Jeremia 31:18 - Ritonõpo Omiry: A Bíblia Sagrada na língua Aparai do Brasil

¹⁸ “Ypoetory tõ, Izyraeu tõ kerekeremary etãko ase: Ynara ãko mã toto: ‘Ritonõpo, pui mũkuru sã ynanexiase, ekuremara ro exiketõ samo. Yrome tamorepase ynanexiase oya, õmiry omipona yna ehtohme. Yna enehpoko ropa oya, Ritonõpo, mame oehnõko ropa ynanase oya, yna Esẽme oexiryke.

Jeremia 31:18 ပူးပေါင်းရင်းမြစ်များ

Jo 5:17

“Tãkye mokyro mana, tukurãkase exikety Ritonõpo a! Naeroro tohne pyra exiko tuãnohse awahtao Ritonõpo Jamihmehxo Exikety a.

Saumu 118:18

Tuãnohse exiase yronymyryme eya, yrome jorihmapopyra nexiase.

Saumu 119:67

Juãnohpyra ro awahtao azahkuru ehtoh poko exiase, yrome seromaroro õmiry omipona ase.

Saumu 119:75

Ritonõpo, zuaro ase yna apiakary oya zae rokẽ mã ipunaka, tuãnohse roropa exiase oya, ypyno exikehpyra oexiryke.

Saumu 31:15

Ypyno exikehpyra mase. Kypynanohko jepetõkara winoino, yyryhmary se exikehpyra exiketõ winoino.

Saumu 32:9

Tuaro pyra exiketõ sã pyra exiko, kawaru samo te, mura sã roropa, kurimene se mã toto ĩtao, eary se roropa zae toto ytotohme tosẽkõ omipona.”

Saumu 80:19

Yna enehko ropa, Ritonõpo, Jamihmehxo Exikety! Yna onuãnohpyra exiko, yna pyno exiko. Mame ipynanopyhpyryme ropa exĩko ynanase.

Saumu 80:3

Yna enehko ropa, Ritonõpo! Yna onuãnohpyra exiko, mame typynanohsẽme exĩko ropa ynanase.

Saumu 80:7

Yna enehko ropa, Ritonõpo Jamihmehxo Exikety! Yna onuãnohpyra exiko, mame typynanohsẽme exĩko ropa ynanase.

Saumu 85:4

Yna enehko ropa, Ritonõpo yna Pynanohne, penekehpyra exiko opoetory tõ poko!

Saumu 94:12

Ritonõpo yna Esemy, tãkye mã mokaro tamorepase exiketõ oya, Õmiry poko anamorepatyamo.

Porowepio 26:3

Ipipohtoh nae kawaru aropotohme, etypohkatoh nae jumẽtu etypohkatohme, mara pisarara nae putupyra exikety pipohtohme.

Porowepio 29:1

Tuhke rokẽ tupokase awahtao, otato pyra rokẽ toehse roropa awahtao, mõtoino rokẽ toatãkasẽme exĩko mase, osepynanohsaromepyra exĩko mase.

Porowepio 3:11

Aimo, etako kure tupokase awahtao Kuesẽkomo a zomory zuaro oehtohme, emynyhmara exiko zae pyra oehtoh pokoino jetũ oriryhtao.

Izaja 1:5

Oty katoh oorypyrykõ poko ro matou? Awãnopyrykõ se ro matohu? Oupuhpyrykõ orukoimo hpe rokẽ mana opipohtopõpyry komo. Typoremãse matose tãkye pyra, kure pyra ipunaka.

Izaja 51:20

Osema tõ ae oekyry tõ epukãko mã toto tapotũkehse tomirykõke toexirykõke; kapau sã mã toto tapoise ahtao apoitoh ke apoinanomo a. Toepukase toto tyehno xine Ritonõpo exiryke, tuãnohse roropa toexirykõke eya.

Izaja 53:7

“Tyyryhmase ynororo yronymyryme, yrome onykerekeremara nexiase, tõseanahtose rokẽ ynororo. Mynyhme rokẽ nexiase, kaneru mũkuru sã tarose ahtao etapatoh pona, kaneru tuhpokaryhtao, mynyhme rokẽ nexiase. Mokyro sã mã tyyryhmaryhtao oty kara.

