Jeremia 27:5 - Ritonõpo Omiry: A Bíblia Sagrada na língua Aparai do Brasil

⁵ — Ywy, yjamitunuru ke, tyriry waro jexiryke sero nono rine, ahno maro onokyro tõ maro okyno tõ maro isene exiketõ emero sero nono po; morohne ekarory se jahtao ekarõko ase imehnomo a.

Jeremia 27:5 ပူးပေါင်းရင်းမြစ်များ

Jenexi 1:25

Onokyro tõkehko tyrise Ritonõpo a inunomo te, pisararano, emero rokẽ tyrise eya, okyno tõkehko roropa, isene exiketõ emero. Mame tynyrityã eneryke tyya Ritonõpo zamaro inyrityã kynexine.

Jenexi 9:6

Ritonõpo ehtoh sã ahno tyrise exiryke ahno etapahpõ, totapaposẽme exĩko roropa mana imehnomo a.

Extara 1:2

— Ywy, Xiro, Perexia esemy ynara ãko ase: “Ritonõpo, Kapu Esẽ omi poe, sero nono põkõ kowenatume ase, emero porehme. Tõmihpyry tokarose ya Tytapyĩ ritohme Jerusarẽ po, Juta nonory po.

Neemia 9:22

“Oya ahno typoremãkapose eya xine, tuisa konõto tomo, katonõ nonory, tosarykõ ehpiõ po, Hexipõ nonory typoremãkase Izyraeu tomo a, tuisa Seõ nonory roropa, Pasã nonory roropa, moroto Oke tuisame ahtao.

Saumu 102:25

Pake ahtao sero nono tyrise oya, oemary ke kapu tyrise roropa oya.

Saumu 96:5

Imehnõ nonory põkõ ritõ kõ, ineponãmarykõme rokẽ mã toto, yrome kapu rihpõme Ritonõpo mana.

Exutu 20:11

6me ẽmepyry taropose ya, Ritonõpo, kapu riry poko, nono roropa, tuna konõto te, kana tõkehko maro. Yrome 7me aehtoh po tõseremase ywy. Morara exiryke ẽmepyry 7me aehtoh tyrise ya kurãme. Sero tapiakase ya ẽmepyry kurãme ehtohme.

Exutu 6:6

Naeroro ynara kahtoko Izyraeu tomo a: “Ywy ase Oesẽkomo. Opynanohtorỹko ase otuarimatohkõ wino Ejitu po. Yjamitunuru ke Ejitu põkõ wãnohnõko ase yronymyryme. Opynanohtorỹko ase.

Izaja 42:5

Kapu tyrise Ritonõpo a, myahxo rahkene; sero nono tyrise roropa eya itaõkõ maro emero porehme, isene ahno tyrise eya oserematohme. Seromaroro ynara ãko mã ynororo typoetory a:

Izaja 44:24

Kuesẽkõ, Izyraeu tõ Pynanohne, ynara ãko: “Ypoetory tomo, ywy ase Orihpõkomo; enurupyra ro awahtao xine kyriatose. Toiroro, senohne emero Rihpõme ase; myahxo kapu yrine te, sero nono yrine roropa, takorehmaneke pyra.

Izaja 45:12

Ywy ase sero nono Rihpono porehme, ahno tyrise ya isene ehtohme sero nono po. Jemary ke kapu yrine mya, xixi tyripose ya, nuno roropa, xirikuato tõ maro aosenetohme.

Izaja 48:13

Jemary ke sero nono esaka yrine, kapu mya yrine roropa. Tyripose ya, mame senohne emero toehpitose rahkene.

Izaja 51:13

Wenikehnõko matose ywy Orihpõkõ poko; ya kapu tyrise myahxo, sero nono roropa. Enaromyra ehtoko ozehno xine orohmanohponanõkõ poko, oenahkaporykõ se exiketõ poko. Oryhmapozomosaromepyra xine toehse ozehnotokõ mana.

