Jeremia 31:14 - Ritonõpo Omiry: A Bíblia Sagrada na língua Aparai do Brasil

¹⁴ Oturuketõ nahpãko ase inapyrykõ kurã ke, ypoetory tomo a emero ise toto ehtoh ekarõko ase. Ywy Ritonõpo oturuno.”

Jeremia 31:14 ပူးပေါင်းရင်းမြစ်များ

2 Koronika 6:41

Owõko, Ritonõpo, osehko Atapyĩ oserematoh taka, õmiry ẽ maro, ajamitunuru enetupuhtoh moro. Kure rokẽ amaro oturuketõ tyriko inyriry tõ poko. Tãkye opoetory tõ tyriko kure rokẽ oexiryke eya xine.

Neemia 10:39

Morohne ahno nekarotyã arõko toto, Izyraeu tomo te, rewita tomo ikurãkatoh taka: tiriiku tõkehko te, uwa eukuru jehnahpyry te, azeite, enara. Moro tao Ritonõpo Tapyĩ mõkomory mana. Moroto oturuketõ esary toerohtoh poko toto ahtao te, omõtoh erasamo te, eremiaketõ roropa, enara. Ritonõpo Kuesẽkõ Tapyĩ onurumekara sytatose.

Saumu 107:9

Tutunazehnase exiketomo a tuna ekarõko mana aukurukõme, tonahsẽ kurã ekarõko mana omise exiketomo a.

Saumu 132:16

Kure rokẽ oturuketõ nyriry tõ rĩko ase, moro pata põkõ eremiãko, kohtãko roropa mã toto tãtãkyemarykõme.

Saumu 132:9

Ah oturuketõ zae ehtoh poko rokẽ nexĩ toto; ah opoetory tõ nykohtã toto atãkyemaryme!

Saumu 17:15

Yrome oenẽko ase, azahkuru pyra jexiryke; mame typakase ropa jahtao, oẽpataka atãkyemãko ase oeneryke ya.

Saumu 36:8

Tuesapare ynanase onekarohpyry ke yna napyryme, itamurume mekaroase yna a exiryke; kure oehtoh tuna enahpỹme exikety sã mana, moro ẽpõko mase yna a.

Saumu 63:2

Oenery se ase Atapyĩ tao; jamihmehxo oehtoh enery se ase, saeremehxo oehtoh roropa enery se ase.

Saumu 63:5

Kure jyriry oya tonahsẽ tomepore sã ya mana; tuesapare sã ase ukurohtao, morara exiryke tãkye eremiãko ase oeahmaryme.

Saumu 63:6

Tohrame jahtao, wenikehpyra ase opoko. Osenetupuhnõko ase opoko koko ahtao, ẽmepyry pona

Saumu 65:4

Tãkye mã mokaro onymenekatyamo, oya oehnõko mã toto atapyĩ taka ehse! Tãkye exĩko ynanase, tuesapare exiketõ samo, okyryry kurã poko Atapyĩ tao, amaro Oturutoh kurã tao.

Saumu 85:13

Zae ehtoh Ritonõpo esemazupurume ytõko Kuesẽkõ esemaryme, aytotohme kukurohtaka xine.

Saumu 90:14

Yna autuhmako ẽmepyry ae, yna poko oenupunaryke, tuesapare yna ehtoh pona, yna eremiatohme, atãkyemakehpyra yna ehtohme isene ro yna ahtao.

Kãtiku 5:1

Ytoase utupi pona, kuku, ypytyme exikety. Mira apoĩko ase imehnõ otyro typoxine exiketõ maro; ano zeni ẽnõko ase, jokuru, uwa eukuru jehnahpyry roropa, suhsu maro. Otuhtokose osepyno exiketomo. Eukuru ẽtokose, oetỹtoh pona osepyno ehtoh ke.

Izaja 25:6

Ypy Xião po otuhtoh konõto rĩko Ritonõpo Jamihmehxo Exikety mana, emero nonory põkõ otuhtohme; tonahsẽ rĩko mana, tõsẽ kurãkomo eukuru jehnahpyry kurã roropa.

