Jeremia 35:9 - Ritonõpo Omiry: A Bíblia Sagrada na língua Aparai do Brasil

^9-10 Tapyi tõ onyripyra ynanase yna esaryme: tapyi pitiko tao rokẽ ynanase. Uwa zoko tõ esẽme pyra ynanase, tupito tõ onyripyra ynanase, tiriiku tõkehko esẽme pyra roropa ynanase. Yna tamuru Jonatape nyripohpyry omipona toehse ynanase emero porehme.

Jeremia 35:9 ပူးပေါင်းရင်းမြစ်များ

2 Tuisa 5:26

Yrome ynara tykase Eriseu eya: — Juzenu amaro kynako mokyro tyhtose ahtao tykahu poe tõturutohme amaro. Seromaroro epehpyry apoitoh kara mana, tineru te, upo kurano te, tupito tõkehko tarykase oriwera ke te, uwa ke roropa te, kaneru tomo te, pui tomo te, erohketomo roropa.

Saumu 37:16

Kurehxo mõkomo pitiko, zae ehtoh poko exiketõ mõkomoryme ahtao; popyrahxo mõkomo itamurume, zae pyra exiketõ mõkomoryme ahtao.

Jeremia 35:7

Tapyi tõ onyripyra ehtoko, tupito tõ anarykara roropa ehtoko. Uwa zoko tõ anarykara ehtoko, imehnõ narykatyã onepekahpyra roropa ehtoko. Pata tõ onyripyra ehtoko oesarykõme. Tapyi pisarara ao rokẽ ehtoko oesarykõme jũme samo, okynahxo oehtohkõme sero nono po.”

Numeru 16:14

Ajohpe pyra, yna onenehpyra mekuretyase nono kurã pona, otyro zamaro exikety pona, tupito tõ onekaropyra mexiase yna a ona kurã maro yna esaryme ehtohme. Moro motye yna enekunopyry se mahno. Ytopyra ynanase!

1 Timoteu 6:6

Yrome Ritonõpo omipona kuahtao xine, tãkye roropa kuahtao xine inekarohpyry poko, tymõkomoke exikety motye sytatose. “Kure mase” karyhtao Ritonõpo a kyya xine kure ipunaka mana.