Jeremia 28:13 - Ritonõpo Omiry: A Bíblia Sagrada na língua Aparai do Brasil

¹³ — Ritonõpo ynara tykase: “Kãka tytahkase oya, wewe risemy, yrome imepỹ rĩko ase imyakãme, kurimene risẽme.”

Jeremia 28:13 ပူးပေါင်းရင်းမြစ်များ

2 Koronika 10:11

Papa nyrohmanohpotopõpyry oya xine omoxinety sã nexiase repe. Yrome ywy moro motye orohmanohpotorỹko ase, omoxihxo kuhse. Ynoro opipokuase ahno pipohtoh ke. Ywy pui pipohtoh ke opipohtorỹko ase,” tykase toto Ropoão a.

Saumu 107:16

Omõtoh apuru tõ tahkãko mana metau risemy, ikyryry kurimene risẽ kararahnõko roropa mana.

Saumu 149:8

ituisary tõ myhtohme keti tõ ke, kowenu poko erohketõ roropa kurimene risẽ keti tõ ke;

Izaja 45:2

“Ywy roro osemazuhme ytõko ase, ypy tõ pipahmãko ase oesemaryme, emorymãkõ roropa; pata tõ omõtoh tonõ metau risẽ tahkãko ase te, kurimene risẽ roropa.

Jeremia 27:15

Ritonõpo ro Kuesẽkõ ynara tykase toto poko: mokaro anaropopyra exiase; ajohpe oturũko mã toto Ritonõpo omiryme samo. Imeĩpo ynara exĩko: ononorykõ poe aaropotorỹko mana, mame amarokõ maro urutõ kõ ajohpe exiketõ orihnõko matose.

Jeremia 27:2

Wewe tyripose ya kãkame, imyhtoh ke pui pihpyry risemy, tyritohme ypymyry pona.

Ramẽtasão 1:14

“Yyrypyry tõ emero oximõme tyripose eya tymyhse sã toto ehtohme, ypymyry pokona, omoxinety samo. Tapotũkehse ywy. Tokarose ywy eya jepetõkara a, toto onyporemãkasaromepyra exiase.

Ramẽtasão 2:14

Urutõ kõ a ajohpe rokẽ enepotoh tokarose oya xine oenekunohtohkõme. Jarao oorypyrykõ tonepose ahtao eya xine ohxirotohkõme, tyoro sã oehtohkõ exiry seromaroro, kurehxo exiry oya xine. Mokaro urutõ komo a tonekunohse mexiatose, ajohpe toto omiry ke.

Ezekieu 30:18

Ejitu jamitunuru tonahkase ahtao ya, orẽpyra aehtopõpyry tonahkase ahtao roropa, moro jamitunuru poko toepyrypase toto exiryke, xinukutume kohmãnõko pata Tapane po. Akurume exĩko Ejitu po, pata tõ põkõ emero tarosẽme exĩko imehnõ nonory pona namotome.

Teuteronomiu 28:48

oepetõkara namotome exĩko matose, Ritonõpo nenehpory oya xine oporemãkatohme. Omise exĩko matose, tuna se zehnãko matose, tupoke pyra exĩko matose, emero se exĩko matose. Yronymyryme orohmanohpõko Ritonõpo mana oenahkarykõ pona.