Jeremia 33:11 - Ritonõpo Omiry: A Bíblia Sagrada na língua Aparai do Brasil

¹¹ kui katoh tonõ tãkye exiketõ omiry, atãkyemaketõ panaikato roropa otuhtoh riry poko, pytary poko roropa. Ahno eremiaketõ etãko roropa matose, tynekarorykõ enehnõko Ytapyĩ taka, “Kure mase,” katohme ya. Ynara ãko mã toto eremiãko: “ ‘Kure mase,’ kahtoko Ritonõpo Jamihmehxo Exikety a, kure aexiryke, kypyno xine exikehpyra mana, jũme.” Sero nono po tymõkomoke toto ripõko ase, osemazuhme toto ehtopõpyry samo. Ywy Ritonõpo oturuno.

Jeremia 33:11 ပူးပေါင်းရင်းမြစ်များ

1 Koronika 16:34

“Kure mase” kahtoko Ritonõpo a kure aexiryke, kypyno xine exikehpyra mana.

1 Koronika 16:8

“Kure mase” kahtoko Ritonõpo a, imehxo aexiry ekarotoko; imehnõ nonory põkõ zuruko inyrihpyrykõ poko.

2 Koronika 20:21

Mame ekaropoxĩpo ahno a, eremiaketõ tymenekase Josapa a, tupõkõ kurã tamurupose eya xine toytotohme soutatu tõ esemazupurume, Ritonõpo eahmaryme. Ynara eremiãko toh kynexine: “Ritonõpo eahmatoko, Kuesẽkomo, Kypyno xine exiry jũme exikehpyra mana.”

2 Koronika 29:31

Mame ynara tykase Ezekia imoihmãkomo a: — Seromaroro tõsekarose oexirykõke Ritonõpo a aomipona oehtohkõme, onekarorykõ enehtoko eya eahmatohme, “Kure mase,” katohme eya. Aomiry omipona toehse toto. Toitoine okyno tonehse eya xine jahkatohme tynekarorykõme Ritonõpo a.

2 Koronika 5:13

Mame oximõme rueimo totopitose eya xine. Toremiase opore roropa toto kure Ritonõpo Kuesẽkõ ehtoh poko, Ritonõpo eahmaryme. Rueimo tõ maro paratu tõkehko maro Ritonõpo toahmase eya xine. Ynara toremiase toto: “Ritonõpo eahmatoko, Kuesẽkomo. Kure mã ynororo. Kypyno xine aexiry enahpỹme mana, jũme.” Mame Osa Kurã tae tutũtase oturuketõ ahtao, mõtoino rokẽ Ritonõpo Tapyĩ typehkase akurũ a,

2 Koronika 7:3

Moro apoto epukary kapu ae eneryke tyya xine, Ritonõpo ezuru roropa Tapyi tyeipose exiryke, tosekumuru po typorohse toto tõmytykõ po nono pokoxi. Ritonõpo toahmase eya xine ynara tykase toto: “Ritonõpo eahmatoko, Kuesẽkomo, kure rokẽ aexiryke, kypyno xine aexiry jũme enahpyra roropa mana.”

Extara 6:22

7me ẽmepyry taropose eya xine Oseahmatoh Wyi poko Iporutatoh maro pyra. Atãkyemãko toh kynexine, Axiria tuisary tyripose Ritonõpo a toto akorehmaneme, Ritonõpo Tapyĩ riry ropa poko.

Neemia 12:43

Moro ẽmepyry ae okyno tuhke tyahkase eya xine tynekarorykõme Ritonõpo a. Oseahmãko toh nexiase, tãkye toexirykõke. Ritonõpo poe atãkyemãko toh nexiase. Nohpo tõ roropa poetohti tõ maro oseahmãko toh nexiase, toto panaikatõ totase imehnomo a moe exiketomo a.

Neemia 8:12

Naeroro toytose toto, emero tytapyĩkõ taka, otuhse te, eukuru ẽse, atãkyematohme. Tynahke exiketõ a tynapyrykõ tapiakase ekarotohme imehnomo a, Ritonõpo omiry sekerematopõpyry tonetupuhse eya xine exiryke.

Saumu 106:1

Kure Ritonõpo mana! “Kure mase,” kahtoko Ritonõpo a kure aexiryke, kypyno xine exikehpyra mana.

