Jeremia 26:11 - Ritonõpo Omiry: A Bíblia Sagrada na língua Aparai do Brasil

¹¹ Mame ynara tykase oturuketomo, urutõ kõ maro, tuisa tomo a, ahno a roropa: — Mose orihmapory se ynanase popyra tõturuse exiryke kypatarykõ poko. Aomiry metatou apanarykõ ke.

Jeremia 26:11 ပူးပေါင်းရင်းမြစ်များ

Jeremia 18:23

Yrome zuaro mase, Ritonõpo, mokaro osenetupuhtohkõ emero porehme jetapatohme. Mokaro popyra ehtoh anakorokara exiko, iirypyrykõ onykorokara exiko. Mokaro emako nono pona typoremãse toto ahtao. Toto zuãnohko zehno oehtoh ke.

Jeremia 26:16

Mame tuisa tõ, kowenu poko erohketõ maro ahno maro ynara tykase oturuketomo a urutõ komo a roropa: — Mose orutua anaorihmapopyra ynanase tõturuse exiryke Ritonõpo Kuesẽkõ nekarohpyry rokene.

Jeremia 38:4

Mame mokaro tamuximãkõ toytose tuisa a, ynara tykase toto: — Mokyro orihmapory se ynanase. Moro sã aotururuhtao soutatu tõ konehmãko mana sero pata po; ahno emero jamihkehnõko mã toto. Mose imehnõ akorehmary se pyra mana, toto poremãkapory se rokẽ mana emero porehme.

Mateu 26:66

Otara ãko matou? tykase ynororo. Ynara tykase toto: — Iirypyryme mana. Taorihmaposẽme mana, tykase toto.

João 18:30

Ynara tykase juteu tuisary tõ eya: — Ajoajohpe pyra mose ro ahtao, oya onenehpyra ynanexiry, tykase toto.

João 19:7

Ynara tykase juteu tomo: — Yna tamuru omihpyry poe aorikyry se ynanase. Ritonõpo mũkurume tõsekarose exiryke aorihmapory se ynanase.

Atos 22:22

Morara kary etaryke tyya xine Pauru zehno toehse ropa toto: “Juteutõkara a aaropõko ase,” kary etaryke tyya xine. — Mose etapatoko! Popyra nase, tykase juteu tomo soutatu tomo a.

Teuteronomiu 18:20

— Yrome urutõ otururuhtao jomiry ekaroryme samo mokyro anaropopyra jahtao, orihnõko mana. Morararo urutõ otururuhtao ritõ panõ omiry ekaroryme taorihmaposẽme exĩko mokyro mana.

Juize 6:30

— Omũkuru enehko xiaro orihtohme, Paau kyryry, apoto apõ tykararahse exiryke eya, ritõ Asera kyryry maro.