Jeremia 33:10 - Ritonõpo Omiry: A Bíblia Sagrada na língua Aparai do Brasil

¹⁰ Ynara tykase Ritonõpo Kuesẽkomo: — Ynara ãko imehnõ mana: “Sero pata patãpome toehse, ahno pyra, okyno pyra roropa.” Ajohpe pyra pata tõ Juta po, Jerusarẽ esemary roropa tytaõke pyra toehse, ahno pyra, okyno pyra roropa. Yrome sero pata tõ po etãko ropa matose:

Jeremia 33:10 ပူးပေါင်းရင်းမြစ်များ

Saumu 147:13

Jamihme apatary omõtoh rĩko mana. Kure rokẽ apatary põkõ rĩko roropa mana.

Saumu 85:7

Ritonõpo yna Esemy yna pyno oehtoh enepoko yna a, yna ipynanohko roropa.

Jeremia 26:9

Oty katohme morohne myka Ritonõpo Kuesẽkõ omiryme, sero Tapyi Kurã Xiro ehtopõpyry sã exĩko, sero pata roropa tonahkasẽme exĩko te, pata põkõ tonahsẽme exĩko roropa mã toto? Mame tõximõse toto jomye moroto zara po Ritonõpo Tapyĩ tao.

Jeremia 32:36

Moromeĩpo Ritonõpo, Izyraeu tõ Esemy ynara tykase: — Jeremia, ahno ynara ãko mã toto: etonatoh ke, omise konõto ehtoh ke, tyrohsẽ ke roropa sero pata poremãkãko Papironia tuisary a. Seromaroro etako pahne jomiry!

Jeremia 32:43

Jeremia, mokaro ynara ãko repe: sero nono patãpome exĩko, ahno pyra, okyno pyra, papironio tõ nonoryme exĩko. Yrome ynara ãko ase: sero nono po tupito tõ topekahsẽme exĩko ropa mana.

Jeremia 34:22

Yrome toto enehpõko ropa ase, jomi poe oehnõko ropa mã toto. Osetapãko mã toto, pata poremãkãko mã toto, apoto ke pata zahkãko mã toto. Juta tõ patary tõ ripõko ase patãpo tõme, ona tonorẽ samo, ahno esary kara samo. Ywy Ritonõpo oturuno.

Ezekieu 37:11

Ynara tykase Ritonõpo ya: — Ahno mũkuru, Izyraeu tomo moro zehpo tõ sã mã toto. “Tasarahse rokẽ mã toto,” ãko mã toto. “Tukurãkarykõ oneraximara mã toto, otara exĩko sytatou taroino?” ãko.

Rewitiku 26:32

Oesarykõ pahnõko ase nono pona ipunaka, oepetõkara moro eneryke tyya xine osenuruhkãko mã toto, oserehnõko mã toto.

Ajeu 1:4

— Juta tomo, kure oya xine nae tapyi tõ kurã tao ehse amarokomo, apupari risẽ tao, Ytapyĩ Kurã tonahse ahtao?