Izaja 61:6

Mame Ritonõpo maro oturuketõme oesehtotorỹko imehnõ mana, Kuesẽkõ poetoryme roropa. Mame imehnõ nonory põkõ mõkomohpyry omõkomorykõme exĩko mana, atãkyemãko matose epyrypãko mõkomo itamurume esẽme oexirykõ poko.

Jeremia 31:25

Totaehse exiketõ sekese toto ripõko ropa ase, tonahsẽ ekarõko ase omise exiketomo a roropa emero.

Jeremia 33:9

Jerusarẽ poko tãkye exĩko ase, imehxo jyrĩko mã toto, epyrypãko ase toto poko. Imeimehnõ nonory põkõ enaromỹke exĩko, tykytyky ãko mã toto Jerusarẽ põkõ kurãkary poko ya etaryke tyya xine te, tymõkomoke toto riry poko ya etaryke roropa tyya xine.

Jeremia 50:19

Izyraeu tõ arõko ropa ase inonorykõ pona. Tykyrysã poko otuhnõko mã toto ypy Karameru po, Pasã po roropa. Kure rokẽ otuhnõko mã toto emero ipenetatohkõ poko Eparaĩ nonory po, Kireate nonory po roropa.

Ezekieu 34:14

Inahpatorỹko ase onahpoty kurã ke, ypy tõ po Izyraeu tõ nonory po, jakanahmã po roropa, ona tõ po emero onahpoty kurã nae ahtao Izyraeu tõ nonory po.

Ajeu 2:19

Seromaroro tiriiku pyra ahtao ro tiriiku tapyĩ tao, epery pyra ahtao ro uwa zoko tõ poko, wikeira tõ poko te, romãzeira tõ poko, oriwera tõ poko roropa, taroino kure rokẽ oritorỹko ase.

Mateu 5:6

— Ritonõpo omipona se awahtao xine yronymyryme tãkye exĩko matose Ritonõpo poe. Zae ehtoh ekarõko roropa Ritonõpo mana oya xine.

Epezu 1:3

“Kure mase Papa Kapuaono,” sykatone Ritonõpo a, Jezu Kyrixtu Kuesẽkõ zumy a, kure rokẽ tyrise kuexirykõke, Tumũkuru Kyrixtu maro. Mame Tuzenu emero ekarõko kyya xine mana. Kure kapuaõkõ ritopõpyry sã kure kyritorỹko Ritonõpo mana.

Epezu 3:19

Ỹ, ynara se ase oya xine roropa. Kyrixtu kypyno xine exiry waro se ase oya xine. Mame zuaro awahtao xine itamurume repe, emero waro pyra ro matose. Ynara exiryke, ekuhpỹme sã kypyno xine Kyrixtu exiry mana. Mame Ritonõpo osesariry se ase okurohtaka xine, Ritonõpo a rokẽ tuaro oehtohkõme kure kuhse Ritonõpo exiryke.

Teuteronomiu 33:23

Napatari tõ poko ynara tykase ynororo: “Kure rokẽ Napatari tõ tyrise Ritonõpo a. Inonoryme exĩko ikuhpo Karirea poe, ikurenaka.”

1 Peturu 2:9

Yrome matose mokaro sã pyra. Ritonõpo nymenekatyãme matose. Tuisa konõto poetoryme matose, Ritonõpo maro oturuketõme sã roropa matose. Tukurãkase matose. Ritonõpo poenõme matose. Tymenekase matose: “Ritonõpo kure mana,” katohme imehnomo a: “Emero zuaro Ritonõpo mana,” katohme roropa imehnomo a. Tymenekase matose eya oorypyrykõ poko pyra oehtohkõme, kure ehtoh poko rokẽ oehtohkõme tysaaro.

Apokaripxi 5:10

Opoetoryme yna tyrise oya, Ritonõpo maro oturuketõme yna ehtohme. Tuisame yna rĩko roropa mase imehnõ esẽme yna ehtohme imeĩpo sero nono po,” nase toto.