Jeremia 3:25 - Ritonõpo Omiry: A Bíblia Sagrada na língua Aparai do Brasil

²⁵ Sosekarotone iirypyryme toehse kuexirykõ poko; ehxirõko sytatose yronymyryme. Moino touse kuehtopõpyrykõ poe Ritonõpo a Ejitu poe kyyrypyrykõ poko sexiatose, kytamurukõ maro, Ritonõpo omipona pyra sexiatose.

Jeremia 3:25 ပူးပေါင်းရင်းမြစ်များ

Saumu 106:6

Popyra toehse kymarokomo, zae pyra ipunaka; iirypyryme toehse sytatose, kytamurukõ samo.

Saumu 106:7

Ejitu po kytamurukõ ahtao onenetupuhpyra toh kynexine Ritonõpo nyrityã kurã poko. Tuenikehse toh kynexine tahxime typyno xine Ritonõpo ehtopõpyry poko, aomipona pyra toehse toh kynexine tuna konõto Tahpiremã po.

Saumu 109:29

Ah jepetõkara typoremãkasẽme nexĩ toto, aehxirotohkõme, upo amururu sã imehnõ emero neneryme, ah nehxirõ toto.

Porowepio 13:18

Otato pyra ahno ahtao tupokase ahtao tỹkyryneke pyra exĩko mana, tyhxirosẽme exĩko mana, yrome otato exikety tupokase ahtao, ahno kurã mokyro, ãko mã toto ipoko.

Porowepio 5:13

Jamorepananõ onetara exiase, otato pyra rokẽ exiase.

Izaja 48:8

Ajohpe oehtohkõ waro exiase; onekunohtõme mexiatose oenurutopõpyry poe ro. Morara exiryke sero poko onetapitopyra mexiatose, moino ro zuaro pyra mexiatose senohne ehtoh poko.

Izaja 50:11

Enetoko ke amarokomo imehnõ enahkapory poko atamorepaketomo, osenahkapõko rokẽ matose onyrihpyrykomo a. Ynara tyripõko Ritonõpo mana awãnohtohkõme; sam katoh konõto oeraximatorỹko mana.

Jeremia 11:13

Juta tomo tyneponãmarykõ tuhke nae, typatarykõ punero. Mame tynekarorykõ zahkatohme apoto apõ tyrise Jerusarẽ põkomo a pata esemary tõ punero mokyro toponãmasã nuriame exikety Paau eahmaryme.

Jeremia 12:13

Tiriiku puhturu tarykase ypoetory tomo a, omoxino rokẽ tapoise eya xine; toerohse toto itamurume repe, yrome epehpyry anapoipyra tokurehse toto. Toto zehno yronymyryme jexiryke tonahsẽ anapoipyrahme sã toehse mã toto.”

Jeremia 14:20

Ritonõpo iirypyryme toehse ynanase oneneryme: yna rypyry ekarõko ynanase oya, yna tamuru tõ rypyhpyry roropa.

Jeremia 14:7

Ypoetory tõ ynara ãko mã toto: “Ritonõpo, yna Esemy, yna hxirõko yna rypyry tõ mana, yrome: ‘yna akorehmako õmihpyry ae ro yna a.’ Tuhke rokẽ kurumekatose, yna rypyry poko toehse yna oneneryme.

Jeremia 2:17

“Izyraeu tomo, oorypyrykõ pokoino morara toehse oya xine. Kurumekatose, Oesẽkomo, Orihpõkomo, oesemarykõ ae aarorykohtao ya.

Jeremia 2:19

Popyra oehtopõpyrykõ awãnohtorỹko mana, Tuãnohsẽme exĩko matose turumekase oya xine jexiryke. Tuaro exĩko matose popyra jurumekary ehtoh poko oya xine, itunetyme exikety sã mana Oesẽkõ Ritonõpo rumekary oya xine, jomiry omipona pyra oexirykomo, enara. Ywy, Oesẽkomo Ritonõpo Jamihmehxo Exikety, oturũko ase.”

Jeremia 2:2

tõmiry ekarotohme Jerusarẽ põkomo a ynara kase: “Ypoetory tomo, wenikehpyra ase poetome oehtopõpyry poko. Zae mexiatose ymaro rokene, yse mexiatose erẽnasenãme kuahtao! Wenikehpyra ase jekahmatopõpyry poko oya xine ona tonorẽ poro, tupito tõ pyra aexihpyry poro.

Jeremia 2:26

Ynara ãko Ritonõpo mana: — Omato tapoise ahtao ehxirõko mana. Mokyro sã Izyraeu tõ ehxirõko mã toto: amarokõ emero, otuisarykõ maro, tuisa mũkuru tõ maro te, Ritonõpo maro oturuketõ maro te, urutõ kõ maro.

Jeremia 20:18

Oty katoh jenuruase? Otarame tãkye pyra jehtohme rokene, jetũ roropa jehtohme, orihtohme roropa yporemãkatopõpyry ke.

Jeremia 22:21

Tõturuse Ritonõpo oya kure ro awahtao etuarimara awahtao, yrome etary se pyra mexiase. Moro sã mexiase moino ro poetome awahtao, toipe mexiase Ritonõpo omipona pyra.

Jeremia 3:13

Zae pyra oehtohkõ enetupuhtoko, Ritonõpo Oesẽkõ omipona pyra oehtopõpyrykõ ekarotoko. Osekarotoko: wewe tõ emero myhto imehnõ neponãmary toahmase oya xine, wewe jerutume ahtao, jomiry omipona pyra mexiatose. Ywy, Ritonõpo, oturũko ase.

