Jeremia 26:16 - Ritonõpo Omiry: A Bíblia Sagrada na língua Aparai do Brasil

¹⁶ Mame tuisa tõ, kowenu poko erohketõ maro ahno maro ynara tykase oturuketomo a urutõ komo a roropa: — Mose orutua anaorihmapopyra ynanase tõturuse exiryke Ritonõpo Kuesẽkõ nekarohpyry rokene.

Jeremia 26:16 ပူးပေါင်းရင်းမြစ်များ

Exite 4:14

Mynyhme rokẽ awahtao serara ahtao, juteu tõ akorehmatoh enehpõko Ritonõpo mana kapu ae toto pynanohtohme; yrome orihnõko mase, omy tapyĩ taõkõ tonahkasẽme exĩko mana. Mãpyra otarame sero pokoino tuisa pytyme toehse mase oekyry tõ pynanohtohme, tykase Moatekai.

Saumu 94:16

Onoky towõse ymaro popyra exiketõ poremãkatohme? Onoky ymaro nexiase popyra ehtoh poko exiketõ akorekehkatohme?

Porowepio 16:7

Ritonõpo zamaro kuahtao xine, kuepetõkara rĩko mana kuepekõme.

Jeremia 26:11

Mame ynara tykase oturuketomo, urutõ kõ maro, tuisa tomo a, ahno a roropa: — Mose orihmapory se ynanase popyra tõturuse exiryke kypatarykõ poko. Aomiry metatou apanarykõ ke.

Jeremia 34:10

Atae toh nexiase tuisa tõ maro tamuximãkõ maro tynamoto tõ myhpokary ropa poko. Tõmirykõ totapose roropa eya xine jũme topehke pyra typoetoryme epereu tõ onyripyra ropa toto ehtohme. Tynamoto tõ tymyhpokase eya xine repe.

Jeremia 36:19

Mame ynara tykase toto eya: — Omoro, Jeremia maro otonẽtoko, oesary waro pyra imehnõ ehtohme.

Jeremia 36:25

Moro pape onyahkapopyra Eunatã tõ nexiase, Teraia maro, Kemaria maro repe, yrome otato pyra tuisa nexiase.

Jeremia 37:15

Tohne toehse toh nexiase, yzehno. Typipohse ywy eya xine, mame tapuruse ywy eya xine Jonata tapyĩ tao, tuisa papẽ meroneme exikety. Itapyiny ãpuruhpyryme tyrise nexiase.

Mateu 27:54

Morarame soutatu tõ esẽ moroto kynexine, typoetory tõ maro. Jezu enẽko toh kynexine aorikyry eraximãko. Nono kywyh kywyh kary tõkehko eneryke tyya tõserehse ynororo itamurume. Ynara tykase ynororo: — Ajohpe pyra ro rukuh nexiahse. Mose Ritonõpo mũkurume nymyry nexiahse, tykase ynororo.

Ruka 23:41

Zae tuãnohse sytase kyyrypyry epehpyryme. Yrome mose tyyrypyhpyke pyra mana, tykase eya.

Ruka 23:47

Mame Jezu orihtopõpyry eneryke tyya soutatu tõ esẽ ynara tykase: — To! Kure mase Ritonõpo. Imehnõ motye kuhse mase. Mose kure nexiase ipunaka. Tyyrypyhpyke pyra nexiase, tykase ynororo.

Atos 23:29

Yrome axĩ zuaro toehse ywy. Romano kowenu omihpyry poko mose onyhxiropyra toh nexiase, tytamuxiry tõ omihpyry poko rokene. Morara exiryke ẽmapory se pyra exiase ãpuruhpyry taka. Etapapory se pyra roropa exiase.

Atos 23:9

Morara exiryke toepanaikase toto tõtururukohtao imoihmãkomo. Mame Moeze omihpyry warõkõ towõse xikihme tõturutohme. Parixeu tõ kynexine. Ynara tykase toto: — Mose azahkuru pyra nase. Otarãme Ritonõpo nenyokyhpyry tõturuse mã imaro. Morara exiryke jehno pyra sehtone, Ritonõpo poetory zehno pyra, tykase toto.

Atos 25:25

Mose kure rokẽ ya, yrome jehno juteu tõ exiryke aropõko ase Roma pona, Ĩperatu maro aoturutohme, imaro tõtururu se aexiryke.