Jeremia 30:9 - Ritonõpo Omiry: A Bíblia Sagrada na língua Aparai do Brasil

⁹ Yrome, ywy Ritonõpo, toto Esemy omipona exĩko mã toto, Tawi pary poetoryme roropa exĩko mã toto, ynekarohpyry eya xine toto esẽme.

Jeremia 30:9 ပူးပေါင်းရင်းမြစ်များ

Saumu 89:49

Ritonõpo, otoko hnae pake enetupuhpotoh yna pyno oehtoh poko? Otoko hnae õmihpyry onetapohpyry Tawi a?

Jeremia 23:5

Ynara ãko roropa Ritonõpo mana: — Imeĩpo zae exikety menekãko ase, Tawi paryme tuisame ehtohme. Mokyro tuisa tuaro exiketyme exĩko mana. Zae ehtoh rĩko mana ajohpe pyra ipunaka sero nono po porehme.

Jeremia 29:11

Ywy ro rokẽ josenetupuhtoh waro ase opoko xine: kure rokẽ oritohkõme, oporemãkapopyra xine roropa jehtohme, imeĩpo kure rokẽ oehtohkõ ekarõko ase oya xine, morohne eraximãko matose. Ywy Ritonõpo oturuno.

Jeremia 30:21

Mame mokaro kowenatume jekyry tõ exĩko mana, ynarorome ro exĩko mana. Mokyro eahmaryhtao ya oehnõko ya mana. Imehnõ ya oehsaromepyra exĩko oneahmara ahtao. Ypoetoryme exĩko mã toto. Toto Esẽme exĩko ase. Ywy Ritonõpo oturuno.”

Jeremia 33:15

Moro ẽmepyry toehse ahtao Tawi paryme nymyry enehpõko ase, zae ehtoh rokẽ tyrĩko mana, zae imehnõ apiakãko roropa mana.

Ozeja 3:5

Yrome ẽmepyry oehnõko mana: Izyraeu tõ oehnõko ropa Ritonõpo eahmase ropa Tosẽkõme. Tutuisake exĩko mã toto tuisa Tawi paryme exikety. Morarame Ritonõpo eahmãko mã toto Tosẽkõme, aomiry omipona, inekarory kurã tuhke apoĩko roropa mã toto.

Mateu 2:2

— Otoko hko enurusenã nae? juteu tõ tuisaryme aenuruhpyry nae? Ikyryry ynanenease xirikuato, tõnuhse ahtao xixi tũtatoh wino. Moro eneryke yna a aenururu waro toehse yna. Moro xirikuato tokahmase yna a. Morara exiryke mokyro enese ynanoehno xiaro kure tyritohme, tykase toto Jerusarẽ põkomo a.

Ruka 1:69

Kypynanohnekõ enehpone kyya xine. Orẽpyra exikety mokyro. Tawi parỹpyryme ynororo.

Atos 13:23

“Izyraeu tõ poko enupunaketyme apary rĩko ase. Iirypyrykõ poe toto anỹneme,” tykase Ritonõpo Tawi a. Morotoino Tawi paryme Jezu tonuruse rahkene. Izyraeu tõ pynanohneme tyrise ynororo rahkene tõmihpyry ae ro.

Atos 13:34

— Ynara mã tymerose ropa Ritonõpo omiryme Jezu ẽsemãkary ropa poko orihzomopyra aehtohme: “Kure rokẽ oritorỹko ase, jomihpyry ae ro Tawi a,” tykase Ritonõpo Tumũkuru a.

Atos 2:30

Yrome Tawi urutõme kynexine Ritonõpo Zuzenu omi poe. Zuaro ynororo Ritonõpo omi poe, Kyrixtu typaryme exiry waro. Tuisa konõtome Kyrixtu exiry poko tuaro roropa, tymyakãme aexiry waro.