Jeremia 30:16 - Ritonõpo Omiry: A Bíblia Sagrada na língua Aparai do Brasil

¹⁶ Yrome seromaroro mokaro emero oenahkananõ tonahkasẽme exĩko, oepetõkara emero tarosẽme exĩko mã toto imehnõ namotome. Orohmanohponanõkõ tyrohmanohposẽme exĩko mã toto, omõkomory ematonanohnanõ tomatonanohsẽme exĩko mã toto.

Jeremia 30:16 ပူးပေါင်းရင်းမြစ်များ

Saumu 129:5

Ah Jerusarẽ se pyra exiketõ emero typoremãkase nexĩ toto, epatohme.

Exutu 23:22

Yrome aomipona yronymyryme awahtao xine, inyripohpyry riryhtao oya xine, oepetõkara poremãkapõko ase.

Porowepio 22:23

Ynara exiryke, mokaro ewomãko Ritonõpo mana, toto orihmapory se exikety orihmapõko roropa mana.

Izaja 14:2

Izyraeu tõ akorehmãko imehnõ nonory põkõ mana, toytorykõ poko tynonorykõ pona ropa, Ritonõpo nekarohpyry pona eya xine. Moroto Izyraeu tõ namotome erohnõko mã toto imehnõ nonory põkomo. Typoetoryme tapoihpõkõ rĩko Izyraeu tõ mana, tyrohmanohponanõ esẽme exĩko mã toto.

Izaja 33:1

Popyra ehtoh oehnõko oya myhene, imehnõ enahkapone, yrome oenahkara ro imehnõ mana! Popyra ehtoh oehnõko oya, ewokane yrome oewokara ro imehnõ mana! Imehnõ tonahkakehse ahtao oya, tonahkasẽme exĩko mase; imehnõ towokakehse ahtao oya towokasẽme exĩko mase.

Izaja 54:15

Imehnõ etonase aytorykohtao oya, ypoe pyra tamoreme xine rokẽ ytõko mã toto. Mame mokaro toetonary sato kõ amaro typoremãsẽme exĩko.

Izaja 54:17

yrome toto pyre owosaromepyra exĩko mã kehko, mame ihxironanõ ẽpataka tarose awahtao ohxironanõ poremãkãko mase. Ypoetory tõ ewomãko ase, orẽpyra toto rĩko ase tyehnotokõ poremãkapotohme.” Ywy Ritonõpo oturuno.

Jeremia 10:25

Imehnõ nonory põkõ zuãnohko yronymyryme, oeahmara exiketomo, tosẽkõme oenetuputyry se pyra exiketomo. Yna, opoetory tõ totapase eya xine, Jako pakomotyamo. Yna nonory patãpome tyrise roropa eya xine, enara.

Jeremia 12:14

Ynara ãko Ritonõpo mana: — Seromaroro oturũko ase popyra exiketõ poko Izyraeu tõ zomye, moro nono popyra tyrise eya xine, ynekarohpyry ypoetory tomo a. Mya mokaro arõko ase inonorykõ poe, otyro samo touse ahtao. Juta tõ roropa pynanohnõko ase mokaro winoino.

Jeremia 2:3

Izyraeu tomo, ypoetoryme rokẽ mexiatose, tapiakase mexiatose ymaro rokẽ oehtohme; tiriiku samo, tapoise ahtao esemazupurume ekarotohme ya. Oryhmahpõkõ tuãnohse ya emero porehme, popyra ehtoh enehpoase toto pona. Ywy, Ritonõpo, oturũko ase.”

Jeremia 25:12

Moromeĩpo Papironia tuisary wãnohnõko ase ipoetory tõ maro iirypyrykõ emetakame. Moro nono enahkãko ase, jũme typahse inonorykõ nomõko ase. Ywy, Ritonõpo, oturũko ase.

Jeremia 30:15

Atakirimara exiko ãpurotopõpyry poko, okurãkatoh pyra exiryke. Kuãnopyase moro saaro oorypyry tuhke exiryke, popyra oehtoh itamurume exiryke roropa.

Jeremia 50:28

Epaketõ Papironia poe toeporehkase mã toto Xião pona. Ekarõko mã toto Ritonõpo Kuesẽkõ emỹpotoh poko; Papironia põkõ wãnohtopõpyry poko Itapyĩ Kurã enahkatopõpyry emetakame.

Jeremia 8:16

Kuepetõkara toehse mã toto pata Tã pona; kawaru tõ etãko sytatose oseremãko jamihme ahtao. Mokaro omitaryhtao nono tykytyky kamexipõko mã toto. Kuepetõkara tooehse mã toto sero kynonorykõ enahkase kỹkyryrykõ maro emero porehme, kypatarykomo te, pata tõ põkõ maro.

Ramẽtasão 1:21

“Ritonõpo, pusuhkatoh ya etako. Jemuhkehkananõ pyra nase. Jepetõkara atãkyemãko mã toto juãnohtopõpyry oya eneryke tyya xine. Moro ẽmepyry enehpoko, õmihpyry ae ro, jepetõkara sam kamexipoko ya sam katoh samo.

Ramẽtasão 1:22

“Mokaro epehmako popyra toto ehtopõpyry emetakame. Zuãnohko toto juãnohtopõpyry sã oya yyrypyry emetakame. Pusuh kakehpyra ase, kure pyra roropa ase ukurohtao.”

