Jeremia 31:1 - Ritonõpo Omiry: A Bíblia Sagrada na língua Aparai do Brasil

¹ Ritonõpo Kuesẽkõ ynara tykase: — Imeĩpo ẽmepyry oehnõko mana: Izyraeu ekyry tõ emero Esẽme exĩko ase, ypoetoryme exĩko roropa mã toto.

Jeremia 31:1 ပူးပေါင်းရင်းမြစ်များ

2 Samueu 7:24

Izyraeu tõ tyrise oya Ritonõpo, jumanatome opoetoryme toto ehtohme, toto Esẽme roropa Oehtohme.

Saumu 144:15

Tãkye mã mokaro morohne nae exiketomo! Tãkye roropa mã toto Tosẽkõme Ritonõpo enetupuhnanomo!

Saumu 48:14

Mose Ritonõpo jũme Kuesẽkõme mana. Zae kuarotorỹko mana jũme rahkene.

Izaja 20:6

Morarame mokaro tuna Metiteraneu ehpio põkõ ynara ãko mã toto: “Enẽko matou mokaro tonetupuhse kyya xine kuewomatohkõme repe, kypoko xine pyra Axiria tuisary ehtohme! Seromaroro otara tyrĩko sytatou epatohme orihpyra kuehtohkõme?”

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Jeremia 23:6

Tuisame mokyro ahtao Juta tõ towomasẽme exĩko, Izyraeu tõ maro osepeme exĩko mã toto. Tosehpasẽme exĩko mana: “Kuesẽkomo, Kypynanohnekomo”.

Jeremia 3:18

Izyraeu tõ maro oximõnõko Juta tõ mana. Oximaro oehnõko mã toto inikahpoe tosarykõ pona, nono ynekarohpyry pona itamurukomo a.

Jeremia 30:10

“Ypoetory tomo, Jako pakomotyamo, enaromyra ehtoko! Izyraeu tomo, oserehpyra ehtoko! Opynanohtorỹko ase moro nono moe exikety poe, moro nono põkõ namotome oehtohkõ poe. Oehnõko ropa matose, Jako pakomotyamo. Towomasẽme exĩko matose; oenaroximara xine exĩko imehnõ mana. Ywy Ritonõpo oturuno.

Jeremia 31:33

Moro ẽmepyry toehse ahtao ynara tyrĩko ase Izyraeu tomo a, jomiry kasenato etapõko ase eya xine: jomiry merõko ase ikurohtaka xine, eanokõ pokona samo. Toto Esẽme exĩko ase, ypoetoryme exĩko mã toto. Ywy Ritonõpo oturuno.

Jeremia 32:38

Ypoetoryme exĩko mã toto. Ywy Ritonõpo, toto Esẽme exĩko ase.

Jeremia 33:14

Ynara tykase Ritonõpo: — Imeĩpo moro kurã rĩko ase Juta tomo a Izyraeu tomo a roropa ynetapohpyry ae ro eya xine.

Jeremia 33:7

Tymõkomoke Juta tõ rĩko ase Izyraeu tõ maro, tapyi tõkehko rĩko ropa ase, osemazuhme toto ehtopõpyry samo.

Jeremia 50:4

Ynara tykase Ritonõpo Kuesẽkõ mana: — Moro ẽmepyry toehse ahtao, Izyraeu tõ oehnõko ropa Juta tõ maro tyxitarykõme, jupĩko roropa mã toto, Tosẽkõme.

Ezekieu 11:20

Morararo jomiry omipona exĩko mã toto, ynaropohpyry roropa eya xine anamonohpyra exĩko mã toto. Ypoetoryme exĩko mã toto, ywy Ritonõpo toto Esẽme exĩko ase.

Ezekieu 34:24

Ywy, Ritonõpo, toto Esẽme exĩko ase, mame tuisa ypoetory Tawi samo toto tuisaryme exĩko mana. Ywy, Ritonõpo, oturuno.

Ezekieu 34:31

— Amarokomo, jeky tomo, kaneru sã matose ya tynahpase exiryke ya, ahnome matose, ywy ase Ritonõpo Oesẽkomo! ãko Ritonõpo mana.

Ezekieu 36:28

Mame moro nono po exĩko matose ynekarohpyry po atamuru tomo a. Ypoetoryme exĩko matose, ywy Ritonõpo Oesẽkõme exĩko ase.

Ezekieu 39:22

Moromeĩpo Izyraeu tõ emero zuaro exĩko mã toto, ywy ase Ritonõpo, toto Esemy.

Ezekieu 39:25

Ynara tykase Ritonõpo: — Seromaroro Jako pakomotyã pynanohnõko ase, Izyraeu tomo, kure rokẽ toto rĩko ase toto emãtohme ropa. Jesety kurã ewomãko ase.

Ozeja 1:11

Juta tomo Izyraeu tõ maro oximõnõko mã toto. Oximõme toiro tuisa menekãko mã toto tutuisarykõme. Ahno tõ jamihme exĩko ropa mã toto, tymõkomoke roropa. Moro ẽmepyry toehse ahtao Oseahmatoh konõtome exĩko mana, Jezereu ẽmepyryme.

Rewitiku 26:12

Amaro xine exikehpyra exĩko ase; ypoetoryme exĩko matose, Oesẽkõme exĩko ase.

Zakaria 13:9

Mame mokaro aoxinamatyã aropõko ase apoto kuroko. Toto kurãkãko ase parata kurãkary samo. Toto kuhnõko ase, uuru kukuru samo. Mame oturũko mã toto ya, ywy roropa toto ezuhnõko ase. Ynara ãko ase eya xine: ‘Ypoenõme matose.’ Mame jezuhnõko mã toto: ‘Yna Esẽme mase, Ritonõpo.’ ”

João 20:17

— Apoipoito pyra exiko. Onuhpyra ro ase Papa a. Morara exiryke ytoko. Jakorõ tõ zuruta ypoko. “Jezu eneno,” kaxita toto a. “Ytõko mã rahkene Tumy a, Kumykomo a, Ritonõpo a, Kyrihpõkomo a,” kaxita, tykase Jezu nohpo a.

2 Korĩtiu 6:16

Ritonõpo maro oturutoh taka ahno naxikahpyry Ritonõpo myakãme anaropyra sytatose ipunaka, Ritonõpo zamaro pyra exiryke. Kymarokõ Ritonõpo tapyĩme sã sytatose Zuzenu nae kukurohtao xine exiryke. Ynara tykase Ritonõpo moro poko: “Osesarĩko ase ypoetory tõ maro, toto maro jehtohme. Toto esẽme exĩko ase. Ypoetoryme roropa exĩko mã toto,” tykase.

Epereu 12:16

Tomeseke ehtoko imehnõ nohpo tõ poko osenetupuhpyra oehtohkõme. Awamekaro xine pyra ehtoko roropa Ritonõpo nekarory poko. Ezau morara kynexine Ritonõpo omipona nymyry se hkopyra kynexine. Osemazuhme aenuruhpyryme toexiryke imehxo kynexine, takorõ ruime. Yrome ime toehtoh turumekase ropa eya, tonahsẽ poko typenetase toexiryke. Mame zakorony imehxo toehse.