Jeremia 30:17 - Ritonõpo Omiry: A Bíblia Sagrada na língua Aparai do Brasil

¹⁷ Oepetõkara ynara ãko mã toto opoko xine: ‘Xião typahsẽme rokẽ toehse, ise pyra toehse mã toto!’ Yrome kure rokẽ orĩko ropa ase, ãpurotoh kurãkãko ropa ase. Ywy Ritonõpo oturuno.”

Jeremia 30:17 ပူးပေါင်းရင်းမြစ်များ

Jo 5:18

Apurõko Ritonõpo mana, yrome epinohnõko roropa mana. Iiryhmãko mana, yrome tomary ke ro ikurãkãko ropa mana.

Saumu 103:3

Yyrypyry tõ korokãko mana emero, kure pyra jehtoh kurãkãko roropa mana;

Saumu 107:20

Tõmiry ke tukurãkase toto eya, typynanohse toto aorikyrykõino.

Saumu 12:5

Yrome ynara ãko Ritonõpo Kuesẽkõ mana: “Seromaroro oehnõko ase, tymõkomokãkara tuarimaporyke imehnomo a, pusuh ãko mã toto sam katoh ke. Toto ewomãko ase towomarykõ se toexirykõke.”

Saumu 142:4

Jomye josenuhmaryhtao japotunuru wino jakorehmane enetohme, arypyra, takorehmaneke pyra ase, towomaneke pyra. Ypyno exikety pyra ase.

Saumu 23:3

Moro saaro yjamihtanohnõko Jesẽ mana, ya oserematoh ekarõko roropa mana ukurohtao. Zae ehtoh poko jakorehmãko mana tõmihpyry ae ro.

Exutu 15:26

Ynara tykase ynororo eya xine: — Tomeseke awahtao xine jomihpyry poko, zae ehtoh riryhtao oya xine roropa, jomihpyry omipona awahtao xine awãnohpyra xine exĩko ase tyrohsẽ ke Ejitu põkõ wãnohtopõpyry ke. Ywy ase Ritonõpo okurãkanekomo.

Izaja 11:12

Pãteira anỹnõko Ritonõpo mana enetupuhpotohme oximõme Izyraeu tõ enehtohme Juta tõ maro sapararahme aexityã sero nono poro porehme; toto enehnõko ropa mana inonorykõ pona ropa.

Izaja 30:26

Mame typoetory tõ apurotopõpyry topinohse ahtao Ritonõpo a, toto ryhmatopõpyry tukurãkase ahtao roropa eya toto wãnohtopõpyry eya, nuno saereh ãko mana xixi saerehkatoh samo te, xixi roropa jamihmehxo saereh ãko mana 7me, 7me ẽmepyry saerehkatoh sã exĩko toiro ẽmepyry ae.

Izaja 33:24

Jerusarẽ põkõ tyrohsẽ anapoipyra exĩko mã toto, iirypyrykõ emero tykorokase exiryke.

Izaja 54:6

“Izyraeu, nohpo sã mexiase, inio nurumekahpyry samo, sam ãko mexiase, yrome okohmãko ropa Ritonõpo mana ooehtohme ropa. Ynara ãko mana: ‘Typyty aropõko ropahxo ke nae anaroposaromepyra inio mana imaro torẽnase toexiryke nuaseme ro tahtao?

Izaja 56:8

“Ritonõpo Imehxo Exikety a Izyraeu tõ tonehse ropa inonorykõ pona ãpuruhpyry tae imeimehnõ nonory poe. Ynara ãko mã ynororo: ‘Imehnõ ahno enehnõko ase roropa Izyraeu tõ nonory pona ypoetory tõ maro toto ehtohme.’ ”

Izaja 57:18

“Mokaro popyra ehtoh poko enease, yrome toto kurãkãko ropa ase, zae esemarykõ ae toto arõko ase; toto akorehmãko ase, toto emuhkehkãko ase. Ixitarykohtao

Izaja 57:19

eremiatoh rĩko ase ĩtarykõ aka jeahmatohme. Osepeme kuehtohkõ ekarõko ase eya xine: ameke exiketomo a, ameke pyra exiketomo a roropa; toto kurãkãko ropa ase.

Izaja 58:8

“Mame opyno xine jehtoh xixi ẽmepyry sã saereh ãko opona xine mana, tukurãkasẽme exĩko matose. Aarotorỹko ase Opynanohnekõme, oewomatorỹko ase õmye xine.

Izaja 60:15

“Pata turumekase mexiase, ose pyra toh nexiase; arãnakuroko toytory se pyra ytoketõ nexiase. Yrome moro sã exipyra ropa exĩko mase; pata kurã potume orĩko ase, pata orẽpyrahxo exikety, tãkye exiketõ esaryme orĩko ase, jũme moro sã exikehpyra oehtohme.

Jeremia 10:20

Yrome kytapyĩkõ tonahkase mã kehko, eary tõ imyhtoh tonõ tamohse kehko. Kypoenõkõ toytose toto kywinoino xine. Tonahse toto ipunaka, tapyi rine pyra toehse kuakorehmatohkõme tapyi ritohme ropa, apuru tõ kamisa risẽ anỹnanõ pyra toehse sytatose kymaro xine aehtohme rahkene.”

