Jeremia 31:10 - Ritonõpo Omiry: A Bíblia Sagrada na língua Aparai do Brasil

¹⁰ Ynara ãko ro Ritonõpo mana: “Ahno tomo, etatoko ke, jotururu, jomihpyry ekarotohme imehnomo a ahmõta tõ po te, nono moe etyhpyry po roropa. Izyraeu tõ sapararahme aropoase, yrome toto muhxihmapõko ropa ase, toto ewomãko ase, kaneru pyno exikety toky tõ pynanopyry samo.

Jeremia 31:10 ပူးပေါင်းရင်းမြစ်များ

Jenexi 10:5

Mokaro kynexine Jape pakomotyamo. Tuna ehpio toh kynexine, ahmõta po roropa. Tosatosake toh kynexine tynonoke te, ataomiry ae ro toh kynexine, enara.

Saumu 147:2

Pata Jerusarẽ kurãkãko ropa Kuesẽkõ mana; Izyraeu tõ enehnõko ropa mana imehnõ nonory poe, arotyã imehnõ poetoryme.

Saumu 23:1

Jesẽ ypyno mana kaneru pynoto samo; emero nae exikety sã ase ukurohtao.

Saumu 72:10

Expania tuisary tõ, ahmõta tõ tuisary roropa tynekarorykõ enehnõko mã toto eya, mokaro roropa Arapia tuisary te, Etiopia tuisary roropa tynekarorykõ enehnõko mã toto eya.

Porowepio 27:23

Oeky tõ pyno exiko, kaneru tomo pui tõ roropa kure toto ehtohme,

Izaja 24:14

Mame mokaro isene ro exiketõ eremiãko mã toto tãkye toexirykõke; mokaro xixi omõtoh wino exiketomo tuisamehxo Ritonõpo ehtoh ekarõko mã toto.

Izaja 27:12

Mame moro ẽmepyry toehse ahtao typoetory tõ enehnõko Ritonõpo mana imeimehnõ ahno tõ wino tuna Eupyrati poe Ejitu nonory ehpiõ pona. Tiriiku puhturu apiakary sã ipihpyry htae, moro saaro Izyraeu tõ tapiakasẽme exĩko mã toto toitoine.

Izaja 40:1

Ynara ãko Ritonõpo Kuesẽkõ mana: “Emuhkehkatoko! Yje, ypoetory tõ emuhkehkatoko!

Izaja 40:11

Kaneru tõ pyno exikety sã, typoetory tõ pyno Kuesẽkõ mana; kaneru poenõ pisarara oximõme tyripõko mana, tonao toto arõko mana, taporykõ po tomeseke sã jẽkõ suhsu ẽnanõ arõko mana.

Izaja 41:1

Ynara ãko Ritonõpo mana: “Mynyhme ehtoko, jomiry etatoko, moe nono põkomo! Ajamitunurukõ ikurãkatoko ropa, mame osehtoko jẽpataka õsewomatohkõme ynetaryme. Oximõme sehtone kuoturutohkõme zae ehtoh enetupuhtohme.

Izaja 42:10

Eremiatoh kasenato ke eremiatoko Ritonõpo eahmaryme! Imehxo ynororo ehtoh poko eremiatoko, sero nono po porehme: eahmatoko wapu ae ytoketomo tuna konõto poro ytoketomo eahmatoko inyrityã emero tuna konõto kuao, ahno a roropa moe imeimehnõ nonory põkõ porehme!

Izaja 42:4

Apotũkehpyra exĩko mana, orẽpyra exikehpyra exĩko roropa mana, zae pyra ehtoh enahkapõko mana. Imeimehnõ nonory põkõ eraximãko mã toto inamorepatary etatohme, Tosẽkõme mokyro enetupuhtohme.”

Izaja 48:20

Ytotoko Papironia poe, epatoko moro poe! Okohtatoko tãkye oehtohkõke omi kurã ekãtotoko emero pata tõ poro: “Typoetory tõ Izyraeu typynanohse Ritonõpo a!”

Izaja 54:7

Axĩtao rokẽ kurumekase, yrome seromaroro opyno jexiryke yronymyryme ãpoĩko ropa ase.