Izaja 63:16

Papame oexiryke yna a. Yna tamuru Aparão te, Jako roropa yna onenetupuhpyra exiry repe, yrome omoro Ritonõpo yna zũme mase, yna Pynanohneme moino exikehpyra oesety mana.

Izaja 9:13

Typoetory tõ tuãnohse Ritonõpo Jamihmehxo Exikety a, yrome tyyrypyrykõ onurumekara ro toh nexiase, eramara roropa toh nexiase Ritonõpo a.

Jeremia 17:14

Ritonõpo, kukurãkako ropa, mame tukurãkasẽme exĩko ase; kypynanohko, mame typynanohsẽme exĩko ase, eremiãko ase imehxo oehtoh poko oeahmaryme.

Jeremia 2:30

Kuãnopyatose, yrome anakorehmara nexiase; okurãkarykõ se pyra oexirykõke. Osekato sã mexiatose, reão samo, oekyry tõ, urutõ kõ totapase oya xine.

Jeremia 3:25

Sosekarotone iirypyryme toehse kuexirykõ poko; ehxirõko sytatose yronymyryme. Moino touse kuehtopõpyrykõ poe Ritonõpo a Ejitu poe kyyrypyrykõ poko sexiatose, kytamurukõ maro, Ritonõpo omipona pyra sexiatose.

Jeremia 31:6

Ẽmepyry oehnõko mana, erase tõ imehnõ kohmãko mã toto ypy tõ po Eparaĩ po: “Osehtoko! Ehmaropa ypy Xião pona, moroto Ritonõpo Kuesẽkõ exiryke,” ãko mã toto.

Jeremia 31:9

Mokaro enepyryhtao ya, oehnõko mã toto xitãko, oturũko roropa ya. Toto arõko ase tuna ehpikoxi iporiry tõ pona, osema kuraraximã poro, moroto osetapara exĩko mã toto. Izyraeu tõ zũme ase, Eparaĩ umũkurume mana osemazuhme aenuruhpyryme.”

Jeremia 5:3

Amonohkara tõmiry omipona exiketõ zupĩko Ritonõpo mana. Typipohse mexiatose eya yrome otato pyra mexiatose; takurihmose mexiatose eya, yrome enetuputyry se pyra mexiatose. Putupyra exiketõ sã mexiatose, oorypyrykõ rumekary se pyra mexiatose.

Ramẽtasão 5:21

Yna iramapoko ropa oya, Ritonõpo. Ajohpame sã yna iramapoko ropa! Yna tyriko osemazuhme yna ehtopõpyry sã yna ehtohme ropa.

Ezekieu 20:43

Mame wenikehpyra exĩko matose onyrityãkõ xihpyry poko emero, nuriame toehse oehtopõpyrykõ poko roropa. Ehxirõko matose onyrityãkõ popyra ehtopõpyry poko.

Tanieu 9:13

Morara toehse yna a emero, Moeze nymerohpyry ae ro. Yrome morara ahtao ro yna rypyry onurumekara ynanase. Ritonõpo, yna Esemy, azamaro yna ehtoh onukuhpyra ro ynanase õmiry omipona yna ehtoh ke.

Ozeja 10:11

— Pui nohpo sã Izyraeu tõ nexiase tukuremase exiketyme, tiriiku puhturu tũtũmary se exiketyme nexiase ipikatohme. Yrome omoxinety tywyhmatoh yriase ipymyry enekure exikety pokona, tupito nonory poko aerohtohme nono ahkatoh ke. Izyraeu tõ maro Juta tõ irohmanohpõko ase, tupito poko toto erohtohme.

Ozeja 4:16

Izyraeu tõ putupyra sã mã toto, pui nohpo samo ekuremara ro ahtao. Ypoetory tõ onypynanohsaromepyra ase kaneru tõ pyno exikety sã toky tõ pynanopyry sã ona po.

