Jeremia 30:19 - Ritonõpo Omiry: A Bíblia Sagrada na língua Aparai do Brasil

¹⁹ Moro põkõ eremiãko mã toto Ritonõpo eahmãko, kohtãko mã toto tãkye toexirykõke. Toto emãkapõko ase, aomirykõ etary se exĩko imehnõ mana imehxo exiketõ samo.

Jeremia 30:19 ပူးပေါင်းရင်းမြစ်များ

Extara 6:22

7me ẽmepyry taropose eya xine Oseahmatoh Wyi poko Iporutatoh maro pyra. Atãkyemãko toh kynexine, Axiria tuisary tyripose Ritonõpo a toto akorehmaneme, Ritonõpo Tapyĩ riry ropa poko.

Neemia 8:12

Naeroro toytose toto, emero tytapyĩkõ taka, otuhse te, eukuru ẽse, atãkyematohme. Tynahke exiketõ a tynapyrykõ tapiakase ekarotohme imehnomo a, Ritonõpo omiry sekerematopõpyry tonetupuhse eya xine exiryke.

Neemia 8:17

Papironia poe aehtyamo a emero tapyi tõ pitiko tyrise. Morohne taka tomõse toto Otuhtoh enahtoh pona ro. Moino ro, Jozue, Num mũkuru ehtopõpyry poe, moro panõ onyripyra Izyraeu toh nexiase. Tãkye toh nexiase emero porehme.

Saumu 53:6

Ritonõpo, Izyraeu tõ pynanohne enehpoko Jerusarẽ poe! Opoetory tõ enepyry ropa ahtao Ritonõpo a imeimehnõ nonory poe tãkye exĩko mã toto, Jako pakomotyamo.

Izaja 12:1

Moro ẽmepyry toehse ahtao ynara ãko matose, eremiãko: “Ritonõpo, oeahmãko ase! Yzehno mexiase repe, yrome yzehno pyra mexi ropa. Seromaroro jemynyhmatoh enahkãko mase.

Izaja 26:15

Ritonõpo, Izyraeu tõ tomãkapose oya, yna nonory roropa zumohxo tyrise oya, moro pokoino imehxo oehtoh enetupuhnõko imehnõ mana.

Izaja 27:6

Ẽmepyry oehnõko: Izyraeu tõ wewe tymise exikety sã exĩko mana, ahtãko, ekutãko, eperytãko mã toto, moro epery ke sero nono pehkãko mana.

Izaja 35:10

Toremiarykõme pata Jerusarẽ pona omõnõko mã toto, kohtãko mã toto tãkye rokene. Tãkye exikehpyra exĩko mã toto jũme, atasamara, emynyhmara, xitara mã toto.

Izaja 51:11

Naeroro onypynanohtyã ytõko ropa mã toto Jerusarẽ pona tytapyĩkõ taka, eremiãko, atãkyemãko, kohtãko tãtãkyemarykõme. Jũme tãkye exĩko mã toto, atasamara exĩko mã toto, onyhnamozomopyra exĩko mã toto.

Izaja 51:3

Ywy, Ritonõpo, Jerusarẽ põkõ emuhkehkapõko ase, etuarimaketõ pynanohnõko ikararahtyã taõkomo emero. Inonorykõ tonore toehse ahtao ro, tupito kurãme tyrĩko ropa ase, ynarykahpyry sã Etẽ po. Tãkye exĩko moro põkõ mana, oseahmãko toto; eremiãko mã toto jeahmaryme, ‘Kure mase,’ ãko mã toto ya.

Izaja 52:9

Jerusarẽ typahse aexihpyry, oeremiako ãtãkyemaryme, nupunato typoetory tõ enẽko Kuesẽkõ mana, Jerusarẽ pynanohnõko mana.

Izaja 55:5

Seromaroro imehnõ nonory põkõ kohmãko matose, apitoryme awaro xine pyra aexityamo, mame tururume oehnõko mã toto õmirykõ omipona toehtohkõme. Morara exĩko ywy, Ritonõpo Oesẽkomo, Izyraeu tõ Esẽ kurano jamihmehxo oritorỹko ase, imehxo oehtohkõme.”

Izaja 60:19

“Xixi oezurume pyra exĩko saereme ahtao, nuno roropa oezurume pyra exĩko koko; ywy, Ritonõpo, jũme oezurume exĩko ase, saereh ãko ase xixi sã opona.

Izaja 60:22

Atapyĩ taõkõ tuhke pyra toto ahtao ro tuhkehxo exĩko mã toto; sero ahno imoihme exĩko, imehnõ nonory põkõ motyehxo. Moro tyritoh toehse ahtao, tyrĩko ase rahkene axiny. Ywy ase Ritonõpo.”

Izaja 60:9

Wapu tõ moro, moe nono tõ poe oehnõko; inunõ osemazuhme Ritonõpo poetory tõ enehnõko mã toto tosaka xine. Uuru enehnõko parata roropa ekarotohme Ritonõpo Izyraeu tõ Esẽ Kurano a tynekarorykõme. Kure rokẽ typoetory tõ ripõko mana imeimehnõ nonory põkomo a.

