Jeremia 39:18 - Ritonõpo Omiry: A Bíblia Sagrada na língua Aparai do Brasil

¹⁸ opynanohnõko ase. Oetapara exĩko imehnõ mana. Isene exĩko mase tonetupuhse jexiryke oya. Ywy Ritonõpo oturuno.

Jeremia 39:18 ပူးပေါင်းရင်းမြစ်များ

1 Koronika 5:20

Tõturuse toto Ritonõpo a takorehmatohkõme. Tonetupuhse tosẽkõme eya xine. Naeroro orẽpyra toehse toto Ritonõpo poe, hakarita tõ typoremãkase eya xine epe tõ maro.

Jo 5:20

Omise ehtoh konõto toehse ahtao opynanohnõko mana oorikyryino, etonatoh toehse ahtao opynanohnõko mana oetaparyino.

Saumu 147:11

Ritonõpo zamaro mokaro, aomiry omipona exiketomo, penekehpyra exiketõ Ritonõpo eraximary poko typynanohtohkõme.

Saumu 2:12

ozehno xine aexiryino te, oenahkaryino oesemary ae oytoryhtao. Tãkye matose exĩko oewomaneme Ritonõpo riryhtao oya xine!

Saumu 33:18

Ritonõpo Kuesẽkõ rokẽ mã tõmiry omipona exiketõ ewomãko mana. Ynoro rokẽ mã typyno xine aehtoh enetupuhnanõ kurãkãko mana.

Saumu 34:22

Typoetory tõ pynanohnõko Kuesẽkõ mana; Eya ytoketõ osewomapose, mokaro pynanohnõko mana.

Saumu 37:3

Ritonõpo enetupuhko Oesẽme, kure ehtoh poko exiko roropa; morara awahtao kure exĩko mase, imehnõ zuno pyra Ritonõpo nekarohpyry po.

Saumu 84:12

Ritonõpo Jamihmehxo Exikety, tãkye mã mokaro tosẽkõme oenetupuhnanomo.

Saumu 91:7

Miume ahno totapase ahtao opũto, 10 miumãkõ totapase ahtao õmye, oryhmara exĩko mana.

Izaja 26:3

Õmiry omipona se exiketõ rĩko mase torẽtyke pyra, oenetuputyryke eya xine.

Jeremia 21:9

Tehme rokẽ exiketõ taro, pata po orihnõko mã toto etonatoh tao, omise konõto ehtoh ke, tyrohsẽ ke, enara. Yrome otũtarykohtao eya xine, osekaroryhtao Papironia põkomo a, sero pata apurunanomo a orihpyra exĩko matose; osepynanohnõko matose isene rahkene.

Jeremia 38:2

Ritonõpo Kuesẽkõ ynara tykase: — Taro pata po tehme exiketõ orihnõko mã toto etonatoh ke te, omise ehtoh ke te, tyrohsẽ ke, enara. Yrome pata poe tũtaketõ osekarotohme papironio tomo a orihpyra exĩko mã toto; osepynanohnõko mã toto isene ro.

Romanos 2:12

Juteutõkara typapeke pyra, Ritonõpo nymeropohpyry Moeze a, moro pyra mã toto. Naeroro Ritonõpo omipona pyra mã toto. Orihnõko rokẽ mã toto, jũme, tyyrypyrykõ epehpyryme. Ritonõpo nymeropohpyry waro pyra ro tahtao xine orihnõko mã toto. Mame juteu tõ mã Ritonõpo nymeropohpyry nae. Yrome aomipona pyra roropa toh mana. Naeroro iirypyrykõ epehmapõko Ritonõpo mana tynymeropohpyry ae ro eya xine.

Epezu 1:12

Naeroro: “Kure mase Ritonõpo, yna Esẽme imehxo mase,” ãko ynanase, osemazuhme Kyrixtu tonetupuhse yna a exiryke, kypynanohnekõme.

1 Peturu 1:21

Jezu Kyrixtu tõsemãkase ropa Ritonõpo a aorihxĩpo. Emero motye tuisamehxo tyrise roropa eya. Emero motye kure ynororo. Naeroro Ritonõpo enetupuhnõko matose yronymyryme. Tãkye roropa matose Ritonõpo eraximary poko.