Jeremia 30:10 - Ritonõpo Omiry: A Bíblia Sagrada na língua Aparai do Brasil

¹⁰ “Ypoetory tomo, Jako pakomotyamo, enaromyra ehtoko! Izyraeu tomo, oserehpyra ehtoko! Opynanohtorỹko ase moro nono moe exikety poe, moro nono põkõ namotome oehtohkõ poe. Oehnõko ropa matose, Jako pakomotyamo. Towomasẽme exĩko matose; oenaroximara xine exĩko imehnõ mana. Ywy Ritonõpo oturuno.

Jeremia 30:10 ပူးပေါင်းရင်းမြစ်များ

Jenexi 15:1

Moromeĩpo tõsenepose Ritonõpo Aparã a, ynara tykase ynororo eya: — Aparã, enaromyra exiko. Oewomãko ase oryhmara oepetõkara ehtohme, kurã ke rokẽ oepehmãko ase.

Izaja 14:3

Izyraeu tomo, moro ẽmepyry oehnõko mana, typoetory tõ myhpokãko ropa Ritonõpo mana imehnõ namotome pyra toto ehtohme. Etuarimara exĩko mã toto, sam kakehnõko mã toto, toto onyrohmanohpopyra exĩko imehnõ mana.

Izaja 35:9

Moro osema po reão tõ pyra exĩko mana, onokyro tõ ytoytopyra mã toto moro ae; mokaro ipynanohtyã rokẽ Ritonõpo a moro osema ae ytõko mã toto.

Izaja 43:5

Enaromyra exiko; amaro jexiryke! “Moino xixi tũtatoh wino te, moino roropa xixi omõtoh wino oekyry tõ enehnõko ropa ase inonorykõ pona.

Izaja 44:1

Ynara ãko Ritonõpo Kuesẽkomo: “Etako pahne, Izyraeu, ypoetoryme mase, ynymenekahpyry.

Izaja 44:2

Ywy, Ritonõpo, Orihpõkõme ase; takorehmase mexiase ya oenurutopõpyry poe. Izyraeu, ypoetorymano, enaromyra exiko opyno jexiryke, ynymenekahpyryme mase ymaro oehtohme.

Izaja 46:11

Orutua kohmãko ase xixi tũtatoh wino aehtohme; moe nono poe, piano yhtory sã axĩ oehnõko mana ynyripohpyry ritohme emero porehme. Jomihpyry ae ro emero tyrĩko ase; josenetupuhtoh rĩko ase rahkene.

Izaja 46:13

Yrome ameke hkopyra opynanohtohkõ enehpõko ase jomihpyry ae ro; okynã pyra orẽpyra exĩko ase. Okynã pyra Jerusarẽ põkõ pynanohnõko ase, morarame imehxo jehtoh enepõko ase Izyraeu tomo a.”

Izaja 49:12

Oehnõko ropa mã toto moino, imehnõ nonory poe, inikahpoe te, xixi omõtoh wino te, Asuã poe roropa ikurenaino.”

Izaja 49:25

Yrome ynara ãko Ritonõpo mana: “Ywy soutatu tõ winoino inapoityãkõ puxihkãko ropa ase; tuisa jamihmã winoino inamoto tõ apoĩko ropa ase. Etonãko ase ozehno exiketõ maro, opoenõ pynanohnõko ase.

Izaja 54:4

Enaromyra exiko, ehxiropyra roropa exiko; oserehpyra exiko, iiryhmazomopỹme exĩko mase. Wenikehnõko mase ohtomatopõpyry poko oryxime awahtao, omuhpe oehtopõpyry poko roropa pytỹpome toehse awahtao.

Jeremia 23:3

Ypoetory tõ akoĩpyry enehpõko ase imehnõ nonory tõ poe. Morotona toto taropose ya, inonorykõ pona toto enehnõko ropa ase. Emũkuãko mã toto tuhke, emãnõko mã toto.

Jeremia 23:4

Tuisa tõ menekãko ase toto pyno ehtohme. Ypoetory tõ enaromyra exĩko mã toto; oserehpyra exĩko roropa mã toto. Toto onuwãnohpyra ropa exĩko ase. Ywy Ritonõpo oturũko ase.

Jeremia 23:6

Tuisame mokyro ahtao Juta tõ towomasẽme exĩko, Izyraeu tõ maro osepeme exĩko mã toto. Tosehpasẽme exĩko mana: “Kuesẽkomo, Kypynanohnekomo”.

Jeremia 23:8

Yrome ypoko ynara ãko mã toto: “Ritonõpo Isene Exikety, Izyraeu tõ Enehpono ropa inikahpoe, imeimehnõ nonory poe roropa, morotona inaropotyã poe. Mame moroto exĩko ropa mã toto tynonorykõ po.”

