Jeremia 27:12 - Ritonõpo Omiry: A Bíblia Sagrada na língua Aparai do Brasil

¹² Moro saaro tuisa Zetekia Juta tõ esemy a oturuase, ynara ase eya: — Osekaroko Papironia tuisary a. Ipoetoryme exiko papironio tõ poetoryme roropa, mame isene exĩko mase.

Jeremia 27:12 ပူးပေါင်းရင်းမြစ်များ

Porowepio 1:33

Yrome jomiry etaryhtao oya xine osewomãko matose. Towomaneke exĩko matose, torẽtyke pyra exĩko.

Jeremia 17:4

Ononorykõ rumekapõko ase oya xine, ynekarohpyry oya xine. Oepetõkara namotome oripotorỹko ase imepỹ nonory po, zuaro pyra oehtohkõ po, ozehno xine jehtoh apoto sã exiryke, jũme ezehpyra exiketyme mana.

Jeremia 21:9

Tehme rokẽ exiketõ taro, pata po orihnõko mã toto etonatoh tao, omise konõto ehtoh ke, tyrohsẽ ke, enara. Yrome otũtarykohtao eya xine, osekaroryhtao Papironia põkomo a, sero pata apurunanomo a orihpyra exĩko matose; osepynanohnõko matose isene rahkene.

Jeremia 27:8

— Yrome ahno nae ahtao Papironia tuisary poetoryme toexirykõ se pyra ahtao, aomiry omipona se pyra roropa toto ahtao, mokaro wãnohnõko ase etonatoh ke, omise konõto ehtoh ke, tyrohsẽ ke, enara. Mame etyhpyryme mokaro ahno enahkapõko ase Napukotonozo a. Ywy Ritonõpo oturuno.

Jeremia 28:1

Mame nuno 5mã po moro jeimamyry ae ro, 4me jeimamyry taropose ahtao Zetekia a tuisame toexiry poko, urutõ Hanania, Azua mũkuru tõturuse ymaro zara po, Ritonõpo Tapyĩ tao. Kipeão põme Hanania nexiase. Ynara tykase ynororo ya oturuketõ netaryme, ahno netaryme roropa,

Jeremia 28:2

Ritonõpo Jamihmehxo Exikety, Izyraeu tõ Esemy ynara ãko: — Papironia tuisary jamitunuru tytahkase ya.

Jeremia 38:17

Mame Zetekia a tõturuse ywy: Ritonõpo Jamihmehxo Exikety, Izyraeu tõ Esemy ynara tykase: — Tuisa Zetekia, osekaroryhtao oya Papironia tuisary akorehmananomo a oetapara exĩko mã toto, sero pata onyahkara exĩko roropa mã toto. Omoro, atapyĩ taõkõ maro isene exĩko matose.

Jeremia 42:11

Papironia tuisary zuno pyra ehtoko amaro xine jexiryke. Opynanohtorỹko ase, oewomatorỹko ase opoko xine pyra aehtohme. Ywy Ritonõpo oturuno.