Jeremia 17:14

Ritonõpo, kukurãkako ropa, mame tukurãkasẽme exĩko ase; kypynanohko, mame typynanohsẽme exĩko ase, eremiãko ase imehxo oehtoh poko oeahmaryme.

Jeremia 3:22

Osehtoko ropa, emero, Ritonõpo rumekahpõkomo, zae pyra oehtopõpyrykõ kurãkãko mana. Ynara ãko matose: — Ỹ! oehnõko ropa sytatose Ritonõpo a, Kuesẽkõme aexiryke.

Jeremia 30:13

Ahno pyra mana opyno exiketyme. Opi pyra mana ãpurotoh tonõ epityme. Ekurãkasaromepyra osekarõko matose.

Jeremia 33:24

— Jeremia, zuaro hma ynara ãko mã toto: Izyraeu tomo Juta tõ roropa turumekase Ritonõpo a asakoro oxiekyry tomo, ynymenekatyamo? Naeroro ypoetory tõ htomãko mã toto: “Tynonoryke pyra ahnome pyra toehse mã toto,” ãko mã toto ypoetory tõ poko.

Jeremia 33:6

Yrome sero pata, epõkõ maro kurãkãko ropa ase, kure rokẽ toto ehtohme ropa. Osepeme toto ripõko ase, torẽtyke pyra toto ehtohme, towomase roropa toto ehtohme.

Jeremia 8:22

Opi pyra hnae Kireate po? Opi warõ pyra roropa hnae moroto? Morara exiryke oty katohme wekyry tõ onukurãkara toh nae?

Ramẽtasão 2:15

Ytoytoketõ pata kuroko oeunohnõko mã toto. “To!” ãko mã toto opoihtotorỹko roropa mã toto, Jerusarẽ põkomo. “Ajohpe pyra, sero pata tosehtose: ‘Pata Kurãme, Enekure Potu?’ nary.” “Sero pata kure ehtoh poko epyrypãko toh nexiase, imehnõ nonory po porehme?”

Ezekieu 34:16

— Kaneru tõ itahtyã zupĩko ase, tãtapiakase aexityã enehnõko ropa ase, tyyryhmase exiketõ epinohnõko ase, kure pyra exiketõ kurãkãko roropa ase. Yrome mokaro tupune exiketõ, tykasere roropa exiketõ enahkãko ase, kaneru ewomane zae ehtoh poko exiketyme jexiryke.

Ezekieu 35:12

Mame zuaro exĩko matose ywy, Ritonõpo, õmirykõ etase Izyraeu tõ ypy tõ po jyhtomaryme. Ynara matose: ‘Izyraeu tõ ypy tõ typõke pyra toehse kuesarykõme sapoitone.’

Ezekieu 36:20

Yrome emero rokẽ pona toytose toto ahtao toehxirose ywy toto pokoino, ynara tykase imehnõ exiryke ipoko xine: “Moxiã mã Ritonõpo poetoryme repe, yrome taropose toh nexiase inonorykõ poe, inekarohpyryme ahtao ro eya xine.”

Ozeja 11:3

Ya ro Izyraeu tõ tamorepase ayaytorykõ poko; toto tanỹse ya jemary ke, yrome onenetupuhpyra toh nexiase typyno xine jehtopõpyry poko.

Ozeja 6:1

Ynara ãko Izyraeu tõ mana: — Ehmaropa emero Ritonõpo a ropa, Kuesẽkomo a. Tapurose sexiatose eya, yrome kukurãkatorỹko ropa mana. Tuãnohse sexiatose eya repe, yrome kyyrypyrykõ korokãko ropa mana.

Marakia 4:2

Yrome oya xine, jomiry omipona exiketomo, opynanopyrykõ ya saereme sã exĩko mana, xixi saerehkatoh samo, isene ehtoh enehnõko. Pyhsekyhsekyh ãko matose tãkye oehtohkõke, pui poenõ samo tutũtarykohtao jarakapyhpyry ae.

1 Peturu 2:24

Kyrixtu iirypyryme pyra, yrome kyyrypyrykõ tapoise sã eya toexixihmapose ahtao wewe pokona. Toorihse ynororo kyyrypyrykõ enahkapotohme. Toorihse tyjamitunuru ekarotohme kyya xine kyyrypyrykõ poko pyra kuehtohkõme. Toorihse ynororo zae kuehtohkõme Ritonõpo a. Tyyryhmase aexiryke tukurãkase sytatose eya. Naeroro ẽsemãnõko ropa sytatose orihxĩpo.

Apokaripxi 22:2

Pata esemary konõto rãnakuroko ytõko moro tuna mana. Tuna ehpio asakoro ro orihpỹme ehtoh epery zoko nexiase. Emero nuno pune eperytãko mã kehko. 12me eperytãko mana toiro jeimamyry aroporyhtao. Zary roropa tuhke pata põkõ kurãkatohme mana.