Jeremia 31:22 - Ritonõpo Omiry: A Bíblia Sagrada na língua Aparai do Brasil

²² Jẽxiryme jomiry omipona pyra exikety sã matose. Otara ahtao jenetupuhpyra oehtohkõ rumekãko matou? Ywy Ritonõpo tyorõ sã yriase sero nono po, orutua ewomãko nohpo mã rahkene.”

Jeremia 31:22 ပူးပေါင်းရင်းမြစ်များ

Jenexi 3:15

Oxiehno nohpo maro orĩko ase. Ipoenõ oxiehno rĩko roropa ase opoenõ maro, jũme. Mame opuhpyry akurihmõko mana. Omoro ihtainy esekãko mase.

Izaja 7:14

Naeroro typoero Ritonõpo enetupuhpotoh ekarõko oya xine mana: oryximã, orutua maro exipitopỹ, poetoẽme exĩko mana, emũkuãko mana orutuame, mame esehpãko mana Emanueume (Ritonõpo kymaro xine mana.)

Jeremia 13:27

Onyrityãkõ xihpyry tonese Ritonõpo a; moro se pyra mana ipunaka. Amarokõ, tonese eya oytorykohtao toponãmasã eahmatohme somohmã poro te, jakanahmã poro roropa, orutua kõ typãnarykõ pyxiã poko penetakety samo te, kawaru sã roropa tynohpory poko penetakety samo. Jerusarẽ põkomo, tuãnohsẽme exĩko matose! Otara ahtao oorypyrykõ rumekãko matou, okurãkapotohkõme ropa?

Jeremia 14:7

Ypoetory tõ ynara ãko mã toto: “Ritonõpo, yna Esemy, yna hxirõko yna rypyry tõ mana, yrome: ‘yna akorehmako õmihpyry ae ro yna a.’ Tuhke rokẽ kurumekatose, yna rypyry poko toehse yna oneneryme.

Jeremia 2:18

Seromaroro otyme kure oya xine oytorykomo Ejitu pona tuna ẽse tuna Niro kuaka? Otyme kure roropa oya xine oytorykohtao Axiria pona tuna ẽse tuna Eupyrati kuaka?

Jeremia 2:23

‘Nuriame ehtoh poko pyra ynanexiase,’ kasaromepyra matose. Toponãmasã Paau eahmary poko mexiatose. Jakanahmã po oorypyrykõ poko mexiatose, enetoko ke onyrihpyrykomo. Kamera nohpory wãtasenã sã matose xiaxiake ytokety samo, typoko exikety zupiry poko.

Jeremia 2:36

Oty katohme ytoytõko rokẽ mahno etyorõmatohme popyrahxo oehtohme? Axiria poko oehxirotopõpyry sã ehxirõko roropa mase Ejitu poko.

Jeremia 3:1

Ynara tykase Ritonõpo: — Typyty turumekase ahtao orutua a, mame mokyro nohpo tyniotase ropa ahtao imepỹ maro, mokyro inio osemazupu pytasaromepyra ropa mana imaro. Morara riryhtao eya nuriame Izyraeu tõ nonory exĩko mana ipunaka. Yrome amarokomo, ypoetory tomo tuhkãkõ maro mexiatose, mame seromaroro ooepyrykõ se ropa matose ya! Ywy, Ritonõpo, oturũko ase.

Jeremia 3:14

Ritonõpo Kuesẽkõ ynara tykase: — Osehtoko ropa ya, zae pyra exiketomo, ypoetoryme matose, ypytyme sã matose. Ãpoitorỹko ase, toirõ emero pata tõ poe, asakoro apoĩko ase oxiekyry tõ poe; aarotorỹko ropa ase ypy Xião pona.

Jeremia 3:22

Osehtoko ropa, emero, Ritonõpo rumekahpõkomo, zae pyra oehtopõpyrykõ kurãkãko mana. Ynara ãko matose: — Ỹ! oehnõko ropa sytatose Ritonõpo a, Kuesẽkõme aexiryke.

