Jeremia 31:11 - Ritonõpo Omiry: A Bíblia Sagrada na língua Aparai do Brasil

¹¹ Izyraeu pakomotyã tymyhpokase ropa ya, typynanohse toto ya ahno jamihmehxo exiketõ wino.

Jeremia 31:11 ပူးပေါင်းရင်းမြစ်များ

Saumu 142:6

Okohmatoh etako jakorehmatohme, tapotũkehse jexiryke ukurohtao. Kypynanohko yzehno exiketõ wino, ymotye jamihme toexirykõke.

Exutu 15:16

Enaromỹke toehse toto, ouno mã toto ipunaka. Ajamitunuru eneryke tyya xine totypohse mã toto, topume anyhtahpyry sã toexirykõke, opoetory tõ ytoytory eneryke tyya xine, opoetory tõ typynanohse oya Ejitu põkõ namotome toto ahtao.

Izaja 44:23

Okohtatoko oseahmarykõme, kapuaõkomo! Okohtatoko nono ao exiketomo! Okohtatoko atãkyemarykõme ypy tomo te, wewe tõ te, emero itu htaõ kõ maro! Imehxo toexiry tonepose Ritonõpo a typoetory tõ Izyraeu tõ pynanopyryke eya.

Izaja 48:20

Ytotoko Papironia poe, epatoko moro poe! Okohtatoko tãkye oehtohkõke omi kurã ekãtotoko emero pata tõ poro: “Typoetory tõ Izyraeu typynanohse Ritonõpo a!”

Izaja 49:24

Soutatu wino imõkomory anapoisaromepyra imepỹ mana etonakehxĩpo. Tuisa jamihme exikety winoino inamoto tõ onupuxihkasaromepyra ropa imehnõ mana.

Izaja 49:25

Yrome ynara ãko Ritonõpo mana: “Ywy soutatu tõ winoino inapoityãkõ puxihkãko ropa ase; tuisa jamihmã winoino inamoto tõ apoĩko ropa ase. Etonãko ase ozehno exiketõ maro, opoenõ pynanohnõko ase.

Izaja 51:11

Naeroro onypynanohtyã ytõko ropa mã toto Jerusarẽ pona tytapyĩkõ taka, eremiãko, atãkyemãko, kohtãko tãtãkyemarykõme. Jũme tãkye exĩko mã toto, atasamara exĩko mã toto, onyhnamozomopyra exĩko mã toto.

Jeremia 15:21

Popyra exiketõ winoino omoro anỹnõko ase, oetapary se exiketõ winoino opynanohnõko ase. Ywy Ritonõpo, oturuno.

Jeremia 50:33

Ritonõpo Jamihmehxo Exikety ynara tykase: — Izyraeu tõ etuarimãko mã toto, Juta tõ maro. Toto rohmanohpõko imehnõ mana, ãpuruhpyry tao samo. Toto onymyhpokara mã toto, aytotohkõme ropa.

Jeremia 50:34

Yrome mokaro pynanohne jamihme mana; esety mã Ritonõpo Jamihmehxo Exikety. Mokaro ewomãko mana. Osetapara moro nono põkõ tyripõko mana. Yrome Papironia põkõ orẽnõko mã toto, otupĩko mã toto.

Ramẽtasão 3:58

Ritonõpo, moepyase jakorehmase, kypynanopyase orihpyra jehtohme.

Ozeja 13:14

Morara exiryke ypoetory tõ pynanohnõko ha orihpyra toto ehtohme? Naary! Toto anỹnõko ha aorihtyã ekepyry esary poe? Arypyra. Tyrohsẽ kehko enehpoko, orihtopo! Mokaro enahkatoh enehpoko, aorihtyã esary! Mokaro pyno exikehnõko ase.

Zakaria 9:16

Moro ẽmepyry toehse ahtao typoetory tõ pynanohnõko Ritonõpo mana toky tõ pynanopyry sã ipynanohne a. Moro nono po topu tõ kurã zemime exiketõ sã exĩko mã toto parimã poko, uuru risẽ parimã poko tuisa konõto zupuhpyry po.

Mateu 12:29

— Etatoko pahne, mõkomo arory se omato ahtao imepỹ tapyĩ tae tapyi esẽ myhnõko aporo. Mame tymyhse esẽ ahtao, imõkomory arõko mana.

Mateu 20:28

Kapu ae Ayhtohpyry ehtoh saaro. Kapu ae tooehse ywy xiaro, sero nono pona. Typoetoke pyra sã ywy. Takorehmaneke pyra roropa. Yrome ãkorehmase xine oepyase. Orihse roropa oepyase oorypyrykõ epehmatohme. Ritonõpo poenõme oehtohkõme, tykase Jezu eya xine.

Mateu 22:29

Ynara tykase Jezu eya xine: — Azahkuru matose Ritonõpo nymeropohpyry waro pyra oexirykõke, ijamitunuru waro pyra roropa oexirykõke.

Titu 2:14

Mokyro tõsekarose toorihtohme kymyakãkõme, kyjamihtanohtohkõme, kyyrypyrykõ poko pyra kuehtohkõme, kukurohtao xine kukurikatohkõme roropa, ipoetoryme nymyry kuehtohkõme, mãsa rokẽ pyra aomipona kuehtohkõme.