Jeremia 27:4

Ritonõpo Jamihmehxo Exikety, Izyraeu tõ Esemy jaropoase mokaro ẽpaixatoa tomo a, tõmiry aropotohme eya xine tutuisary tomo a, ynara katohme:

Jeremia 32:17

— Ritonõpo Jesemy, ajamitunuru ke kapu tyrise oya nono roropa. Emero tupime pyra mana oya.

Jeremia 51:15

Tyjamitunuru ke sero nono tyrise Ritonõpo Kuesẽkomo a. Zuarohxo toexiryke emero tyrise eya sero nono po. Tuarohxo toexiryke kapu tyrise eya tapyi riry samo.

Tanieu 2:38

Ritonõpo nekarohpyryme tuisa konõtome mase sero nono põkõ tuisaryme porehme te, onokyro tõ esẽme te, torõ tõ esẽme roropa. Omoro mase, mokyro zupuhpyry uuru risẽ samo.

Tanieu 4:14

Ynara tykase sã ynororo opore: ‘Moro wewe akohtoko, amoriry tõ ihkohtoko, zarỹkatoko ipahtohme, epery tõ roropa ipahtoko. Onokyro tõ erehtoko, oseremaketomo jerutumã po exiketomo, torõ tõ roropa erehtoko amoriry tõ po exiketomo.

Tanieu 4:17

Moro mã Ritonõpo nyripohpyryme mana, tokarose inenyohtyamo a, sero nono põkõ enenanõ kapu poe, zuaro emero ehtohme, Ritonõpo Kapu Esẽ rokẽ tuisa tõ emero esẽme mana sero nono po. Tynymenekatyamo a tuisame ehtoh ekarõko mana, tuisame pyra toto ahtao ro ipunaka.’

Tanieu 4:22

— Moro wewe opoko enetupuhtoh nexiase. Tuisamehxo toehse mase, jamihme roropa. Pata tõ esẽme mase sero nono etyhpyry pona, kapu pona sã roropa.

Tanieu 4:25

Atapyĩ tae aaropõko mana, mya ahno winoino, onokyro tõ rãnao exĩko mase. Pui sã onahpoty enahnõko mase, jarao rokẽ nyhnõko mase, axitaku oehxikãko mana. Morara exĩko mase 7me jeimamyry pona, Ritonõpo Imehxo ehtoh enetuputyry ponãmero oya. Tuisa tõ Esẽme mana, emero sero nono põkomo, tuisame orutua rĩko roropa mana, ise tahtao.

Tanieu 5:18

Omy Napukotonozo tuisame tyrise Ritonõpo Imehxo Exikety a. Eya omy tyrise jamihmehxo, orẽpyrahxo, tuisamehxo, enara.

Atos 14:15

— Oty katoh pui zahkãko matou? Ahno rokẽ ynanase, ritõ kara. Ritonõpo omiry ekarose ynanoehno oya xine, oorypyrykõ rumekatohme oya xine. Ritonõpo omipona rokẽ oexirykõ se ynanase. Ritonõpo mokyro kapu rihpono, nono roropa, tuna roropa, kapuaõkõ roropa, nono põkõ roropa, nakuaõkomo, enara. Emero tyrise Ritonõpo a, tykase Pauru eya xine.

Atos 17:24

Ritonõpo mokyro Kyrihpõkomo, nono Rihpõ roropa. Mokyro kapu esemy. Emero kuesẽkõme roropa mana. Naeroro tapyi tao nyhpyra mana, ahno nyrihpyry tao.

Atos 17:26

Toiro orutua wino kymarokõ emero tyrise eya ahnome, nono po kuehtohkõme. Kuenurutopõpyrykõ waro Ritonõpo mana, kuesarykomo, kuorikyrykomo. Emero zuaro mã Ritonõpo, tykase Pauru toto a.

Teuteronomiu 2:19

Amonita tõ nonory pona toeporehkase awahtao xine, Ro pakomotyamo, ananapoipyra ehtoko toto maro. Eya xine moro nono ekaroase. Naeroro moro nono onekaropyra exĩko ase oya xine ipunaka.”

