Jeremia 30:12 - Ritonõpo Omiry: A Bíblia Sagrada na língua Aparai do Brasil

¹² Ynara tykase Ritonõpo pata Jerusarẽ põkomo a: “Popyra oehtohkõ kurãkatoh pyra mana, ãpurotopõpyrykõ etyhpyra mana.

Jeremia 30:12 ပူးပေါင်းရင်းမြစ်များ

2 Koronika 36:16

Yrome inenyohtyã urutõ kõ typoihtose eya xine. Aomirykõ onetara toh nexiase. Urutõ kõ tounohse eya xine. Mame etyhpyryme typoetory tõ zehno toehse Ritonõpo, yronymyryme. Toto kurãkatoh pyra toehse; toto wãnohtoh toehse rahkene.

Jeremia 14:17

Mame tonyohse ywy Ritonõpo a jemynyhmary ekarotohme ahno a. Ynara ase: “Saereme, koko roropa jenuru tõ poe yxity kuãnõko mana. Yxitakepyry se pyra ase, itamurume wekyry tõ tyyryhmase exiryke, tyhtomase mã toto yronymyryme.

Jeremia 14:19

“Ritonõpo, yna Esemy, Juta tõ turumekase oya yronymyryme? Xião põkõ se pyra mexino ipunaka? Oty katohme yna tyhtomase oya itamurumehxo, ekurãkasaromepyra yna ehtohme? Osepeme kuehtohkõ eraximãko ynanexiase repe. Yrome kure ehtoh oehpyra tokurehse; ekurãkãko sytatose tõsenetupuhse yna repe. Yrome erehtoh rokẽ toehse.

Jeremia 15:18

Oty katohme sam ãko ro hano? Oty katoh jyyryhmatopõpyry jetũ exikehpyra nae? Oty katoh etyhpyra nae? Ypynanopyry oneraximasaromepyra hano? Amonohnõko mah iporiry tãpaise exikety samo eina toehse ahtao.

Jeremia 30:15

Atakirimara exiko ãpurotopõpyry poko, okurãkatoh pyra exiryke. Kuãnopyase moro saaro oorypyry tuhke exiryke, popyra oehtoh itamurume exiryke roropa.

Jeremia 6:7

Tuna pẽkamã ae tuna tũtãko mana. Moro sã mã Jerusarẽ poe iirypyry tũtãko mana. Moro pata po oturũko mã toto imehnõ etapary poko, toto enahkary poko; tyrohsẽ rokẽ enẽko ase, apurotopõpyrykõ roropa.

Jeremia 8:22

Opi pyra hnae Kireate po? Opi warõ pyra roropa hnae moroto? Morara exiryke oty katohme wekyry tõ onukurãkara toh nae?

Ramẽtasão 2:13

Pata Jerusarẽ põkomo, nupunato aexihpyry, otara ãko ha ãkorehmatohme? Otãto oemuhkehkapõko hano, Xião põkomo? Imehnõ etuarimapitopyra nexiase asamo. Oporemãkatopõpyry itamurume mana tuna konõto zumohxo ehtoh samo. Opynanohsaromepyra imehnõ mana.

Ezekieu 37:11

Ynara tykase Ritonõpo ya: — Ahno mũkuru, Izyraeu tomo moro zehpo tõ sã mã toto. “Tasarahse rokẽ mã toto,” ãko mã toto. “Tukurãkarykõ oneraximara mã toto, otara exĩko sytatou taroino?” ãko.

Ozeja 5:13

— Kure pyra toehtoh waro toehse Izyraeu ahtao, Juta roropa tapurose toehtoh tonese ahtao, toytose Izyraeu Axiria tuisary konõto a takorehmapotohkõme repe; yrome toto onukurãkasaromepyra nexiase, apurotopõpyry onetyhnanohsaromepyra roropa nexiase.

Mikeja 1:9

Ynara exiryke, Samaria põkõ apurotopõpyrykõ ekurãkasaromepyra mana. Juta tõ enahkatoh oehsasaka roropa mana. Toto enahkatoh toeporehkase pata Jerusarẽ omõtoh pona, wekyry tõ esaka.

Naum 3:19

Opi pyra mana ãpurotopõpyry tõ epinohtohme; naeroro ekurãkasaromepyra mã toto. Oehxirotopõpyry etaryke imeimehnomo a atãkyemãko mã toto, tahtah ãko mã toto. Ynara exiryke: ahno emero sam tykamexipose oya xine, popyra oehtohkõ enahpỹme nexiase.