Jeremia 31:19

Turumekase yna a omoro, yrome okynã pyra yna rypyhpyry rumekary se toehse ropa ynanexiase. Tuãnohse yna ahtao oya, tupue toehse yna emynyhmaryke popyra ynanyrihpyry pokoino nuaseme ro yna ahtao.’

Jeremia 6:26

Ynara ãko Ritonõpo typoetory tomo a: — Oemynyhmaryme upo amurutoko kamisa topuxiximã risemy, oporohtoko oruno pona. Oxitatoko omũkuru hnamory samo, toirono; xitatoko oehsasaka oenahkaponekõ exiryke.

Jeremia 7:19

Yrome otarame rokẽ jyhtomãko mã toto. “Arypyra! Jyhtomara mã toto,” ãko ase. Atapurõko mã toto, imeĩpo ehxirõko mã toto.

Jeremia 8:14

— Oty katohme tehme rokẽ sytatou? ãko Ritonõpo poetory tomo. — Ehmaropa tururume pata tõ pona, tapuruse exiketõ pona, moroto orihtohme. Kuorihmapotorỹko Ritonõpo Kuesẽkõ mana. Tuna tokarose eya kuokurukõme opi orihmato maro tyyrypyhpyke toehse kuexirykõke, aomiry omipona pyra.

Jeremia 9:18

Ahno ynara ãko: “Axĩ ke eremiaketõ enehpotoko, eremiatohme emynyhmatoh poko ynanetaryme, yna enuru pehkatohme yna xity ke, tuna tũtatohme yna enuru ae, yna xitaryme!”

Ramẽtasão 5:16

Yna epyrypatopõpyry emero tonahkase ipunaka, iirypyryme toehse yna exiryke, tuãnohse ynanase yna rypyry epehpyryme.

Ramẽtasão 5:7

Yna tamuru tõ iirypyryme toehse toh nexiase, toorihse mã toto, yna etuarimãko popyra mokaro ehtopõpyry pokoino.

Ezekieu 2:3

— Ahno mũkuru, aaropõko ase Izyraeu tomo a; Tosẽkõme turumekase ywy eya xine, toeramase toto jomiry omipona pyra. Moro saaro mã toto seromaroro, jomipona pyra, tytamurukõ ehtopõpyry sã mã toto.

Ezekieu 36:32

Izyraeu tomo, zuaro oexirykõ se ase, sero onyripyra ase opyno xine jexiryke. Oehxirorykõ se ase onyrityãkõ poko, ihxipỹke roropa, morohne poko awahtao xine. Ywy, Ritonõpo Oesẽkõ, oturuno.”

Ezekieu 44:13

Erohpyra exĩko mã toto oturuketõme, ykyryry kurã poko pyra exĩko mã toto, upũtokoxi oehpyra mã toto. Jesary Kurã Kuhse pona omõpyra roropa mã toto. Toto wãnohtoh tynyrihpyrykõ xihpyry emetakame ynara mana:

Ezekieu 7:18

Upo amurũko mã toto topuxiximã kamisa risemy toemynyhmaryme, enaromỹke tykytyky ãko mã toto pyrou zoko exipỹ samo. Zũsetykõ isahkahpyry sã exĩko mana, ehxirõko roropa mã toto emero porehme.

Tanieu 12:2

Aorihtyã tuhke isene exĩko ropa mã toto: tuhkãkõ jũme orihpyra ropa ehtohme, imehnõ tuãnohsẽme exĩko mã toto jũme etuarimatoh tao.

Ozeja 9:10

Ynara tykase Ritonõpo: — Izyraeu eneryhtao ya apitoryme, tãkye toehse ywy, uwa epery enery samo ahtãko ona po. Atamurukõ tonese ya ahtao, tãkye exiase tonahsẽ fiku tõ apitorymãkõ enery samo toehse toto ahtao. Yrome ypy Peoa pona toeporehkase toto ahtao, imehnõ neponãmarykõ Paau toahmapitose eya xine, nuriame toehse toh nexiase, tyneponãmake xihpyryme exikety samo.

Sowonia 1:17

Ynara ãko Ritonõpo mana: — Popyra ehtoh tuhke rokẽ enehpõko ase ahno pona, wazawazame ytoytõko mã toto tonurãkarame exiketõ samo. Mokaro iirypyryme toehse toh nexiase jomihpyry omipona pyra. Morara exiryke imunuru tukuãsẽme exĩko tuna samo. Ekepyry tõ tomasẽme exĩko mã toto typahsẽ sã rokene.

Romanos 6:21

Morara exiryke otyme kure oya xine oorypyrykõ poko oehtopõpyrykõ nae? Arypyra. Oorypyrykõ poko oehtopõpyrykõ poko ehxirõko matose seromaroro. Tyyrypyry poko exiketõ toorihse ahtao, ameke rokẽ exĩko mã toto Ritonõpo a jũme, tyyrypyrykõ epehpyryme.

Juize 2:2

Naeroro õmirykõ onetapopyra ehtoko sero nono põkomo a. Inyrihpyrykõ apoto apõme ikararahtoko ipahtohme,” ase oya xine repe. Yrome jomipona pyra mexiatose. Enetoko ke onyrihpyrykomo!