Izaja 60:9

Wapu tõ moro, moe nono tõ poe oehnõko; inunõ osemazuhme Ritonõpo poetory tõ enehnõko mã toto tosaka xine. Uuru enehnõko parata roropa ekarotohme Ritonõpo Izyraeu tõ Esẽ Kurano a tynekarorykõme. Kure rokẽ typoetory tõ ripõko mana imeimehnõ nonory põkomo a.

Izaja 66:19

Toto rãnaka tuisamehxo jehtoh enetupuhpotoh rĩko ase. — Mame tapiakase toto ahtao ya, isene ro exiketõ aropõko ase, emero pyra, imeimehnõ nonory põkomo a, moe exiketõ pona juaro exipitopyra exiketomo a, yjamitunuru onenepitopyra exiketomo a roropa. Toto aropõko ase Expania pona, Ripia pona, Ritia pona roropa, emese kure pyrou ekomananõ moroto mana. Ytõko roropa mã toto Tupau pona te, Kerexia pona roropa. Mokaro ahno a emero yjamitunuru poko toto zurũko mã toto.

Jeremia 23:4

Tuisa tõ menekãko ase toto pyno ehtohme. Ypoetory tõ enaromyra exĩko mã toto; oserehpyra exĩko roropa mã toto. Toto onuwãnohpyra ropa exĩko ase. Ywy Ritonõpo oturũko ase.

Jeremia 3:15

Tuisa tõ ekarõko ase oya xine, jomipona exiketomo oesẽkõme. Erohnõko mã toto tuaro exiketõ samo, emese kure exiketõ sã roropa ãkorehmarykõ poko.

Jeremia 50:17

Ritonõpo Kuesẽkõ ynara tykase: — Izyraeu tõ kaneru tõ sã mã toto tyyryhmase ahtao reão tomo a, sapararahme taropose ahtao roropa eya xine. Osemazuhme Izyraeu tõ typoremãkase Axiria tuisary a, imeĩpo jehpyry tonahse tuisa Napukotonozo a, Papironia esemy.

Jeremia 50:19

Izyraeu tõ arõko ropa ase inonorykõ pona. Tykyrysã poko otuhnõko mã toto ypy Karameru po, Pasã po roropa. Kure rokẽ otuhnõko mã toto emero ipenetatohkõ poko Eparaĩ nonory po, Kireate nonory po roropa.

Ezekieu 11:16

— Seromaroro ytoko Izyraeume exiketõ zuruse arotyã inonorykõ poe. Ynara kaxiko eya xine jomiryme: Ywy roro aaropoase mya imehnõ nonory pona, sapararahme aaropoase imehnõ nonory pona. Yrome, axĩtao rokẽ imehnõ nonory po nexiase toto, ywy roro exiase amaro xine Tapyi Kurã samo, jeahmatohme oya xine.

Ezekieu 20:34

Yjamitunuru ke, zehno jehtoh ke roropa oenehtorỹko ropa ase imehnõ nonory poe, ãpoitorỹko ase ahno esary poe, morotona sapararahme taropose oexirykõke.

Ezekieu 34:12

Toky tõ enehse ytõko kaneru ewomananõ mana sapararahme aexityamo, moro sã jeky tõ enehnõko ropa ase emero rokẽ poe, morohne pona sapararahme taropose toto moro ẽmepyry xinukutumã po, iporemãkatopõpyry po, enara.

Ezekieu 37:24

Ypoetory Tawi panõ toto tuisaryme exĩko mana, toiro ipynanohnekõ nae exĩko mã toto emero porehme, ynyripohpyry omipona anamonohpyra exĩko mã toto.

Ezekieu 5:10

Morara exiryke Jerusarẽ po jũkõ typoenõkõ õnõko mã toto; ipoenõkõ tumykõ õnõko roropa mã toto. Awãnohtorỹko ase; orihpyra exiketõ sapararahme exĩko mã toto imeimehnõ nonory poro porehme.

Ezekieu 5:2

Mame oepetõkara a pata rumekary ropa ahtao, ytoko pata rãnaka oũsety toiro zokonaka jahkatohme. Imeĩpo ytoko pata zomye, imepỹ zokonaka oũsety ihkotyhpyry aroko. Moro oũsety ihkohko tapema ke. Mame oũsety akoĩpyry emako kakoxi aropotohme tyryrykane a: mokaro ekahmãko ase ytapemã ke.

