Jeremia 38:19 - Ritonõpo Omiry: A Bíblia Sagrada na língua Aparai do Brasil

¹⁹ Mame tuisa Zetekia ynara tykase: — Yrome mokaro juteu tõ zuno ase, yna rumekahpõkomo Papironia põkõ maro ehtohme. Otarame jekarõko papironio tõ mana eya xine, mame yyryhmãko mã toto.

Jeremia 38:19 ပူးပေါင်းရင်းမြစ်များ

2 Koronika 30:10

Mokaro omi aronanõ toytose emero pata tõ pona Eparaĩ nonory pona te, Manase nonory pona, enara. Toeporehkase toto Zepurõ nonory pona inikahpozakoxi. Yrome tounohse rokẽ toto, typoihtose mokaro omiry etaryke tyya xine.

Neemia 4:1

Morarame pata apuru riry poko juteu tomo a, zuaro toehse Sãparate ahtao, tyenonohse ynororo, yna typoihtopitose eya.

Jo 31:34

Imehnõ omiry zuno pyra exiase; Otonẽpyra exiase ytapyĩ tao, mynyhme pyra exiase ykerekeremary kurũke eya xine.

Porowepio 29:25

Opoko imehnõ osenetupuhtoh zuno awahtao orẽnõko mase, yrome Ritonõpo enetuputyryhtao oya towomasẽme exĩko mase.

Izaja 57:11

“Oneponãmarykõ zuno matose! Onokãkõ mokaro, ajohpe õturutohkõme ya? Mame ypoko tuenikehse matose ipunaka. Otarame mynyhme toehse jexiryke moino ro juno pyra matose, jomipona pyra.

Jeremia 20:7

Ritonõpo, kuenekunopyase, tonekunohse exiase rahkene. Jamihme mase ymotye, typoremãkase ywy oya. Jeunohnõko mã toto emero porehme, ypoihtory poko kohmãnõko mã toto.

Jeremia 38:22

Nohpo tõ emero Juta tõ tuisary tapyĩ konõto tao aexityã arõko mã toto Papironia tuisary akorehmananomo a. Mame mokaro nohpo tõ ynara ãko mã toto aytorykohtao: “Tonekunohse tuisa nexiase epe tõ kurano a, typoremãkase ynororo eya xine. Naeroro seromaroro tomõse ynororo ikurepato htaka exiryke, turumekase mã ynororo epe tomo a.”

Jeremia 38:5

Ynara tykase tuisa Zetekia: — Kure! Jeremia tyritoko ise oehtohkõ ae. “Ipoko pyra ehtoko,” kara exĩko ase oya xine.

Jeremia 39:9

Mame papironio tõ soutatu tõ tuisary Nepuzaratã nexiase. Eya Juta tõ akoĩpyry tarose tynamotome Papironia pona, epaketõ maro papironio tõ epeme ehtohme.

João 12:42

Morarame tuhke juteu tõ esamo a tonetupuhse. Yrome tynotao xine rokẽ tonetupuhse eya xine parixeu tõ zuno toexirykõke, atamorepatoh tae tutũtanohporykoino ropa eya xine.

Juize 16:25

Mame oseahmaryhtao ro ynara tykase toto: — Sãsão enehpoko xiaro osemeikatohme imaro. Tonehse ynororo jarãnaka ãpuruhpyry tae. Atahmãkãko toh kynexine ipoko osemeikãko toh kynexine. Mame tyrise ynororo tapyi nepuru rãtaka.

Juize 9:54

Axĩ typoetory tykohmase tyya, typyre puimane. Ynara tykase ynororo eya: — Opyre ke kuwoko. “Nohpo a totapase,” kary se pyra ase. Naeroro tuose ynororo nuasemano a.

1 Samueu 15:24

— Tyyrypyhpyke ase, tykase Sauu, — Ritonõpo Kuesẽkõ omihpyry omipona pyra toehse jexiryke. Õmihpyry roropa omipona pyra toehse ywy. Ahno zuno jexiryke, ise toto ehtoh tyrise ya.

1 Samueu 31:4

Naeroro ynara tykase Sauu typyre arone a: — Punião apoiko juotohme jũme rokene. Arypyra ahtao mokaro, Ritonõpo omipona pyra exiketõ jeunohnõko mã toto jetaparyhtao, tykase Sauu. Yrome ipyre arone enaromỹke nexiase. Tosẽ wory se pyra nexiase. Naeroro tamoreme toepukase Sauu tywaratã pona tõtuotohme.