Jeremia 31:13 - Ritonõpo Omiry: A Bíblia Sagrada na língua Aparai do Brasil

¹³ Mame oryxiamo wãko mã toto atãkyemãko roropa, nuasemãkomo, tamuhpomãkõ roropa oseahmãko mã toto. Emuhkehkapotorỹko ase, ixitarykõ myakamãko ase tãkye ehtoh ke, aemynyhmarykõ myakamãko ase atãkyematoh ke.

Jeremia 31:13 ပူးပေါင်းရင်းမြစ်များ

Extara 6:22

7me ẽmepyry taropose eya xine Oseahmatoh Wyi poko Iporutatoh maro pyra. Atãkyemãko toh kynexine, Axiria tuisary tyripose Ritonõpo a toto akorehmaneme, Ritonõpo Tapyĩ riry ropa poko.

Neemia 12:27

Pata Jerusarẽ apuru ekarotohme Ritonõpo a, rewita tõ tonehpose tosae xine oseahmatohme, oximõmãkõ maro. Toremiase toto, kure Ritonõpo ehtoh poko, “Kure mase Ritonõpo,” kary poko, toremiarykõme, paratu tõ maro, haapa tõ maro, rira tõ maro.

Neemia 12:43

Moro ẽmepyry ae okyno tuhke tyahkase eya xine tynekarorykõme Ritonõpo a. Oseahmãko toh nexiase, tãkye toexirykõke. Ritonõpo poe atãkyemãko toh nexiase. Nohpo tõ roropa poetohti tõ maro oseahmãko toh nexiase, toto panaikatõ totase imehnomo a moe exiketomo a.

Exite 9:22

moro ẽmepyry tõ ae tõsepynanohse juteu tõ exiryke tyzehno xine exiketõ wino. Moro nuno po toemynyhmatopõpyrykõ te, tyxitarykõ roropa tymyakãmase tãkye ehtoh ke, atãkyematoh ke roropa. Naeroro otuhtoh kurã tyritoko, watoh roropa, tonahsã aropoko imehnomo a, mõkomo ekarotoko onekarorykõme tymõkomokãkara a.

Saumu 126:5

Ah mokaro ixitatyã tutupikõ arykaryhtao tãkye nexĩ toto tykyrysã apoiryhtao ropa tyya xine!

Saumu 148:12

Kuesẽkõ eahmatoko, nuasemãkomo oryximãkõ roropa, tamuhpomãkomo poetohti mãkõ roropa!

Saumu 149:3

Ritonõpo eahmatoko, Kuesẽkomo, awatoko mokyro eahmaryme; pãteru tõ etory ke rira tõ etotoh ke roropa.

Saumu 30:11

Jemynyhmary tymyakãmase oya watoh ke, jatãkyemary ke. Yxitatopõpyry tymyakãmase oya tãkye ehtoh ke. Jomye tãkye jehtoh tyrise oya.

Izaja 12:1

Moro ẽmepyry toehse ahtao ynara ãko matose, eremiãko: “Ritonõpo, oeahmãko ase! Yzehno mexiase repe, yrome yzehno pyra mexi ropa. Seromaroro jemynyhmatoh enahkãko mase.

Izaja 35:10

Toremiarykõme pata Jerusarẽ pona omõnõko mã toto, kohtãko mã toto tãkye rokene. Tãkye exikehpyra exĩko mã toto jũme, atasamara, emynyhmara, xitara mã toto.

Izaja 51:11

Naeroro onypynanohtyã ytõko ropa mã toto Jerusarẽ pona tytapyĩkõ taka, eremiãko, atãkyemãko, kohtãko tãtãkyemarykõme. Jũme tãkye exĩko mã toto, atasamara exĩko mã toto, onyhnamozomopyra exĩko mã toto.

Izaja 51:3

Ywy, Ritonõpo, Jerusarẽ põkõ emuhkehkapõko ase, etuarimaketõ pynanohnõko ikararahtyã taõkomo emero. Inonorykõ tonore toehse ahtao ro, tupito kurãme tyrĩko ropa ase, ynarykahpyry sã Etẽ po. Tãkye exĩko moro põkõ mana, oseahmãko toto; eremiãko mã toto jeahmaryme, ‘Kure mase,’ ãko mã toto ya.

Izaja 60:20

Ywy roro oezurume exĩko ase, xixi samo, nuno sã roropa, xixime jehtoh jũme kohmãpyra exĩko, nunome jehtoh jũme osenekehpyra exĩko. Saereh ãko ase opona jũme rahkene, mame oemynyhmatopõpyry otyhkãko mana.

Izaja 61:2

Tonyohse ywy ynara katohme: Ritonõpo poetory tõ pynanohtoh toehse mana. Typoetory tõ zehno exiketõ poremãkapõko mana. Tonyohse ywy xitaketõ emero emuhkehkatohme,

Izaja 61:3

tãkye ehtoh ekarotohme parimã samo xitaketomo a Xião po. Ihnamotoh myakamãko ase eremiatoh ke. Zae ehtoh poko rokẽ exĩko mã toto; wewe karawario sã exĩko mã toto Ritonõpo Kuesẽkõ narykatyamo. Imehxo Ritonõpo ehtoh enepõko mã toto.

Jeremia 31:4

Izyraeu tomo, oritorỹko ropa ase tynonoke ahnome. Tãporĩ tõ apoĩko ropa matose watohme tãkye oehtohkõke.

Jeremia 33:11

kui katoh tonõ tãkye exiketõ omiry, atãkyemaketõ panaikato roropa otuhtoh riry poko, pytary poko roropa. Ahno eremiaketõ etãko roropa matose, tynekarorykõ enehnõko Ytapyĩ taka, “Kure mase,” katohme ya. Ynara ãko mã toto eremiãko: “ ‘Kure mase,’ kahtoko Ritonõpo Jamihmehxo Exikety a, kure aexiryke, kypyno xine exikehpyra mana, jũme.” Sero nono po tymõkomoke toto ripõko ase, osemazuhme toto ehtopõpyry samo. Ywy Ritonõpo oturuno.

Zakaria 8:19

— Amotyryae otuhpyra oehtohkõ nuno asakoropane exikety po te, 5me exikety po, 7me exikety po, 10me exikety po roropa, emero jeimamyry ae, oseahmatohme exĩko mã kehko, otuhtoh konõto roropa Juta tõ atãkyematohme. Naeroro zae ehtoh sehxo ehtoko, oxiehno pyra oehtohkõme roropa.

João 16:22

Mokyro sã rokẽ matose. Emynyhmãko matose aporo. Yrome oenetorỹko ropa ase. Morarame tãkye exĩko ropa matose tõsenepose ropa oya xine jexiryke. Morara ahtao imehnõ mã omynyhmapopyra xine mana.

Juize 21:21

Moro poe osenuhmatatoko. Mame oseahmatoh tao, tutũtase oryximãkõ ahtao watohme, amarokõ roropa otũtatoko õtonẽtopõpyrykõ poe, uwa zoko tõ poe. Mame oryximãkõ apoitoko onymenekahpyrykomo. Arotoko oesarykõ pona Pẽjamĩ tõ nonory pona.