Saumu 107:1

“Kure mase,” kahtoko Ritonõpo Kuesẽkomo a, kurãme aexiryke, kypyno xine aexiry enahpỹme mana jũme!

Saumu 107:22

Ah tynekarorykõ enehno toto, “Kure mase,” katohme, eremiatoh maro tãtãkyemarykõme Ritonõpo nyrityã emero ekaroryme!

Saumu 116:17

“Kure mase,” ãko ase ynekaroryme oya, jotururu ekarõko ase roropa oya.

Saumu 147:13

Jamihme apatary omõtoh rĩko mana. Kure rokẽ apatary põkõ rĩko roropa mana.

Saumu 85:7

Ritonõpo yna Esemy yna pyno oehtoh enepoko yna a, yna ipynanohko roropa.

Izaja 35:10

Toremiarykõme pata Jerusarẽ pona omõnõko mã toto, kohtãko mã toto tãkye rokene. Tãkye exikehpyra exĩko mã toto jũme, atasamara, emynyhmara, xitara mã toto.

Izaja 51:11

Naeroro onypynanohtyã ytõko ropa mã toto Jerusarẽ pona tytapyĩkõ taka, eremiãko, atãkyemãko, kohtãko tãtãkyemarykõme. Jũme tãkye exĩko mã toto, atasamara exĩko mã toto, onyhnamozomopyra exĩko mã toto.

Izaja 51:3

Ywy, Ritonõpo, Jerusarẽ põkõ emuhkehkapõko ase, etuarimaketõ pynanohnõko ikararahtyã taõkomo emero. Inonorykõ tonore toehse ahtao ro, tupito kurãme tyrĩko ropa ase, ynarykahpyry sã Etẽ po. Tãkye exĩko moro põkõ mana, oseahmãko toto; eremiãko mã toto jeahmaryme, ‘Kure mase,’ ãko mã toto ya.

Izaja 52:8

Etatoko ke, pata omõtoh erase tõ kohtãko! Tãtãkyemarykõme kohtãko mã toto oximõme, tonuru tõ ke enẽko mã toto, Kuesẽkõ oepyry ropa pata Jerusarẽ pona.

Izaja 52:9

Jerusarẽ typahse aexihpyry, oeremiako ãtãkyemaryme, nupunato typoetory tõ enẽko Kuesẽkõ mana, Jerusarẽ pynanohnõko mana.

Jeremia 16:9

Etako pahne ywy, Ritonõpo Jamihmehxo Exikety, Izyraeu tõ Esẽ oturũko ase. Tãkye exiketõ kui kary enahkapõko ase, atãkyematoh panaikato otuhtoh poko, pytatoh poko. Sero pata po morohne emero enẽko matose.

Jeremia 17:26

Oehnõko mã toto Juta patary tõ poe, pata tõ pisarara poe roropa Jerusarẽ zomye; Pẽjamĩ nonory poe oehnõko mã toto somohmã poe, ypy tõ poe, Juta nonory poe ikurenae. Okyno tõ enehnõko mã toto Ytapyĩ Kurã taka jahkatohme tynekarorykõme, tiriiku maro, ixtaratu maro, “Kure mase,” katoh tonõ maro.

Jeremia 25:10

Kui katoh tãkye exiryke enahkapõko ase atãkyematoh roropa te, panaikato roropa oseahmatoh poko, pytatoh poko, enara. Tynahke pyra exĩko matose azeite pyra roropa, nãparina eukuru.

Jeremia 29:14

Yje! Ourutorỹko ase, jeporỹko matose, mame aarotorỹko ropa ase ononorykõ pona ropa. Oximõme oenehtorỹko ase imeimehnõ nono tõ poe emero, aaropotopõpyrykõ poe. Mame aarotorỹko ropa ase ononorykõ pona ropa, moro poe kuaropoatose imehnõ namotome. Ywy Ritonõpo oturuno.’

Jeremia 30:19

Moro põkõ eremiãko mã toto Ritonõpo eahmãko, kohtãko mã toto tãkye toexirykõke. Toto emãkapõko ase, aomirykõ etary se exĩko imehnõ mana imehxo exiketõ samo.

Jeremia 32:44

Nono epekahnõko ropa mã toto, tosetykõ merõko mã toto pape pokona enenanõ maro. Moro sã exĩko Pẽjamĩ nonory po te, pata pisarara tõ po Jerusarẽ zomye, pata tõ po Juta po te, pata tõ po ypy tõ po, nono jakuraramã po imuae. Mokaro enehnõko ropa ase tynonorykõ pona ropa. Ywy Ritonõpo oturuno.