Teuteronomiu 2:21

Tuhke toh nexiase pake, mosa exiketomo, jamihme roropa, anakĩ tõ samo. Yrome zanzumĩ tõ tonahkase Ritonõpo a. Mame inonorykõ amonita tõ nonoryme toehse, morotona toytose toto exiryke.

Teuteronomiu 2:7

— Wenikehpyra ehtoko, kure rokẽ amarokõ tyrise Ritonõpo a, Kuesẽkomo, oytorykohtao sero ona tonorẽ konõto poro, 40me jeimamyry. Opoko xine wenikehpyra toehse ynororo, opyno xine nexiase, ise oehtohkõ tokarose eya oya xine.

Teuteronomiu 2:9

Ynara tykase ropa Ritonõpo ya: “Osetapara ehtoko Moape tõ maro, Ro pakomotyamo, mokaro poko pyra ehtoko. Pata Ara ekaroase eya xine, inonorykõ onekaropyra ase oya xine ipunaka.”

Teuteronomiu 32:8

Ahno tapiakase ahtao Ritonõpo Imehxo Exikety a, nono tokarose eya xine esarykõme, tynenyohtyã tymenekase eya toto esẽme ehtohme.

Teuteronomiu 4:17

onokyro panono te, okyno roropa, torõ panono te,

Teuteronomiu 4:25

— Morarame tuhke jeimamyry taropose oya xine ahtao Kanaã nonory po, tamuhpõme toehse awahtao xine, typoenõke awahtao xine, typakomotyãke roropa, azahkuru pyra ehtoko, oneponãmarykõ onyripyra ehtoko. Moro poko iirypyryme exiry, popyra ipunaka, ozehno xine Ritonõpo exiry opoko xine.

Teuteronomiu 4:32

— Atamorepatoko pake ehtopõpyry poko, ahno ritopõpyry poe sero nono po. Imeimehnõ nonory po porehme ekaropotoko imehnomo a sero panõ tonese ahtao eya xine, sero panõ kurã poko otururu totase ahtao roropa eya xine.

Teuteronomiu 4:35

Morohne emero tonepose Ritonõpo a oya xine Ritonõpome toexiry waro oehtohkõme; imepỹ ritõ pyra mana, ynororo rokene.

Teuteronomiu 5:16

— “Kure rokẽ omykõ tyritoko, asakõ roropa kure rokẽ tyritoko, Ritonõpo Oesẽkõ nyripohpyry omipona. Moro sã awahtao xine okynã sã orihpyra exĩko matose, kure rokẽ exĩko roropa matose ynekarory po ononorykõme.

Teuteronomiu 9:29

Yrome opoetoryme mã toto, onymenekatyamo opoetoryme toto ehtohme, typynanohse toh nexiase oya Ejitu poe ajamitunuru ke orẽpyra oexiryke.”

Koroxi 1:16

Emero tyrise eya Tumy omi poe, kapuaõkõ tyrise eya, xixi, xirikuato tõkehko. Nono põkõ roropa tyrise eya Tumy jamitunuru ke, senohne otyro tõkehko. Osenehnõ tyrise roropa eya, joroko tõ tuisary, ahno tuisary, pata esã roropa, kutuisarykõ roropa, kowenu tõ roropa, enara. Emero tyrise eya Kyrixtu omipona ehtohme emero porehme.

Epereu 1:2

Morarame pake hkopyra kynoturune ropa Ritonõpo kyya xine Tumũkuru ae. Ynororo a sero nono tõkehko tyripose eya aporo, sero põkõ emero. Mame tymenekase ynororo Ritonõpo a emero esẽme ehtohme, sero nono põkõ esẽme, kapuaõkõ esẽme roropa, enara ehtohme.

Apokaripxi 4:11

“Yna esẽ mase Ritonõpo. Emero rihpõme mase. Ritonõpo imehxo mase, ãko ynanase oya emero porehme. Yna tuisary kurã mase. Yna esẽme roropa mase imehxo. Senohne emero tyrise oya okyryryme. Tyriry se oexiryke emero toehse mana. Isene exiketõ roropa toehse,” ãko toto.