Tanieu 11:18

Mame etonãko ynororo pata tõ põkõ maro tuna konõto Metiteraneu ehpikuroko. Moro pata tõ tuhke poremãkãko mana. Yrome imepỹ soutatu tõ tuisary oehnõko imepỹ nonory poe mokyro poremãkase, mokyro epyrypatoh poremãkapose. Tyhxirosẽme exĩko mokyro Xiria tuisary mana.

Rewitiku 26:33

Osetapatoh enehpõko ase oya xine. Sapararahme aropotorỹko ase imeimehnõ nonory pona; ononorykõ po ahno pyra exĩko mana, patãpome exĩko mã kehko.

Mikeja 2:12

Ynara ãko Ritonõpo Izyraeu tomo a: — Amarokõ emero Izyraeu tõ akoĩpyry oximõme enehpõko ase, oenehtorỹko ropa ase ynekarohpyry pona oesarykõme, kaneru tõ pyno exikety toky tõ arory sã ona poro te, toto enepyry ropa ewomatoh taka ropa. Morarame apatarykõ pehme exĩko ropa mana ahno ke; panaikato exĩko ropa toytoytorykõ poko.

Mikeja 4:6

Ynara ãko Ritonõpo Kuesẽkõ mana: — Imeĩpo, etuarimaketõ enehnõko ase oximõme, emero tuãnohse aexityã ya, taropose toto ahtao ya tynonorykõ poe.

Mikeja 5:4

Mokyro tuisa oehnõko mana typoetory tõ pynanohtohme, kaneru pynanohne samo, Ritonõpo jamitunuru ke. Imehxo exĩko mana Ritonõpo Izyraeu tõ Esẽ omi poe. Ipoetory tõ towomasẽme exĩko mana, tuisa jamihme exiryke mya nono etyhpyry pona.

Sowonia 2:11

Mokaro maro osetapãko Ritonõpo mana orẽpyra samo. Ineponãmarykõ emero sero nono po enahkapõko mana. Mame imeimehnõ nono põkõ emero Ritonõpo eahmãko mã toto tosarykõ po.

Sowonia 3:19

Moro ẽmepyry toehse ahtao mokaro wãnohnõko ase oryhmahpõkomo. Ahmitahpyryme exiketõ pynanohnõko ase. Sapararahme aexityã enehnõko ropa ase. Toehxirose mexiatose emero rokẽ po, yrome moromeĩpo oeahmatorỹko imehnõ mana. Imehxo exiketõme oritorỹko mã toto.

Zakaria 10:8

“Ypoetory tõ kohmãko ase, oximõme toto enehpõko ase. Toto enehnõko ropa ase toto nonory pona ropa. Mame emãnõko ropa mã toto tuhkehxo ehtohme pake toto ehtopõpyry samo.

Zakaria 2:6

Ynara ãko Ritonõpo mana typoetory tomo a: — Epatoko, Xião põkomo, tapoise mexiatose papironio tomo a, epatoko! Epatoko moro nono põkõ inikahpoẽkõ poe! Typahse sã mexiatose ya imeimehnõ nonory tõ pona. Yrome seromaroro ooepyrykõ ropa toehse nase, Jerusarẽ pona ooehtohkõme ropa.

Zakaria 9:16

Moro ẽmepyry toehse ahtao typoetory tõ pynanohnõko Ritonõpo mana toky tõ pynanopyry sã ipynanohne a. Moro nono po topu tõ kurã zemime exiketõ sã exĩko mã toto parimã poko, uuru risẽ parimã poko tuisa konõto zupuhpyry po.

Ruka 12:32

— Enaromyra ehtoko ypoenomo. Tuhke pyra matose Ritonõpo enetupuhnanomo. Yrome imeĩpo ahno esẽme oehtohkõ ekarõko mã oya xine Omykõ kapuaono.

João 10:27

Ypoetory tõ rokẽ waro ase. Jomiry etãko mã toto. Jomipona roropa mã toto.

João 11:52

Juteu tõ ewome rokẽ pyra emero Ritonõpo poetory enehpotohme, sapararahme exiketõ enehpotohme, oximõme toto ehtohme roropa, toiro tosẽke toto ehtohme.

Teuteronomiu 30:4

Mya taropose awahtao xine sero nono etyhpyry pona, oximõme oritorỹko Ritonõpo Kuesẽkõ mana oenehtohkõme ropa

Teuteronomiu 32:26

Sapararahme toto aropõko ase sero nono poe, tykase repe, toto poko imehnõ wenikehtohme,