Jeremia 3:19 - Ritonõpo Omiry: A Bíblia Sagrada na língua Aparai do Brasil

¹⁹ Ynara tykase Ritonõpo: “Izyraeu tomo, umũkurume orirykõ se exiase, nono kurã ekarory se roropa exiase oya xine, imepỹ nono motye nono kurano ipunaka. ‘Papame, ykohmary se exiase oya xine,’ jũme jurumekara ropa oehtohkõme.

Jeremia 3:19 ပူးပေါင်းရင်းမြစ်များ

Saumu 106:24

Moromeĩpo aomihpyry zae exiry onenetupuhpyra toexirykõke Kanaã pona tomomyry se pyra toehse toh kynexine, nono kurã pona.

Saumu 16:6

Kure rokẽ jyrĩko mase! Onekarory kurã poko tãkye rokẽ ase, osenuruhkãko ase!

Saumu 89:26

Mame ynara ãko ya mana: ‘Omoro mase papame ya, Ritonõpo Jesemy, topuimome mase ypynanohneme.’

Porowepio 3:35

Tuaro exiketõ tuisamehxo exĩko mã toto, yrome tuaro pyra exiketõ itamurumehxo ehxirõko mã toto.

Izaja 63:16

Papame oexiryke yna a. Yna tamuru Aparão te, Jako roropa yna onenetupuhpyra exiry repe, yrome omoro Ritonõpo yna zũme mase, yna Pynanohneme moino exikehpyra oesety mana.

Izaja 64:8

Yrome omoro papame mase, Ritonõpo yna Esemy. Orinome ynanase, oripo rineme mase, yna emero onyrityãme ynanase,

Jeremia 12:10

Tuhke rokẽ kowenatu tõ a imehnõ nonory poe ynarykahpyry uwa zoko tõ tonahkase, utupi tõ tytũtũmase toto, ynonory tõ kurã patãpome tyrise eya xine.

Jeremia 3:17

Morara ahtao esehpatoh toehse ahtao Jerusarẽ esehpãko mã toto “Kuesẽkõ apõme”. Mame imehnõ nonory põkõ emero oximõnõko mã toto jeahmatohme, moroto. Morotoino typenetatohkõ onyripyra exĩko mã toto, zae pyra ehtoh poko pyra exĩko roropa mã toto.

Jeremia 3:4

— Mame seromaroro ynara ãko mase ya: “Omoro mase, papa; poetome jehtopõpyry poe ypyno mase.

Jeremia 31:20

“Izyraeu tomo, amarokõ matose umũkurume nupunato, opyno xinehxo ase ipunaka. Oesehtoryhtao ya opoko osenetupuhnõko ase, opyno jexiryke. Ukurohtao oeahmary se ase, awãnohpyra exĩko ase rahkene. Ywy Ritonõpo oturuno.

Jeremia 31:9

Mokaro enepyryhtao ya, oehnõko mã toto xitãko, oturũko roropa ya. Toto arõko ase tuna ehpikoxi iporiry tõ pona, osema kuraraximã poro, moroto osetapara exĩko mã toto. Izyraeu tõ zũme ase, Eparaĩ umũkurume mana osemazuhme aenuruhpyryme.”

Jeremia 33:9

Jerusarẽ poko tãkye exĩko ase, imehxo jyrĩko mã toto, epyrypãko ase toto poko. Imeimehnõ nonory põkõ enaromỹke exĩko, tykytyky ãko mã toto Jerusarẽ põkõ kurãkary poko ya etaryke tyya xine te, tymõkomoke toto riry poko ya etaryke roropa tyya xine.

Jeremia 5:7

Ynara ãko Ritonõpo, ekaropõko: “Oty katohme ypoetory tõ rypyry korokãko ha? Turumekase ywy eya xine. Imehnõ neponãmary eahmãko mã toto, ajohpãkomo. Ypoetory tõ tonahpase ya, tuesapare toto ehtoh pona. Yrome imehnõ poko toehse toh nexiase, imeimehnõ poko exiketõ maro toehse toto.

Ezekieu 20:6

Morarame ynara ase eya xine: Aarotorỹko ase taroino Ejitu poe imepỹ nono pona, ynymenekahpyry pona oesarykõme ehtohme, nono kurano, otyro zamaro exikety, emero motye nono kurãme exiketyme.

Tanieu 11:16

Typenetatoh rĩko Xiria tuisary mana Ejitu tõ soutatu tomo a, etypohkaponanõ pyra exĩko mana. Omõnõko mã toto Izyraeu tõ nonory pona Ritonõpo nymenekahpyry pona typoetory tõ nonoryme. Moro nono poremãkãko mana porehme.

Tanieu 11:41

Omõnõko roropa mokyro mana Ritonõpo nekarohpyry pona, Izyraeu tõ nonory pona. Tuhke miume ahno etapãko mã ynororo; yrome Etõ tõ osewomãko mã toto te, Moape tõ roropa te, Amõ tõ roropa, enara.

Tanieu 11:45

Mame osesarĩko mana irãnao tuna Metiteraneu maro ypy kurã Ritonõpo esary maro. Yrome orihnõko mana, takorehmaneke pyra exĩko mana ipynanohtohme.

Tanieu 8:9

Mame toiro iretyry wino tutũtase imepỹ iretyry pitiko, tuãtase ynororo ikurenaka te, xixi tũtatoh wino roropa te, Nono Kurã winakoxi, enara.

Ozeja 11:8

“Izyraeu tomo, orumekarykõ se pyra ase! Orumekasaromepyra xine ase! Oenahkaposaromepyra xine ase, Atama enahkapotopõpyry sã ya! Orisaromepyra xine ase Zepoĩ ritopõpyry sã ya, tonahkase ahtao ya! Opyno xine jexiryke oenahkaposaromepyra xine ase. Opyno xine jehtoh exikehpyra mana.

Karaxia 3:26

Seromaroro Ritonõpo poenõme toehse matose, Imũkuru maro, Jezu Kyrixtu enetuputyryke oya xine.

Epezu 1:5

tumũkurume kyrirykõ poko tõsenetupuhse Ritonõpo pake Tumũkuru orikyry poko. Tumũkurume kyritone tãkye toehtohme kypoko xine tõsenetupuhtopõpyry ae ro.

Teuteronomiu 14:1

Ynara tykase Moeze ahno a: — Ritonõpo Oesẽkõ poenõme matose. Naeroro aorihtyã hnamoryhtao oya xine, opihpyrykõ onysahkara ehtoko, oũsetykõ onysahkara ehtoko roropa, imehnõ nyriry samo,

Epereu 10:39

Imehnõ mã Kuesẽkõ rumekãko mã toto. Osenahkãko toh mana. Mãpyra enetuputyryke kyya xine typynanohse sytatose Ritonõpo a. Kuarotorỹko roropa mana tymaro kuehtohkõme.

1 Peturu 1:17

“Papa,” ãko matose, õtururukohtao Ritonõpo maro. Yrome sero põkõ apiakaneme ynororo. Zae kuepehmatorỹko mana kynyrihpyrykõ eneryke tyya. Zae exiketõ epehmãko mana zae toehtopõpyry epehpyry ke. Yrome tyyrypyry poko aexityã epehmãko etuarimatoh ke iirypyrykõ epehpyryme. Naeroro aomipona ehtoko sero nono poro awahtao xine.