Jeremia 30:21 - Ritonõpo Omiry: A Bíblia Sagrada na língua Aparai do Brasil

^21-22 Mame mokaro kowenatume jekyry tõ exĩko mana, ynarorome ro exĩko mana. Mokyro eahmaryhtao ya oehnõko ya mana. Imehnõ ya oehsaromepyra exĩko oneahmara ahtao. Ypoetoryme exĩko mã toto. Toto Esẽme exĩko ase. Ywy Ritonõpo oturuno.”

Jeremia 30:21 ပူးပေါင်းရင်းမြစ်များ

Jenexi 18:27

Mame Aparão ynara tykase ropa: — Ajohpãme sã yzehno pyra exiko jomiry poko. Omoro mase Ritonõpo, ywy ase ahnome rokene.

Jenexi 18:30

Mame ynara tykase Aparão: — Yzehno pyra exiko, Ritonõpo, ajohpãme samo ynara karyhtao, 30me kurãkõ nae ahtao, otara exĩko? toto enahkapõko mah? Ynara tykase Ritonõpo eya: — 30me nae ahtao pata põkõ pynanohnõko ase. Iirypyrykõ korokãko ase, tykase.

Jenexi 18:32

Etyhpyryme ynara tykase Aparão: — Ajohpãme sã yzehno pyra exiko ynara ekaroporyhtao etyhpyryme rahkene. Otarame 10me rokẽ kurãkõ enẽko mase moroto, tykase. — Mokaro 10mãkõ pokoino moro pata põkõ onenahkara ase, tykase Ritonõpo.

Jenexi 49:10

Juta tuisame exĩko mana. Ipakomotyã tuisame exikehpyra mana. Imehnõ ahno tynekarory enehnõko eya. Aomipona exĩko imehnõ nonory põkõ mana.

2 Samueu 7:13

Mokyro mã tapyi amõko jesety esaryme. Mame jũme tapõ po tuisame exĩko mã ynororo.

Extara 2:2

Toto tuisary tõ ynara kynexine: Zoropapeu te, Jozue te, Neemia te, Seraia te, Reeraia te, Moatekai te, Piusã te, Mixipaa te, Pikiwai te, Reũ te, Paana, enara. Sero nase tymerose atakenaka, oxiekyry Izyraeu tomo, Papironia poe aehtyamo. Tuisa tõ esety tymerose imaro exiketõ roropa:

Neemia 7:2

orutua kõ asakoro tymenekase ya pata Jerusarẽ tuisaryme toto ehtohme: jakorõ Hanani te, Hanania, soutatu tõ tuisary, tapyi jamihmã tao. Ritonõpo omipona exiketyme kynexine, zae exiketyme roropa, imehnõ motye.

Saumu 65:4

Tãkye mã mokaro onymenekatyamo, oya oehnõko mã toto atapyĩ taka ehse! Tãkye exĩko ynanase, tuesapare exiketõ samo, okyryry kurã poko Atapyĩ tao, amaro Oturutoh kurã tao.

Saumu 89:29

Imeĩpo ipakomotyã tuisame exikehpyra exĩko mã toto, jũme tuisame exĩko enahpyra ro kapu ahtao.

Exutu 3:5

Ynara tykase Ritonõpo eya: — Oetypohko moroto! Asãtajã tõ touko. Sero osa jesaryme kurã nase. Mame ynara tykase Ritonõpo eya:

Izaja 63:1

“Onoky mose oehnõko Etõ nonory poe, pata Posora poe? Onoky mose ro tupoke kurã ke, kamiraramã ke, tuisamehxo exikety sã ytõko, jamihme, orẽpyra exiketyme?” “Ywy ase,” ãko Ritonõpo mana “Orẽpyra ase, yjamitunuru ke Opynanohnekõme ase.”

Jeremia 30:9

Yrome, ywy Ritonõpo, toto Esemy omipona exĩko mã toto, Tawi pary poetoryme roropa exĩko mã toto, ynekarohpyry eya xine toto esẽme.

Jeremia 33:15

Moro ẽmepyry toehse ahtao Tawi paryme nymyry enehpõko ase, zae ehtoh rokẽ tyrĩko mana, zae imehnõ apiakãko roropa mana.

Jeremia 49:19

Reão samo, tũtaryhtao itu htae, tuna Joatão ehpikuroko onuhtohme onahpoty pona, moro sã oehnõko ase Etõ põkõ erehtohme. Epãko mã toto tynonorykõ poe. Mame tuisame ynymenekahpyry mokaro esẽme exĩko mana. Onoky nae ysã exikety? Onoky orẽpyra nae ymaro tõsetapary zuno pyra? Otoko kowenatu nae tõmiry omipona jyrĩko?

Jeremia 50:44

— Enetoko ke, reão samo itũtaryhtao itu htae tuna Joatão ehpio ino onuhtohme onahpoty pona, moro sã oehnõko ase Papironia põkõ erehtohme. Epãko mã toto typatarykõ poe. Mame ynymenekahpyry tuisame mokaro esẽme exĩko mana. Onoky nae ysã exikety? Onoky orẽpyra exiketyme ymaro osetapary zuno pyra? Onoky kowenatume exikety tõmiry omipona jyrĩko nae?

