Jeremia 38:6 - Ritonõpo Omiry: A Bíblia Sagrada na língua Aparai do Brasil

⁶ Mame tapoise ywy eya xine, tõmase ywy eya xine tuisa mũkuru, Maukia pẽkamã aka, tapyi konõto erase tõ zarã rãnao. Eary tõ ke tonyhtose ywy moro aka. Tuna pyra nexiase, ikurepato rokene; moro aka tyhtose ywy.

Jeremia 38:6 ပူးပေါင်းရင်းမြစ်များ

Jenexi 37:24

Moromeĩpo takorõkõ tapoise eya xine, tõmase ynororo eya xine oramãka. Moro ao tuna pyra kynexine, tonore rokẽ zao.

Saumu 109:5

Ynyriry kurã epehmãko mã toto popyra ehtoh ke, ipyno xine jehtoh emetakamãko mã toto yse pyra toehtohkõke.

Saumu 40:2

Janymyase oramã xihpyry ae, ikurepato tahxikurẽ poe, purapuramã orihmatõ poe. Topu jamihmã pona jaroase, jewomatohme.

Saumu 69:2

Ikurepato htaka omõnõko ase zue aka, tũporẽ pyra mana upupuru apõme. Zue aka tomõse ywy, nerỹko ase tuna opotũ exiryke.

Jeremia 32:2

Morarame Jerusarẽ tapuruse nexiase Papironia tuisary a soutatu tõ maro; ywy ãpuruhpyry tao exiase zara po tuisa tapyĩ konõto tao.

Jeremia 36:26

Mame typoetory tõ tonyohse eya: tuisa mũkuru Jerameeu te, Seraia maro, Azarieu mũkuru te, Seremia maro, Apateu mũkuru, enara, jakorehmane Paruke apoitohme tyya xine ymaro repe. Yrome tonẽse ynanexiase Ritonõpo a.

Jeremia 37:16

Mame osa pitiko aka tyrise ywy, nono ahkahpyry aka. Moro tao exiase okynahxo.

Jeremia 37:21

Mame tyripose ywy tuisa Zetekia a erase tõ zarã pona. Kokoro rokẽ wyi tokarose ya wyi ekeitoh poe, enatyry pona pata po. Naeroro moroto ehse exiase erase tõ zarã po.

Jeremia 38:13

Mame tanỹse ywy eya xine eary tõ ke. Touse ropa ywy eya xine moro pẽkamã ae. Moromeĩpo moroto tapuruse exiase erase tõ zarã po.

Jeremia 38:22

Nohpo tõ emero Juta tõ tuisary tapyĩ konõto tao aexityã arõko mã toto Papironia tuisary akorehmananomo a. Mame mokaro nohpo tõ ynara ãko mã toto aytorykohtao: “Tonekunohse tuisa nexiase epe tõ kurano a, typoremãkase ynororo eya xine. Naeroro seromaroro tomõse ynororo ikurepato htaka exiryke, turumekase mã ynororo epe tomo a.”

Tanieu 6:16

Naeroro typoetory tomo a Tanieu tonehpose tyya, mame tomapose ynororo reão tõ ẽ aka. Yrome ynara tykase ynororo Tanieu a: — Ritonõpo Oesemy a, aomiry omipona oexiryke, opynanohpory se hano.

Zakaria 9:11

Ritonõpo ynara ãko mana: “Jerusarẽ põkomo, jomihpyry etapoase oya xine, opynanopyrykõ topehmase munu ke. Morara exiryke oekyry tõ anỹnõko ase toto apoihpõkõ winoino, tanỹsẽme exĩko mã toto eutary winoino, namotome oehtopõpyrykõ poe.

Atos 16:24

Morara tykase tyya exiryke mya tarose toto ãpuruhpyry taõ taka. Ipupurukõ roropa tytamunuhpose wewe ke.

Epereu 10:36

Penekehpyra ehtoko Ritonõpo enetuputyry poko oya xine, aomipona oehtohkõ poko, enara. Mame inekarotyã apoĩko matose. Kure oritorỹko mana: “Kure oritorỹko ase,” katopõpyry ae ro.