Jeremia 3:4

— Mame seromaroro ynara ãko mase ya: “Omoro mase, papa; poetome jehtopõpyry poe ypyno mase.

Jeremia 3:6

Mame tuisame Joxia ahtao ynara tykase Ritonõpo ya: — Izyraeu nyrihpyry enẽko mah? Imeimehnõ poko exiketyme sã mã mokyro. Ypy tõ kae exiketõ emero pona tõnuhse ynororo imehnõ poko toehtohme, wewe tõ myhtokoxi roropa, emero, jerutume ahtao.

Jeremia 3:8

Juta tuaro roropa mana Izyraeu rumekatopõpyry poko ya, mokyro aropotopõpyry poko ya, turumekase jehtopõpyryke eya, imeimehnõ poko toehtohme. Yrome Juta, zakorony, zae pyra exiketyme, enaromyra nexiase. Imeimehnõ poko toehse ynororo roropa,

Jeremia 4:14

Jerusarẽ põkomo, popyra oehtohkõ ikurikatoko okurohtao xine, typynanohsẽme oehtohkõme. Okynahxo matose oorypyrykõ poko osenetupuhnõko matose. Epo hnae moro poko oehtohkomo.

Jeremia 49:4

Jurumekahpõkomo, oty katoh epyrypãko matou? Orẽnõko matose. Oty katoh jamihme ro osekarõko matou? Imehnõ etonasaromepyra mã toto amaro xine, ouno toexirykõke, ekarõko matose repe.

Jeremia 7:24

Yrome otato pyra toh nexiase, jomiry omipona pyra. Yrome putupyra exiketõ sã typenetatohkõ xihpyry poko toehse toh nexiase. Naeroro kurãkõ anapoipyra tokurehse toto, popyrahxo toehse toh nexiase.

Ozeja 11:7

Ypoetory tõ putupyra sã rokẽ mã toto, jomiry omipona pyra; morara exiryke tarosẽme exĩko mã toto epetõkara a, tynamoto tõme. Imehnõ toto onypynanohsaromepyra exĩko mã toto.

Ozeja 14:4

Ynara ãko Ritonõpo mana: “Ypoetory tõ kurãkãko ase, toto amonohtopõpyrykõ korokãko ase. Toto pyno exĩko ase yronymyryme ukurohtao, tohne toehkehse jexiryke ipoko xine.

Ozeja 4:16

Izyraeu tõ putupyra sã mã toto, pui nohpo samo ekuremara ro ahtao. Ypoetory tõ onypynanohsaromepyra ase kaneru tõ pyno exikety sã toky tõ pynanopyry sã ona po.

Ozeja 8:5

Mokyro pui mũkuru, uuru risẽ se pyra ase ipunaka, Samaria põkõ mokyro eahmãko mã toto, naeroro mokaro zehno ase. Otara ahtao typenekehsẽme exĩko toh nae tyneponãmarykõ eahmary poko?

Zakaria 7:11

Yrome otato pyra toehtohkõ se toh nexiase, jomiry omipona se pyra. Toeramase toh nexiase ywinoino, typanarykõ tapuruse nexiase, ynyripohpyry tõ onetara toto ehtohme.

Numeru 16:30

Yrome tyoro sã tyrise ahtao eya enetupuhpotohme, sero nono ẽtakaryhtao mokaro enahtohme itapyĩ taõkõ maro, imõkomory maro, tomõse toto ahtao isene ro aorihtyã esaka, zuaro exĩko matose Ritonõpo turumekase moxiamo a.

Mateu 1:21

Enurũko mana orutuame. Mame Jezume mokyro esehpãko mase. Ynara exiryke, typoetory tõ kurãkãko mana. Toto rypyry korokãko roropa mana. Morara exiryke Jezume esehpãko mase, tykase sã mokyro Ritonõpo nenyokyhpyry Joze a aosenety.

Karaxia 4:4

Mame aehtoh po toehse ahtao, Tumũkuru tonehpose Ritonõpo a, Kyrixtu tonehpose nohpo mũkurume aenurutohme, juteume roropa aenurutohme. Moeze nymerohpyry omipona toehse roropa ynororo.