Jeremia 29:11

Ywy ro rokẽ josenetupuhtoh waro ase opoko xine: kure rokẽ oritohkõme, oporemãkapopyra xine roropa jehtohme, imeĩpo kure rokẽ oehtohkõ ekarõko ase oya xine, morohne eraximãko matose. Ywy Ritonõpo oturuno.

Jeremia 29:14

Yje! Ourutorỹko ase, jeporỹko matose, mame aarotorỹko ropa ase ononorykõ pona ropa. Oximõme oenehtorỹko ase imeimehnõ nono tõ poe emero, aaropotopõpyrykõ poe. Mame aarotorỹko ropa ase ononorykõ pona ropa, moro poe kuaropoatose imehnõ namotome. Ywy Ritonõpo oturuno.’

Jeremia 3:18

Izyraeu tõ maro oximõnõko Juta tõ mana. Oximaro oehnõko mã toto inikahpoe tosarykõ pona, nono ynekarohpyry pona itamurukomo a.

Jeremia 30:7

Moro ẽmepyry, popyrahxo ehtoh oehnõko mana! Imepỹ ẽmepyry moro ẽmepyry sã pyra mana ipunaka. Jako pakomotyã etuarimãko yronymyryme, yrome typynanohsẽme exĩko mã toto moro poe.”

Jeremia 33:16

Moro ẽmepyry toehse ahtao Juta tomo typynanohsẽme exĩko mã toto, Jerusarẽ põkõ roropa towomasẽme exĩko. Mame Jerusarẽ esehpãko mã toto: “Ritonõpo, Kypynanohnekomo.”

Ezekieu 16:52

Seromaroro ehxirõko rokẽ mase oorypyrykõ popyrahxo exiryke, ãkorõ tõ rypyry motye. Morara exiryke kurãkõ sã mã toto opũto. Seromaroro ehxiroko, Jerusarẽ, eanahtoko roropa ohxiroryhtao imehnomo a, ynara exiryke: onyrityã xihpyry pokoino ãkorõ tõ kurãkõme sã mã toto.

Ezekieu 38:11

Nono põkõ poremãkary se exĩko mase, typyreke pyra exiketomo, zehno pyra exiketomo, imehnõ zuno pyra exiketomo, ipatarykõ apuru pyra mã kehko osewomatoh pyra roropa.

Tanieu 12:1

Mokyro Ritonõpo nenyokyhpyry oturũko ro nexiase, ynara tykase ynororo: — Morara ahtao, Ritonõpo nenyokyhpyry Mikeu owõnõko mana, Ritonõpo poetory tõ ewomaneme exikety. Etuarimãko mã toto yronymyryme, moro etuarimatoh panõ exipitopyra mana, ahno exipitory poe. Yrome morara ahtao ro typynanohsẽme exĩko mã toto emero esetykõ tymerose Ritonõpo papẽ pokona.

Ozeja 2:18

— Moro ẽmepyry toehse ahtao jomiry etapõko ase onokyro tomo a, torõ tomo a te, okoi tomo a roropa ypoetory tõ onesekara toto ehtohme. Taky tõ pyrou roropa itahkãko ase warata tomo, tapema tõ roropa oseosetapara toto ehtohme. Ypoetory tõ osepeme exĩko mã toto, towomasẽme exĩko roropa mã toto.

Ozeja 2:20

Amonohkara exĩko ase oniome. Ywy Ritonõpo, ya rokẽ osekarõko roropa mase.

Ozeja 6:11

Ẽmepyry tymenekase ya, moro ae Juta tõ roropa wãnohnõko ase.

Joeu 2:21

“Tupito tomo, enaromyra ehtoko, atãkyematoko, ynyrihpyry imehxo ehtoh pokoino! Ywy ase Ritonõpo.

Mikeja 4:9

Jerusarẽ, oty katohme xitãko mah nohpo samo aenururuhtao jetũ toehse ahtao? Tutuisake pyra toehse matou? Tamorepaneke pyra roropa hmatou?

Zakaria 3:10

Moro ẽmepyry ae amarokõ emero oepe tõ eahmãko matose katonõ maro oximõtohme, oseahmatohme uwa zoko tõ zopino, wikeira tõ zopino roropa. Ywy Ritonõpo, Jamihmehxo Exikety, oturuno.”

João 12:15

Ynara tykase Ritonõpo pake: “Emynyhmara ehtoko, Jerusarẽ põkomo. Okynã pyra oesẽkõ mã oehnõko. Jumẽtu pitiko po oehnõko mana,” me tymerose Ritonõpo omiryme pake.