Jeremia 33:2 - Ritonõpo Omiry: A Bíblia Sagrada na língua Aparai do Brasil

² — Ywy Ritonõpo, oturũko ase amaro, sero nono rihpono, sero nono aputyhpono, esaka tyrihpõme roropa. Jesety Ritonõpome mana.

Jeremia 33:2 ပူးပေါင်းရင်းမြစ်များ

Saumu 102:16

Jerusarẽ ripitory ropa ahtao Ritonõpo a, imehxo toexiry enepõko mana.

Saumu 87:5

Pata Jerusarẽ poko ynara ãko mã toto: ahno tõ emero rokẽ nonory poe moro pata po osesarĩko mã toto, mame Ritonõpo Imehxo Exikety mã moro pata rĩko jamihme.

Exutu 15:3

Ritonõpo etonaketyme mana. Esety mã Ritonõpo.

Exutu 6:3

Osenepoase Aparão a te, Izake a te, Jako a roropa Ritonõpo Jamihmehxo Exiketyme. Yrome jesety kurã Oesẽkõme onekaropyra exine eya xine.

Izaja 14:32

Otara ãko sytatou omi aronanõ ezuhnõko Pirixitea poe aepyhpyamo? Ynara ãko sytatose eya xine: “Jerusarẽ tyrise Ritonõpo a. Moro po ipoetory tõ tymõkomokãkara osewomãko mã toto.”

Izaja 37:26

“Otarame zuaro pyra mase moino ro tõsenetupuhse ywy senohne ripory poko, seromaroro morohne tyrise ya rahkene. Ajamitunuru ekaroase oya pata tõ, tapuruse exiketõ, kararahtohme oya.

Izaja 42:8

Ywy ro rokẽ Ritonõpome ase: morome jesety mana! Imehxo jehtoh onekaropyra ase imehnomo a; imehnõ neponãmary oneahmapopyra ase ipunaka.

Izaja 43:1

Yrome seromaroro Ritonõpo, Orihpono, ynara ãko Izyraeu a: “Enaromyra exiko, opynanohnõko ase; kykohmase oesety ae, ypoetoryme mase.

Izaja 43:21

Mokaro ynyrityãme mã toto ypoetoryme toto ehtohme jeahmatohme.”

Izaja 62:7

“Ah Ritonõpo oseremara nexino, Jerusarẽ kurãkatoh ropa ponãmero eya, sero nono põkõ emero ripotohme Ritonõpo a Jerusarẽ patary eahmatohme.”

Jeremia 10:16

Yrome Jako Esẽ mokaro sã pyra mana; emero Rihpõme mã ynororo, Izyraeu tõ tymenekase eya typoetoryme toto ehtohme. Esety mã Ritonõpo, Jamihmehxo Exikety.

Jeremia 16:21

Ynara tykase Ritonõpo: — Morara exiryke yjamitunuru waro toto tyripõko ase, orẽpyra jehtoh waro exikehpyra toto ehtohme. Mame jesety waro exĩko mã toto, ywy ase Ritonõpo.

Jeremia 32:18

Kure mexiase tuhke miumãkomo a, yrome imũkuru tõ tuãnohse roropa oya jũkõ rypyhpyry pokoino. Ritonõpo Imehxo mase, Jamihmehxo Exikety roropa; oesety Kuesẽkõme mana, Jamihmehxo Exikety.

Jeremia 51:19

Ritonõpo, Jako Esemy, mokaro sã pyra mana. Emero Rihpõme mana. Izyraeu tymenekase eya typoetoryme toto ehtohme. Esety Kuesẽkõme mana, Jamihmehxo Exikety.

Amoxi 5:8

Xirikuato tõ tyrise Ritonõpo a, Kuesẽkomo, Puripurikane tomo, Oseruao Maria tõ roropa. Koko ehtoh ẽmehkapõko mana, saereme ehtoh kohmãkapõko roropa mana. Tuna konõto zumyhkãko mana aekuãtohme nono pona. Mokyro esety Ritonõpome mana.

Amoxi 9:6

Tytapyĩ rĩko Ritonõpo mana kapu ao, kapu rĩko mana nono epozakoxi. Tuna kohmãko mana tuna konõto kuao, moro tuna tõ kuãnõko mana nono pona. Ritonõpome esety mana!

Epereu 11:10

Ynara exiryke tyoro pata eraximãko Aparão kynexine, Ritonõpo osenetupuhtopõpyry te, inyrihpyry roropa, enara. Moro pata mã jũme enahpyra mana kapu ao.

Epereu 11:16

Yrome imepỹ pata tamuru kurã poko typenetase toto, Ritonõpo esary poko kapuaõ poko. Naeroro: “Kuesẽkõme Ritonõpo mana,” karyhtao eya xine, toto poko ihximyra Ritonõpo mana. Pata konõto tyrise roropa eya toto esaryme.

Apokaripxi 21:10

Mame yporemãkase ropa Ritonõpo Zuzenu. Mame jaroase Ritonõpo nenyokyhpyry ypy emory pona kaetokõ pona. Mame Jerusarẽ enease, pata kurano ayhtory kapu ae Ritonõpo poe.

Apokaripxi 21:2

Mame Ritonõpo Patary Kurã enease, Jerusarẽ tyrisenano. Ayhtory enease kapu ae Ritonõpo poe. Tõtyhkase nexiase tosẽ eraximãko. Niotakety sã nexiase. Niotakety upo kurã amurũko tynio oepyry eraximatohme.