Jeremia 33:26

Moro saaro kapu ritopõpyry sã ya nono roropa, jomihpyry ae ro tyrĩko ase Jako pakomotyamo a, ypoetory Tawi a roropa. Tuisame Tawi pary menekãko ase, Aparão pakomotyã esẽme, Izake te, Jako roropa pakomotyã esẽme. Kure rokẽ ypoetory tõ rĩko ropa ase toto emãtohme ropa, toto pynanohnõko ase, enara.

Jeremia 33:7

Tymõkomoke Juta tõ rĩko ase Izyraeu tõ maro, tapyi tõkehko rĩko ropa ase, osemazuhme toto ehtopõpyry samo.

Jeremia 7:34

Mame sero nono patãpome exĩko mana. Kui kui kary tãkye ehtoh enahkapõko ase, oseahmarykõ poko roropa, panaikato roropa oseahmaryme pytatoh poko enahkapõko ase, Juta patary tõ po te, pata Jerusarẽ esemary ae roropa, enara.

Amoxi 9:14

Ypoetory tõ enehnõko ropa ase imeimehnõ nonory tõ poe imehnõ namoto tõme toto ehtoh poe, inonorykõ pona. Patãpo tõ rĩko ropa mã toto typatarykõme ropa moroto toehtohkõme. Tupito tõ po uwa zoko tõ arykãko mã toto, uwa eukuru ẽnõko mã toto; tarykasã arykãko mã toto, epery enahnõko roropa mã toto.

Jona 2:9

Yrome ywy oeahmaryme eremiãko ase. Oya ynekarory ekarõko roropa ase. Jomihpyry ae ro, kure orĩko ase Ypynanohneme oexiryke, Ritonõpo, Jesemy.”

Naum 1:7

Kure Ritonõpo Kuesẽkõ mana. Popyra ehtoh toehse ahtao, typoetory tõ pynanohnõko mana. Mokaro pyno exĩko mana tupise ahtao eya xine osewomapotohme.

Sowonia 3:14

Atãkyematoko, Jerusarẽ põkomo! Izyraeu tomo, eremiatoko Ritonõpo eahmaryme! Oseahmatoko yronymyryme.

Zakaria 10:7

Izyraeu tõ orutua kõ jamihme exĩko mã toto, soutatu tõ samo, tãkye exĩko mã toto eukuru ẽnanõ samo. Moro ekarory etãko ipoenõ mana, ipakomotyã roropa, mame tãkye exĩko mã toto. Atãkyemãko mã toto ywy, Ritonõpo, nyrihpyry poko.

Zakaria 8:19

— Amotyryae otuhpyra oehtohkõ nuno asakoropane exikety po te, 5me exikety po, 7me exikety po, 10me exikety po roropa, emero jeimamyry ae, oseahmatohme exĩko mã kehko, otuhtoh konõto roropa Juta tõ atãkyematohme. Naeroro zae ehtoh sehxo ehtoko, oxiehno pyra oehtohkõme roropa.

Zakaria 9:17

Kure kuhse sero nono exĩko ropa mana, enekure roropa! Tiriiku nae exĩko, uwa eukuru roropa itamurume. Poetohti tõ wãtãko roropa mã toto jamihme, enekure roropa.

João 3:29

Pytaketõ kẽ pytãko mana. Epe roropa tãkye exĩko mana tope pytaryke, aomiry etaryke tyya. Orẽpyrahxo Jezu ehtoh eneryke ya epe sã rokẽ ase tãkye.

Epereu 13:15

Naeroro: “Kure mase, Ritonõpo,” kakehpyra sehtone Ritonõpo a. Morara kary kyya xine Ritonõpo zamaro mana. Seromaroro okyno onetapara sytatose kynekarorykõme Ritonõpo a. “Kure mase,” ãko rokẽ sytatose, Jezu enetuputyryke kyya xine kypynanohnekõme. Kuesẽkõme roropa mana, enara.

Apokaripxi 18:23

Nãparina saerehkara exĩko mana. Niotaketõ omiry pytaketõ omiry roropa osetara moroto exĩko mana. Mõkomo ekamonanõ imehnõ motye orẽpyra toh nexiase repe. Pyaxime toehtohkõke imehnõ tonekunohse eya xine, emero pata tõ põkõ, nase.