Jeremia 31:6 - Ritonõpo Omiry: A Bíblia Sagrada na língua Aparai do Brasil

⁶ Ẽmepyry oehnõko mana, erase tõ imehnõ kohmãko mã toto ypy tõ po Eparaĩ po: “Osehtoko! Ehmaropa ypy Xião pona, moroto Ritonõpo Kuesẽkõ exiryke,” ãko mã toto.

Jeremia 31:6 ပူးပေါင်းရင်းမြစ်များ

2 Koronika 13:4

Mame tõnuhse Apia ypy Zemaraim pona, ypy tõ rãnao Eparaĩ nonory po. Tykohtase ynororo ypy emory poe Jeropoão netaryme, soutatu tõ maro. Ynara tykase ynororo: — Etatoko pahne.

Extara 1:5

Mame oxiekyry tõ tamuximãkõ Juta tomo te, Pẽjamĩ tõ maro te, oturuketõ maro, Rewi tõ maro te, imehnõ maro, emero toahmase exiketõ Ritonõpo a ikurohtao xine, tãtakimapitose toto, toytotohkõme Jerusarẽ pona, Ritonõpo Tapyĩ ritohme ropa.

Saumu 84:5

Tãkye mã mokaro onyjamihtanohtyamo, osema ae toytorykõ se exiketomo ypy Xião pona.

Izaja 27:13

Mame moro ẽmepyry toehse ahtao rue konõto osetõko mana, mame Izyraeu tõ itahtyã Axiria nonory po te, mokaro roropa arotyã Ejitu tõ namotome oehnõko ropa mã toto tynonorykõ pona. Mame Ritonõpo Tosẽkõ eahmãko mã toto ypy kurã po, Jerusarẽ po.

Izaja 40:9

Omoro, omi kurã ekaroneme mase Jerusarẽ põkomo a, onuhko ypy kaetoko ehtoh pona; omoro, omi kurã ekaroneme Xião põkõ netaryme, opore omi kurã ekaroko. Ihximyra exiko Juta patary põkõ zuruko, ynara kaxiko opore: “Ritonõpo Oesẽkõ oehnõko mana.”

Izaja 62:6

Jerusarẽ, apatary apuru po erase tõ tyrise ya. Ah mynyhme pyra nexĩ toto saereme ahtao, koko ahtao, enara. Ah noturũ toto Ritonõpo a aomihpyry poko, jũme wenikehpyra tyripotohme ynororo moro poko.

Jeremia 3:14

Ritonõpo Kuesẽkõ ynara tykase: — Osehtoko ropa ya, zae pyra exiketomo, ypoetoryme matose, ypytyme sã matose. Ãpoitorỹko ase, toirõ emero pata tõ poe, asakoro apoĩko ase oxiekyry tõ poe; aarotorỹko ropa ase ypy Xião pona.

Jeremia 31:12

Oehnõko mã toto eremiase tãkye toexirykõke ypy Xião pona; atãkyemãko mã toto ynekarory tõ poko eya xine, tiriiku tõkehko, uwa eukuru, azeite, pui tomo te, kaneru tomo, enara. Tupito tarykasãme exĩko mã toto tuna itamurume nae ahtao, emero ise toto ehtoh nae exĩko mã toto.

Jeremia 50:19

Izyraeu tõ arõko ropa ase inonorykõ pona. Tykyrysã poko otuhnõko mã toto ypy Karameru po, Pasã po roropa. Kure rokẽ otuhnõko mã toto emero ipenetatohkõ poko Eparaĩ nonory po, Kireate nonory po roropa.

Jeremia 6:17

Morarame enenanõ tyrise Ritonõpo a oewomananõme rue etatohme! Yrome: — Onetara ynanase, tykase toto.

Ezekieu 3:17

— Ahno mũkuru, Izyraeu tõ eraseme orĩko ase, Izyraeu nonory põkõ emero eraseme. Jomiry etako jotururuhtao amaro, mame toto zuruko, ynekarohpyry oya ekaroko toto a.

Ezekieu 33:2

— Ahno mũkuru, oekyry tõ zuruko etonatoh oepyry poko ononory pona. Osetapatoh enepyryhtao ya, toiro orutua menekãko morotõkõ mana eneneme ehtohme.

Ozeja 1:11

Juta tomo Izyraeu tõ maro oximõnõko mã toto. Oximõme toiro tuisa menekãko mã toto tutuisarykõme. Ahno tõ jamihme exĩko ropa mã toto, tymõkomoke roropa. Moro ẽmepyry toehse ahtao Oseahmatoh konõtome exĩko mana, Jezereu ẽmepyryme.

Ozeja 9:8

Urutõme tonyohse ywy Ritonõpo a typoetory tõ, Izyraeu tõ enaroximatohme. Yrome emero rokẽ jytoryhtao ahno apoitoh rĩko matose japoitohme. Ritonõpo Tapyĩ tao roropa jepeme pyra mã toto.