kuesẽkõ turumekase exiryke kynonorykõ põkomo a.

Jeremia 5:15

Etako pahne Izyraeu tomo, ynara ãko Ritonõpo mana: — Ywy, Ritonõpo ahno enehnõko ase moino etonatohme amaro xine. Ahno jamihme exiketomo, pakatokomo, tyoro omiry ae oturuketomo. Aomiry onenetupuhpyra matose ipunaka.

Jeremia 5:6

Morara exiryke reão a itu htae tosekasẽme exĩko mã toto; kaikuximo ona poe toto esekãko, reoparatu tõ otonẽnõko pata põkõ esekase. Itũtarykohtao pata poe tosekasẽme exĩko mã toto iirypyrykõ tuhke exiryke, tuhke Ritonõpo turumekase roropa eya xine.

Jeremia 50:2

“Imeimehnõ nonory põkõ zurutoko! Oturutoko eya xine! Zuaro toto tyripotoko jarao, imehnõ netaryme! ‘Papironia tapoise! Mokaro neponãmarykõ Peu-Maatuke tytahkase! Papironia neponãmarykõ toehxirose mã toto. Toto neponãmary nuriamã tytahkase mã toto!’ ”

Jeremia 6:18

Naeroro ynara tykase Ritonõpo: — Etatoko pahne imeimehnõ nonory põkomo, enetoko ke otara exĩko ypoetory tomo a.

Jeremia 6:19

Etako ke nono! Popyra ehtoh enehnõko ase mokaro a, toto nyrityã emetakame, jomiry omipona pyra toehse toexirykõke, tamorepatohkõ se pyra roropa toexirykõke.

Jeremia 6:22

Ynara ãko Ritonõpo mana: — Ahno oehnõko moino, imehnõ nonory poe inikahpoe; ahno jamihme exiketõ typyrekõ rĩko mã toto etonatohme.

Jeremia 6:23

Typyreke mã toto: taky tõ ke, pyrou ke, tytapema ke, enara. Imehnõ pyno pyra mã toto, imehnõ nupunato onenepyra mã toto. Kawaru po ytõko mã toto, panaikato rĩko mã toto tuna konõto samo, pohkane konõto samo. Oehsasaka mã toto osetapase Jerusarẽ põkõ maro.

Jeremia 8:19

Etatoko ke! Wekyry tõ kui kary etãko ase, kohtãko mã toto sero nono po porehme. Ynara ãko mã toto: “Otarame Ritonõpo Kuesẽkõ Xião po pyra toehse nae? Xião Tuisary moroto pyra hnae?” Mame Ritonõpo, Ituisarykõ toto ezuhnõko: “Oty katoh jyhtomãko matou oneponãmarykõ ke, ritõ panõ eahmaryke oya xine, typahsẽme rokẽ mokaro mã toto?”

Ezekieu 21:22

Morarame tomary ke tapotunuru wino pyrou apoĩko mana tosehke tymerose “Jerusarẽ me”. Papironia tuisary ytotohme mana, kui katohme, makina tõ arotohme pata apuru tohkatohme, tyritohme omõtoh etonie, onuhtoh tonõ ritohme roropa, tapyi kaetokohxo exiketõ taõkõ etonatohme mana.