Jeremia 3:6 - Ritonõpo Omiry: A Bíblia Sagrada na língua Aparai do Brasil

⁶ Mame tuisame Joxia ahtao ynara tykase Ritonõpo ya: — Izyraeu nyrihpyry enẽko mah? Imeimehnõ poko exiketyme sã mã mokyro. Ypy tõ kae exiketõ emero pona tõnuhse ynororo imehnõ poko toehtohme, wewe tõ myhtokoxi roropa, emero, jerutume ahtao.

Jeremia 3:6 ပူးပေါင်းရင်းမြစ်များ

1 Tuisa 14:23

Tynyrityã eahmatoh tyrise eya xine, Ritonõpo kara eahmatohme. Topu tõ sokohme tyrise eya xine, Asera enetupuhtoh roropa, eahmatohme, ypy tõ po te, wewe konõto zerutumã po, enara.

2 Koronika 34:1

8me jeimamyry nae Joxia kynexine tuisame toehse ahtao Juta tõ esẽme. Mame 31me jeimamyry taropose eya tuisame ehtoh poko Jerusarẽ po.

Saumu 106:39

Morohne riryke eya xine popyra toehse toh kynexine ipunaka. Nuriame toehse toto Ritonõpo a imeimehnõ poko exiketõ samo, aomiry onymoipyra toh kynexine.

Izaja 57:3

Ynara ãko Ritonõpo mana: “Osehtoko xiaro tapiakase oehtohkõme, iirypyryme exiketomo, joroko poko exiketomo, imeimehnõ nohpo poko exiketomo, imeimehnõ orutua poko exiketõ roropa!

Izaja 57:7

Ypy tõ kae exiketõ pona ytõko matose, onekarorykõ zahkatohme oneponãmarykõ eahmaryme te, imeimehnõ poko oehtohkõme, enara.

Jeremia 1:2

Ritonõpo omiry totapitose Jeremia a 13me jeimamyry taropose ahtao Joxia a tuisame toexiry poko Juta tõ esẽme. Joxia kynexine Amõ mũkurume.

Jeremia 11:10

Toeramase ropa toto tytamurukõ rypyry poko toto ehtohme, ynyripohpyry omipona se pyra toehse toto, imehnõ neponãmarykõ toahmase roropa eya xine. Izyraeu tomo Juta tõ maro ynetapohpyry omipona pyra toehse mã toto, ynekarohpyry itamurukomo a.

Jeremia 17:2

Opoenõ roropa wenikehpyra mã toto oneponãmary kyryry apoto apõ tõ poko, wewe xikihme exiketõ roropa oneponãmary Asera eahmatohme wewe tõ myhtokoxi te, somohmã emory po,

Jeremia 3:8

Juta tuaro roropa mana Izyraeu rumekatopõpyry poko ya, mokyro aropotopõpyry poko ya, turumekase jehtopõpyryke eya, imeimehnõ poko toehtohme. Yrome Juta, zakorony, zae pyra exiketyme, enaromyra nexiase. Imeimehnõ poko toehse ynororo roropa,

Jeremia 31:22

Jẽxiryme jomiry omipona pyra exikety sã matose. Otara ahtao jenetupuhpyra oehtohkõ rumekãko matou? Ywy Ritonõpo tyorõ sã yriase sero nono po, orutua ewomãko nohpo mã rahkene.”

Jeremia 5:11

Yrypome toehse Juta tomo Izyraeu tõ maro jarao, imehnõ neneryme. Towokase ywy eya xine. Ywy Ritonõpo oturũko ase.”

Jeremia 7:24

Yrome otato pyra toh nexiase, jomiry omipona pyra. Yrome putupyra exiketõ sã typenetatohkõ xihpyry poko toehse toh nexiase. Naeroro kurãkõ anapoipyra tokurehse toto, popyrahxo toehse toh nexiase.

Ezekieu 16:31

Onyrityã eahmatoh tyrise oya osema tõ etyhpyry po emero, apoto apõ tyrise oya toponãmasã eahmatohme, imeimehnõ maro oehtohme roropa. Yrome morohne poko mexiase tineru apoitohme pyra, imehnõ orutua poko exikety sã pyra mase.

Ezekieu 16:35

Morara exiryke, seromaroro etako pahne, imehnõ orutua kõ poko exikety, Ritonõpo omiry oya mana.

Ezekieu 20:28

tarose toto ahtao ya toto nonory pona, jomihpyry ae ro itamuru tomo a, ypy tõ tonese eya xine kae exiketomo te, wewe konõto roropa, moroto tynekarorykõ tyahkase eya xine. Toto zehno tyripose ywy eya xine tynekarorykõ zahkatopõpyryke, eukuru roropa tynenepyhpyrykõ ke.

Ezekieu 23:11

— Morarame morohne emero tonese ahtao ro Ooripa a, imeimehnõ orutua kõ poko toehse ynororo, typaxiry samo. Imotye roropa toehse ynororo, ehxiropyra exiketyme zae pyra toehtoh poko.

Ezekieu 23:4

Osemazupu esety Oora (Samaria esetyme) kynexine, zakorõ Ooripa kynexine (Jerusarẽ esetyme). Typytase ywy toto maro asakoro ro, toemũkuase toto ypoenõme.

Ozeja 11:7

Ypoetory tõ putupyra sã rokẽ mã toto, jomiry omipona pyra; morara exiryke tarosẽme exĩko mã toto epetõkara a, tynamoto tõme. Imehnõ toto onypynanohsaromepyra exĩko mã toto.

Ozeja 4:13

Okyno tõ zahkãko mã toto tynekarorykõme imehnõ apoto apõ po ypy tõ emory po. Moroto ixtaratu zahkãko mã toto wewe karawario tõ zopino, imehnõ wewe tõ myhto roropa zaryje exikety, jerutũme kure exiryke. — Moro sã oẽxiry tõ imeimehnõ poko exipitõko mã toto, omũkurukõ pyxiã roropa imehnõ poko exĩko mã toto.

Juize 2:17

Yrome mokaro juize tõ omiry onetara toh kynexine. Ritonõpo omihpyry omipona pyra toh kynexine. Imehnõ neponãmary eahmary poko toh kynexine. Jũkõ Ritonõpo omihpyry omipona kynexine toto. Yrome mokaro ipoenõkomo, Ritonõpo omipona pyra toehse toto.