Jeremia 30:11 - Ritonõpo Omiry: A Bíblia Sagrada na língua Aparai do Brasil

¹¹ Amaro xine exĩko ase opynanohtohkõme. Imeimehnõ nonory enahkapõko ase, emero aaropotopõpyrykõ ya, yrome oenahkara xine ase. Tuãnohsẽme exĩko matose repe; yrome, awãnopyrykohtao ya, zae rokẽ awãnohtorỹko ase; onymotyẽkara ase. Ywy Ritonõpo oturuno.”

Jeremia 30:11 ပူးပေါင်းရင်းမြစ်များ

2 Samueu 24:12

— Ytoko, Tawi a, ynara kaxiko eya: “Oseruao imenekatoh ekarõko Ritonõpo mana oya, toiro imenekako tyripotohme Ya. Mame onymenekahpyry rĩko ase,” ãko Ritonõpo mana. Yrokokoro towõse Tawi ahtao

Saumu 6:1

Ritonõpo Jesemy, jupokara exiko yzehno awahtao! Juãnohpyra exiko zehno awahtao!

Exutu 34:7

Jomihpyry omipona ase miu motye zumakahpõkomo a, azahkuru oehtohkõ, oorypyrykõ korokãko roropa ase. Yrome ajoajohpe exiketõ wãnohnõko ase, ipoenõ roropa, ipakõ roropa te, ipoenõ pakõ roropa jũkõ rypyry emetakame.

Izaja 43:25

“Yrome ywy, ywy roro, Ritonõpo Oesẽkõme ase, naeroro oorypyrykõ korokãko ase, oorypyrykõ poko wenikehnõko roropa ase.

Izaja 8:10

Oximõme osenetupuhtoko onyrirykõ poko, yrome morohne onyripyra ekurehnõko matose. Oturutoko onyrirykõ se oehtohkõ poko, yrome toiparo rokẽ moro exĩko mana yna maro Ritonõpo exiryke.

Jeremia 1:8

Imehnõ zuno pyra exiko, amaro jexiryke oewomatohme. Ywy ase Ritonõpo, amaro oturukety.

Jeremia 10:24

Ritonõpo, yna ikurãkako zae yna ehtohme, yrome onymotyẽkara exiko. Yna onuwãnohpyra exiko zehno awahtao, yna enahkaryino.

Jeremia 15:20

Orĩko ase apurume samo, jamihme exikety, metau risẽ samo. Osetapãko mã toto amaro repe yrome oporemãkasaromepyra exĩko mã toto, amaro exĩko ase oewomatohme, opynanohtohme roropa.

Jeremia 4:27

Ynara tykase Ritonõpo: moro nono emero patãpome exĩko mana, yrome emero porehme onenahkapopyra ase.

Jeremia 5:10

Oepetõkara enehpõko ase anarykatyã uwa zoko tõ akohtohme, yrome emero porehme onenahkapopyra exĩko ase. Jomi poe uwa amoriry tõ kararahnõko oepetõkara mã toto moro amoriry tõ ykyryryme pyra exiryke.

Jeremia 5:18

— Yrome ywy, Ritonõpo ynara ãko ase oya xine, morara ahtao ro oenahkapopyra xine ase.

Ramẽtasão 3:22

Kypyno xine Ritonõpo ehtoh enahpỹme mana. Kure aexiry jũme enahpỹme roropa mana.

Ezekieu 11:13

Morarame Ritonõpo omiry ekaroryhtao ro ya, Peratia, Penaia mũkuru, toepukase toorihse ynororo. Jesekumuru po typorohse ywy nono pona, jẽmyty po nono pokoxi. Opore tykohtase ywy: — Ritonõpo Jesemy, sero onyripyra exiko! Izyraeu tõ akoĩpyry emero enahkãko mahno?

Ezekieu 6:8

— Yrome ahno akoĩpyry nomõko ase isene ro, sapararahme exĩko mã toto imehnõ nonory po,

Ozeja 11:9

Awãnohpyra xine ase ozehno xine jehtoh ke. Ypoetory tõ onenahkara ropa ase, Ritonõpome jexiryke ahno rokẽ kara ase; Ywy, Ritonõpo Kurano, ypoetory tõ rãnao ase, toto onenahkara ropa ase.”

Rewitiku 26:44

Yrome topekõkara nonory poro toto ahtao toto onurumekara exĩko ase, toto onenahkara exĩko roropa ase. Ynetapohpyry eya xine anamonohpyra ase. Ywy ase Ritonõpo, toto Esemy.

Mateu 1:23

“Oryximã poetoẽme exĩko, orutua maro exipitopyra ro tahtao. Mame enurũko mana orutuame, esety Emanueume exĩko,” tykase ynororo Ritonõpo poe pake. (“Emanueu” kary: “Ritonõpo kymaro xine mana” kary epereu omiry ae.)

Mateu 28:20

Amorepatoko toto emero jomipona toto ehtohme, ãmorepatopõpyrykõ omipona toto ehtohme. Etatoko pahne, amaro xine ase jũme joepyry ropa ponãmero, tykase Jezu eya xine. Enara.

Atos 18:10

Amaro jexiryke opoko pyra imehnõ mana. Oryhmara mã toto. Tuhke tarõkõ ypoetoryme exĩko mana, tykase Jezu Pauru osenety.

Teuteronomiu 4:31

orumekara xine exĩko mana. Ritonõpo opynanohnekomo, oenahkara xine exĩko mana. Wenikehpyra mana tõmihpyry poko, inetapohpyry kytamuru tomo a, jũme osepeme toehtohme toto maro, jũme tõmiry omipona exikehpyra toehtohme.

2 Timoteu 4:22

Ynara ãko ase Kuesẽkomo a Jezu Kyrixtu a: “Timoteu maro exiko. Ipyno exiko,” ãko ase, enara rokene.