Jeremia 32:41 - Ritonõpo Omiry: A Bíblia Sagrada na língua Aparai do Brasil

⁴¹ Tãkye exĩko ase kure rokẽ toto riry poko. Otyro sã toto arykãko ase sero nono pona jũme toto esaryme sero nono ehtohme.

Jeremia 32:41 ပူးပေါင်းရင်းမြစ်များ

Saumu 80:8

Ejitu nonory poe uwa zoko menehpone; imehnõ ahno taropose oya moro uwa zoko arykatohme mokaro esahpyry po.

Izaja 60:21

Apatary põkõ zae ehtoh poko exĩko mã toto, jũme sero nono ynekarohpyry esẽme exĩko matose. Ynarykahpyryme matose; jemary ke, toto tyrise ya imehxo jehtoh enepotohme imehnomo a emero porehme.

Izaja 62:4

Taroino “Turumekasẽme,” oesehtopyra ropa exĩko mã toto. Ononory roropa jũme esehtopyra ropa “Patãpome.” Oesehtõko mã toto “Ritonõpo zamaro” me. Ononory roropa esehtõko “Torẽnase” me, tãkye Ritonõpo exiryke opoko xine, ononory roropa ipytyme sã exĩko mana.

Izaja 62:5

Nuasemã tynymenekahpyry maro erẽnary samo, moro sã mã Orihpõkõ amaro xine pytãko mana. Tãkye erẽnakety sã typyty maro, moro sã mã Ritonõpo atãkyemãko opoko xine.

Izaja 65:19

Ywy atãkyemãko ase Jerusarẽ poko, moro pata põkõ poko roropa tãkye exĩko ase. Jũme xitara ropa exĩko mã toto moroto, kui kara roropa exĩko mã toto toetuarimatohkõ poko.

Jeremia 18:9

Tyoro roropa, ynara karyhtao ya ahno poko: tuhkãkõme toto emãkapõko ase, ipatarykõ kurãme tyrĩko ase karyhtao roropa ya,

Jeremia 24:6

Mokaro pyno exĩko ase. Mame toto enehnõko ropa ase sero nono pona ropa. Tapyi riry sã kure toto rĩko ase, toto onenahkapopyra exĩko ase; toto arykãko ase, onoupyra ropa exĩko ase.

Jeremia 31:28

Morarame tomeseke jehtopõpyry sã, toto mity ouru poko, toto akotyry poko, toto ryhmary poko te, toto itahkary poko, toto enahkary poko roropa, moro saaro tomeseke sã toto emãkapõko ase tupito arykary samo te, tapyi amory sã toto rĩko ropa ase. Ywy Ritonõpo oturuno.

Ezekieu 36:36

Mame imehnõ nonory põkõ isene ro exiketõ zuaro exĩko mã toto, ya, Ritonõpo, moro pata tõ tyrise ropa itohkatyamo. Tupito tõ tarykase roropa ya patãpo tomo. “Ywy, Ritonõpo, morohne rĩko ase,” ase. Mame tyrĩko ase rahkene.

Ozeja 14:5

Konopo sã exĩko ase Izyraeu tomo a, ekuru tõ ekutãko mã kehko, ririo tomo. Imity tõ ahtãko roropa mã kehko mya rahkene, wewe mity sã Ripano po.

Amoxi 9:15

Ypoetory tõ rĩko ase moro nono pona, ynekarohpyry eya xine. Mame moro poe jũme toto onysyryhmara ropa exĩko mã toto. Ywy, Ritonõpo Oesẽkõ oturuno.

Mikeja 7:18

Ritonõpo, imepỹ ritõ pyra mana asã exikety. Opoetory tõ akoĩpyry isene ro exiketõ rypyry tõ korokãko mase. Zehno exikehnõko mase, jũme yna pyno oehtoh enepõko mase yna a.

Sowonia 3:17

Ritonõpo Oesẽkõ amaro xine mana. Jamihme mana, opynanohtorỹko mana. Tãkye exĩko mã opoko xine. Opyno xine toexiryke isene oritorỹko roropa mana. Eremiãko mana tãtãkyemaryme opoko xine, oseahmatoh ritoh samo.”

Teuteronomiu 28:63

Morarame tãkye Ritonõpo ehtopõpyry sã kure orirykõ poko, tuhke oemãkaporykõ poko roropa, moro saaro atãkyemãko mana awãnopyrykõ poko, oenahkarykõ poko roropa. Tousẽme exĩko ropa matose, moro nono poe, epona ytõko matose apoitohme oesarykõme.

Teuteronomiu 30:9

Mame kure rokẽ oritorỹko Ritonõpo mana emero poko oerokurukohtao, opoenõ tuhke ekarõko oya xine mana, tuhke okyno tõ ekarõko roropa mana, anapyrykõ itamurume apoĩko roropa matose. Tãkye exĩko mana kure orirykõ poko, kure atamurukõ ritopõpyry samo eya.