Ezekieu 29:6

Mame Ejitu põkõ emero zuaro exĩko mã toto ywy ase Ritonõpo.” Ynara ãko Ritonõpo mana: — Oya xine toytose Izyraeu tomo takorehmapotohkõme repe; yrome imyxiry werawerame sã mexiatose.

Ezekieu 35:5

— “Moino ro Izyraeu tõ epekarame mexiatose. Mame tuãnohse toto ahtao ya, typoremãkapose toto ahtao iirypyhpyrykõ emetakame, taorihmapose toto oya xine.

Joeu 3:8

Opoenõ ekamopõko ase Juta tõ namotome toto ehtohme; mame toto ekamõko roropa mã toto sapeu tomo a moe nono pona toto arotohme. Ywy ase Ritonõpo, oturuno.

Mikeja 4:11

Tuhkãkõ, imeimehnõ nonory põkõ tõximõse mã toto etonatohme amaro xine, Jerusarẽ põkomo. Ynara ãko mã toto: “Kure exiry Jerusarẽ tonahkase ahtao, nuriame tyripose ahtao roropa.”

Mikeja 7:10

Moro eneryhtao kuepetõkara a, ehxirõko mã toto, ynara tykase toto exiryke: “Otoko hnae Ritonõpo Oesẽkomo?” Seromaroro toto poremãkatoh enẽko sytatose, tytũtũmase toto ahtao ikurepato samo osema tao.

Naum 1:8

Tuna zueme ehtoh samo topetõkara enahkãko mana. Tyzehno exiketõ enyohnõko mana aorihtyã esaka.

Apakuke 2:16

Amarokõ roropa ime pyra exĩko matose. Ehxirõko matose. Eukuru ẽnõko matose, osetapãko. Awãnohtohkõ ẽpõko sã Ritonõpo mana oya xine ozehno xine toexiryke. Etỹnõko matose. Imehxo oehtohkõ myakamãko mana oehxirotohkõke.

Sowonia 2:8

Ynara ãko Ritonõpo Jamihmehxo Exikety: — Moapita tõ omiry etase, amonita tõ omiry roropa ypoetory tõ eunohnõko, toto poihtõko roropa. Epyrypãko toh mana inonorykõ poremãkary poko tyya xine.

Zakaria 1:14

Mame mokyro Ritonõpo nenyokyhpyry, ymaro oturukety ynara tykase ya: — Ynara kaxiko opore emero rokẽ netaryme: Sero omi Ritonõpo Jamihmehxo Exikety omiryme mana: “Pata Jerusarẽ pyno ase yronymyryme, ypatary kurãme mana.

Zakaria 1:15

Imeimehnõ nonory põkõ poko tohne ase, osewomaketõ poko, torẽtyke pyra exiketõ poko. Ynara exiryke tohne toehse jahtao ypoetory tõ poko, pitiko rokẽ repe itamurumehxo toto tyrohmanohpose eya xine, toto etuarimatohme pitiko rokẽ pyra.

Zakaria 12:2

— Jerusarẽ ripõko ase eukuru jehnahpyry samo imehnõ nono põkomo a, zomye exiketomo a emero; moro eukuru enyryhtao eya xine etỹnõko mã toto. Jerusarẽ pona ytõko mã toto etonase Juta tõ patary tõ maro.

Zakaria 14:2

Imeimehnõ ahno tõ emero oximõme enehpõko Ritonõpo mana osetapase pata Jerusarẽ maro. Moro pata poremãkãko mã toto. Mõkomo emero tarosẽme exĩko mana tapyi tõ tae mya rahkene. Nohpo tõ tyyryhmasẽme exĩko mã toto. Moro pata põkõ zokonaka tarosẽme exĩko mya imehnõ namotome. Ahno akoĩpyry tehme exĩko mã toto Jerusarẽ po.

Zakaria 2:12

Mame Juta tõ nonory Ritonõpo esary kurãme exĩko ropa mana Izyraeu tõ nonory kurã po te, Jerusarẽ Ritonõpo nymenekahpyryme exĩko ropa mana tosary kurãme.

Zakaria 2:8

Tyjamitunuru ke, jenyokyase Ritonõpo Jamihmehxo Exikety imeimehnõ nonory põkõ zurutohme, typoetory tõ mõkomory kurã aronanomo omatome. Ynara tykase ynororo: — Ypoetory tõ poko aexihpyry tomahxikyry rĩko sã mana jenuru aka.

Teuteronomiu 30:7

Moro popyra ehtoh ke oepetõkara wãnohnõko Ritonõpo Oesẽkõ mana, ose pyra xine exiketõ emero orohmanohpõko,

Apokaripxi 13:10

Tapoisẽme awahtao xine tapoisẽme ro matose. Tuosẽme awahtao xine tuosẽme ro matose. Naeroro Ritonõpo poetoryme awahtao xine oseanahtotoko. Penekehpyra ehtoko Ritonõpo enetuputyry poko.”

1 Samueu 17:53

Mame pirixteu tõ ekahmaxĩpo toeramase ropa Izyraeu tomo topetõkara esahpyry pona. Mame mõkomo itamurume pirixteu tõ nynomohpyry tanỹse eya xine tykyryrykõme.