Jeremia 34:5 - Ritonõpo Omiry: A Bíblia Sagrada na língua Aparai do Brasil

⁵ Yrome torẽtyke pyra orihnõko mase. Ixtaratu zahkãko mã toto oekepyry tonẽse ahtao, atamuru tõ tuisãpo tõ ekepyry zonẽtopõpyry samo. Ime oehtopõpyry poko oturũko mã toto. Xitãko mã toto, ohnamõko: “Kutuisarykõ norihno!” ãko mã toto. Ywy Ritonõpo oturuno.

Jeremia 34:5 ပူးပေါင်းရင်းမြစ်များ

2 Tuisa 22:20

Imeĩpo, toorihse awahtao rokẽ, Jerusarẽ põkõ wãnohnõko ase. Naeroro kure rokẽ orihnõko mase, torẽtyke pyra.” Mame toytose ropa toto tuisa Joxia a, mokyro omihpyry ekarose eya.

2 Koronika 16:14

Ekepyry tonẽse kynexine zonẽtoh tao topu oramao, inaxikapohpyry ao tykyryryme Tawi patary po. Ixtaratu te kanera kehko roropa tyrise eya xine ekepyry maro zonẽtoh taka. Mame apoto konõto tyrise eya xine tuisamehxo aehtopõpyry enetupuhpotohme tyya xine.

2 Koronika 34:28

Naeroro imeĩpo, toorihse awahtao rokẽ, Jerusarẽ põkõ wãnohnõko ase. Morara exiryke torẽtyke pyra exiko. Kure rokẽ orihnõko mase.” Mame toytose ropa toto tuisa Joxia a, mokyro omihpyry ekarose eya.

Jeremia 22:18

Morara exiryke ynara ãko Ritonõpo mana Jeoakĩ, Juta tuisary, Joxia mũkuru poko: “Xitara exĩko mã toto emero Jeoakĩ orihtopõpyry poko, ynara kara mã toto: ‘Popyra ehtoh toehse oya myhene! Popyra ehtoh moro, jepe!’ Onyhnamopyra mã toto, ynara kara mã toto: ‘Yna tuisary! Yna Esemy!’

Jeremia 34:4

Tuisa Zetekia, etako ke, ywy Ritonõpo omiry oya: oetapara exĩko mã toto etonatoh po.

Ramẽtasão 4:20

Isene yna ehtoh tapoise eya xine, Ritonõpo nymenekahpyry yna tuisaryme. Mokyro ynanenetuputyase yna ewomaneme, yna onyryhmara yna epetõkara ehtohme.

Ezekieu 17:16

— Ajohpe pyra ase, ãko Ritonõpo mana. — Mokyro tuisa orihnõko mana Papironia po, tõmihpyry tamonohse exiryke, omipona pyra toehse, Papironia tuisary omipona pyra toehse roropa, tuisame tyrise ahtao eya.

Tanieu 2:46

Mame Napukotonozo typorohse tosekumuru po Tanieu ẽpataka ẽmyty po nono pokoxi. Tanieu eahmaryme tynekarory tonehpose eya ixtaratu tõkehko zahkatohme.

1 Samueu 31:12

Orutua kõ emero orẽpyra exiketõ toytose koko Pete-Sã pona. Mame Sauu tõ ekepyry touse ropa eya xine, imũkuru tõ ekepyry maro Pete-Sã apuru poe, arotohme ropa Jape pona, jahkatohme.