Ozeja 5:15

— Mame ytõko ropa ase jesaka, moroto exĩko ase toto eraximaryme. Tyyrypyrykõ enetuputyryhtao eya xine, toetuarimarykohtao roropa, oehnõko mã toto jupise.

Jona 3:10

Mame tyyrypyrykõ turumekase Niniwe põkomo a. Moro eneryke tyya, ynara tykase Ritonõpo ipoko xine: “Toto onenahkapopyra ase tyyrypyrykõ poko pyra toehse toto exiryke.” Naeroro Niniwe põkõ onuãnohpyra toehse Ritonõpo.

Sowonia 3:2

Tosẽ, Ritonõpo omiry onetara pata Jerusarẽ nexiase. Zae pyra toehtoh kurãkapory se pyra nexiase roropa eya. Typynanohnekõme Ritonõpo onenetupuhpyra nexiase. Takorehmatoh se pyra roropa nexiase eya.

Marakia 3:16

Mame Ritonõpo omipona exiketõ tõturuse oximaro, aomirykõ etãko Ritonõpo nexiase. Mame Ritonõpo ẽpataka aomiry omipona exiketõ esetykõ tymerose nexiase, ipyno exiketõ roropa tymerose nexiase pape pokona.

Marakia 4:6

Osepeme jũkõ ripõko mana ipoenõkõ maro, sero nono põkõ enahkaporyino ya emero porehme.

Numeru 2:18

— Xixi omõtoh wino ytoytoketõ Eparaĩ tõ tykamisã, pãteira maro ynara mã toto tutuisarykõ maro soutatu tõ maro: Eparaĩ tõ soutatu tomo: 40.500 mãkomo, tuisa Erisama maro, Amiute mũkuru. Manase tõ soutatu tomo: 32.200 mãkomo, tuisa Kamarieu maro, Petasua mũkuru. Pẽjamĩ tõ soutatu tomo: 35.400 mãkomo, tuisa Apitã maro, Kiteoni mũkuru.

Ruka 1:17

Osemazuhme ytoytõko mana Kuesẽkõ oehtãne. Orẽpyra roropa exĩko mana. Ritonõpo Zuzenu imaro, urutõ Eria maro ehtopõpyry saaro. Aomiry etaryke tyya xine typoenõke exiketõ mã typoenõ tõ maro oxiehno pyra exĩko ropa mã toto. Aomiry etaryke roropa tyya xine Ritonõpo omipona pyra exiketõ mã tyyrypyrykõ se pyra exĩko mã toto. Zae toexirykõ se rokẽ exĩko mã toto. Aomiry etaryke tyya xine Kuesẽkõ poetory tõ tosẽkõ oepyry eraximapitõko mã toto, tykase Ritonõpo nenyokyhpyry eya.

Ruka 15:20

Morotoino toytose ropa ynororo tumy a ropa. — Mame amekeino tumũkuru tonese jũ a ahtao, nupunato tonese tumũkuru. Tururume toytose ynororo tumũkuru eahmase.

Atos 3:26

— Naeroro Tumũkuru enyohne kyya xine Kuesẽkõme, kuatãkyematohkõme kyyrypyrykõ korokaryhtao eya, tykase Peturu eya xine.

Piripo 2:13

Ynara exiryke okurohtao xine mã Ritonõpo, ãkorehmatorỹko mana tõmipona se oehtohkõme. Tyjamitunuru ekarõko oya xine mana, tõmipona oehtohkõme, enara.

Epereu 12:5

Wenikehpyra ehtoko Ritonõpo omiry kurã poko. Tumũkurume oekarotorỹko Ritonõpo mana. Ynara ãko: “Aimo, jomipona exiko jetũ oriryhtao ya zomory zuaro oehtohme. Poremãpyra roropa exiko opore turuse awahtao ya.

Apokaripxi 3:19

Imehnõ pyno jahtao, toto zurũko ase. Zae pyra toto ahtao toto tuarimapõko roropa ase kure toto ehtohme. Naeroro yronymyryme oorypyrykõ irumekatoko.