Jeremia 17:26

Oehnõko mã toto Juta patary tõ poe, pata tõ pisarara poe roropa Jerusarẽ zomye; Pẽjamĩ nonory poe oehnõko mã toto somohmã poe, ypy tõ poe, Juta nonory poe ikurenae. Okyno tõ enehnõko mã toto Ytapyĩ Kurã taka jahkatohme tynekarorykõme, tiriiku maro, ixtaratu maro, “Kure mase,” katoh tonõ maro.

Jeremia 3:16

Mame tuhke toehse awahtao xine moro nono po oturupyra exĩko matose jomihpyry ẽ poko. Moro kaxo poko osenetupuhkehnõko matose. Wenikehnõko matose ipoko; ise pyra exĩko matose. Imepỹ onyripyra exĩko roropa matose.

Jeremia 31:27

— Ywy Ritonõpo ynara ãko ase, imeĩpo ahno emãkapõko ase, okyno tõ roropa Izyraeu nonory pehme ehtohme, Juta nonory roropa.

Jeremia 31:4

Izyraeu tomo, oritorỹko ropa ase tynonoke ahnome. Tãporĩ tõ apoĩko ropa matose watohme tãkye oehtohkõke.

Jeremia 33:22

Ypoetory Tawi pakomotyã emãkapõko ase, oturuketõ Rewi pakomotyã roropa emãkapõko ase, tuhke toto ehtoh onukuhsaromepyra exĩko mã toto, xirikuato tõ kuhsaromepyra ehtoh samo, isawã kuhsaromepyra ehtoh sã roropa tuna ehpio.

Ezekieu 36:37

Ynara ãko Ritonõpo mana: — Izyraeu tõ otururu etãko ropa ase. Ynara tyrĩko ase eya xine: Jomi poe emãnõko ropa mã toto kaneru tõ samo.

Ezekieu 37:10

Oturuno aomihpyry ae ro. Mame oserematoh tomõse mokaro zoko tõ aka, isene toehse ropa toto, xikihme toehse toto. Tuhke toh nexiase, etonaketõ tuhke ehtoh samo.

Ezekieu 37:26

Jomiry etapõko ase eya xine jũme osepeme kuehtohkõme, towomaneke toto ehtohme. Toto emãkapõko ase, Ytapyĩ rĩko ase toto rãnao jũme moroto jehtohme.

Zakaria 10:8

“Ypoetory tõ kohmãko ase, oximõme toto enehpõko ase. Toto enehnõko ropa ase toto nonory pona ropa. Mame emãnõko ropa mã toto tuhkehxo ehtohme pake toto ehtopõpyry samo.

Zakaria 12:8

Moro ẽmepyry toehse ahtao Jerusarẽ põkõ ewomãko ase. Jamihme pyrahxo exiketõ toto rãnao tuisa Tawi jamihme ehtopõpyry sã exĩko mã toto. Tawi pakomotyã ytõko mã toto osemazuhme imehnõ aroryme, Ritonõpo nenyokyhpyry samo, Ritonõpo ehtoh sã roropa.

Zakaria 2:4

Mokyro Ritonõpo nenyokyhpyry apitorymã ynara nase tymarono a: — Tururume ytoko mokyro nuasemã zuruse, ikuhtohke tomahpokemy: “Pata Jerusarẽ tytaõke exĩko ropa mana, ahno tuhke, okyno tõ tuhke moroto exĩko, naeroro apuru onyrisaromepyra exĩko mã toto pata zomye.

Zakaria 8:19

— Amotyryae otuhpyra oehtohkõ nuno asakoropane exikety po te, 5me exikety po, 7me exikety po, 10me exikety po roropa, emero jeimamyry ae, oseahmatohme exĩko mã kehko, otuhtoh konõto roropa Juta tõ atãkyematohme. Naeroro zae ehtoh sehxo ehtoko, oxiehno pyra oehtohkõme roropa.

João 17:22

Imehxo tyripose toto ya, ime jexiry tonepose oya exiryke eya xine osepyno toto ehtohme osepyno kuexiry samo.

1 Peturu 1:7

Uuru se sytatose pitiko rokẽ pyra. Axĩtao rokẽ uuru repe, enahnõko. Mame uuru zahkãko mã ahno zemimehxo ehtohme. Moro saaro Jezu enetuputyry kyya xine, uuru motye kuhse kure mana Ritonõpo a. Naeroro uuru zahkary saaro otuarimanohpotorỹko Ritonõpo mana Jezu onenetupuhkehpyra oexirykõ waro toehtohme. Jezu poetoryme awahtao xine oetuarimarykohtao ro Jezu onurumekara matose. Onenetupuhkehpyra roropa matose. Mame Jezu onurumekara awahtao xine: “Kure mase ya,” ãko Ritonõpo oya xine mana. Kure oritorỹko roropa mana tymaro, Jezu Kyrixtu oepyry ropa ahtao. Jezu sã kure exĩko matose. Isã tuisame exĩko roropa matose.