Ezekieu 37:24

Ypoetory Tawi panõ toto tuisaryme exĩko mana, toiro ipynanohnekõ nae exĩko mã toto emero porehme, ynyripohpyry omipona anamonohpyra exĩko mã toto.

Ozeja 1:11

Juta tomo Izyraeu tõ maro oximõnõko mã toto. Oximõme toiro tuisa menekãko mã toto tutuisarykõme. Ahno tõ jamihme exĩko ropa mã toto, tymõkomoke roropa. Moro ẽmepyry toehse ahtao Oseahmatoh konõtome exĩko mana, Jezereu ẽmepyryme.

Numeru 16:40

Ritonõpo oturutopõpyry ae ro Moeze a, Izyraeu tõ enaroximatohme toehse moro, imehnõ pyra, Arão poenõ rokẽ ipakomotyã roropa oehtohme ixtaratu zahkatohme Ritonõpo ẽpataka. Imehnõ tuãnohse exiry Kora tõ wãnohtopõpyry samo, imarõkõ maro.

Numeru 16:5

Ynara tykase ynororo Kora tomo a, imaro exiketõ maro: — Kokoro pakeimo typoetory tõ enepõko Ritonõpo mana, tapiakase exiketõ tymaro aerohtohme. Tynymenekahpyry enehpõko Ritonõpo mana apoto apõ pũtokoxi toto ehtohme.

Mateu 2:2

— Otoko hko enurusenã nae? juteu tõ tuisaryme aenuruhpyry nae? Ikyryry ynanenease xirikuato, tõnuhse ahtao xixi tũtatoh wino. Moro eneryke yna a aenururu waro toehse yna. Moro xirikuato tokahmase yna a. Morara exiryke mokyro enese ynanoehno xiaro kure tyritohme, tykase toto Jerusarẽ põkomo a.

Mateu 27:37

Morarame Jezu zuhpokoxi ynara tymerose kynexine wewe pokona: — Jezu mose juteu tõ tuisary, katoh tymerose kynexine.

Mateu 3:17

Mame omi totase kaino. Ynara tykase: — Umũkuru nymyry mose. Ipyno ase. Tãkye ase roropa ipoko, tykase.

Ruka 24:26

Zae nexiase Ritonõpo a tynymenekahpyry etuarimary aporo aorikyry roropa. Zae roropa aunukuru mana kapu aka emero esẽme aehtohme Ritonõpo maro, tykase Jezu eya xine.

Atos 5:31

Mame tuisa konõtome tyrise ropa ynororo Ritonõpo a, emero Kuesẽkõme aehtohme. Kypynanohnekõ mokyro. Kyyrypyrykõ korokary se ynororo. Kyyrypyrykõ rumekary se kuahtao xine ikorokãko mana.

Romanos 8:34

Naeroro kyhxironanõkõ poremãnõko mã toto. “Iirypyryme matose Ritonõpo a,” kara exĩko mã toto Ritonõpo poetory tomo a. Kyyrypyrykõ korokatamitume Kyrixtu kynorihne. Tõsemãkapose ropa kuhse Kumykomo a tymaro ehtohme ropa tuisame. Tumy maro kypoko xine oturũko mana, kuakorehmatohkõme. Naeroro ynara kasaromepyra imehnõ mana: “Orihnõko matose oorypyrykõ epehpyryme,” kasaromepyra imehnõ mana kyya xine.

Teuteronomiu 17:15

Orutua menekaryhtao oya xine otuisarykõme, Ritonõpo Oesẽkõ nymenekahpyry rokẽ tyritoko otuisarykõme. Imepỹ nono põ onymenekara ehtoko; Izyraeume exikety, oekyrykõ rokẽ imenekatoko tuisame.

Teuteronomiu 18:18

Jekyry tõ wino urutõ menekãko ase asã exikety. Jomiry ekarõko ase eya ahno zurutohme, ynyripohpyry emero porehme.

Teuteronomiu 33:5

Tuisa konõtome toehse Ritonõpo, tynymenekatyã esẽme, oximõme toehse oxiekyrymãkõ ahtao tutuisary tõ maro.

Epereu 1:3

Ime aexiry saerehkane sã mana. Ritonõpo ime exiry saaro ime aexiry mana ipunaka. Mame Ritonõpo ime exiry enepõko mana sero põkomo a. Tyjamitunuru ke tynyrityã onenahkapopyra mana. Morarame sero põkõ rypyry korokaxĩpo kỹporohne kapu ao, tuisamehxo, Ritonõpo maro. Emero esẽme Ritonõpo mana.

1 João 2:2

Kyrixtu rokẽ kyyrypyrykõ kurikaneme mana. Kyyrypyrykõ rokẽ kara, emero ahno rypyry kurikaneme roropa mana.

Apokaripxi 19:16

Zupõ poko roropa esety tymerose jaxiry poko roropa: “Tuisa tõ tuisary, Esẽkõ esemy,” tymerose roropa nexiase.