Jeremia 23:9 - Ritonõpo Omiry: A Bíblia Sagrada na língua Aparai do Brasil

⁹ Urutõ kõ poko ynara tykase ywy: “Tãtasamase ywy ukurohtao jemynyhmaryme, tykytyky ãko ase. Ritonõpo Kuesẽkõ pokoino, aomiry kurã pokoino, toetỹse exikety sã ase, orutua sã ase eukuru itamurume tõse ahtao eya.

Jeremia 23:9 ပူးပေါင်းရင်းမြစ်များ

Saumu 60:3

Opoetory tõ tyrohmanohpose oya itamurume; eukuru jehnahpyry mekaroase yna a, toetỹse exiketõ sã ytoytõko ynanase.

Saumu 69:20

Jyhxirotoh pokoino sam ãko ase ukurohtao, tapotũkehse ywy jakorehmane oehpyra exiryke! Ypyno exikety toraximase ya repe, yrome arypyra, ypyno exikety pyra nexiase; jemuhkehkane oepyry toraximase ya repe, yrome oehpyra tokurehse.

Izaja 28:1

Popyra ehtoh oehnõko Samaria pona, typatarykõ kurã poko epyrypãko Izyraeu tõ etỹketomo. Pata kurã potu myhene jakanahmã kurã epoe! Apatary põkõ toetỹse mã toto, pata enekure ehtoh enahnõko mana ekuru aremamyry samo.

Izaja 29:9

Putuhtome exiketõ sã rokẽ ehtoko, ise awahtao xine! Tonurãkara sã roropa ehtoko ise awahtao xine! Eukuru jehnahpyry onẽpyra awahtao xine etỹtoko, rowohpã sã ytoytotoko!

Izaja 51:21

Jerusarẽ põkõ myhene! Aetỹtyã sã matose, yrome eukuru jehnahpyry ke pyra.

Izaja 6:5

Mame ynara ase: — Popyra ehtoh oehnõko ya! Tytahse ywy iirypyryme jexiryke! Ypotapihpyry nuriame nase. Ahno maro roropa ase typotapihpyryke nuriame exiketõ ke. Jenuru ke Tuisa Imehxo Exikety enease, Ritonõpo Jamihmehxo Exikety mokyro.

Jeremia 20:9

Yrome ynara karyhtao ya: “Wenikehnõko ase Ritonõpo poko, oturupyra ase exĩko aomiryme,” õmiry tapurusẽme exĩko ukurohtao mana, apoto sã mana tukase mya ukurohtao. Etaehnõko ase ikurãkary poko tũtara ehtohme repe, yrome mynyhme ehsaromepyra ase.

Jeremia 36:16

Moromeĩpo emero totase ahtao eya xine tonese toto oseya torẽtyke toehse toto. Ynara tykase toto Paruke a: — Senohne ynanekaroxi emero tuisa konõto a.

Jeremia 5:31

Urutõ kõ ajohpe oturũko mã toto. Mame oturuketõ takorehmase ahtao eya xine ypoetory tõ esẽme osekarõko mã toto. Morara ehtoh ypoetory tõ zamaro mana. Yrome otara tyrĩko toh nae serara tõtyhkase ahtao?

Jeremia 8:18

Emynyhmãko ase ipunaka, ekurãkasaromepyra ase; ukurohtao jeano kure pyra mana.

Jeremia 9:1

Jupuhpyry tuna pẽkamãme ehtoh sã se ase repe, jenuru soesoekaneme sã se ase roropa repe yxity ke, ywy yxitatohme saereme, koko roropa wekyry tõ hnamoryme, totapase aexityamo.

Ramẽtasão 3:15

Tonahsẽ itunety ke tynahpase ywy Ritonõpo a ise pyra jehtoh ke, tauhpase sã ywy eresukuru ke eya onẽzomopyra jehtoh ke.

Ezekieu 13:3

Ynara ãko Ritonõpo Kuesẽkomo: — Tuãnohsẽme exĩko mokaro urutõ kõ mana, tuaro pyra exiketõme mã toto, zae pyra roropa exiketõme. Typoe xine rokẽ oturũko mã toto.

Ezekieu 9:4

Ynara tykase: — Ytoko pata Jerusarẽ rãnakuroko ahno merotohme ipery pokona, emero emynyhmaketomo kananomo te, pusuh kananomo roropa emero typenekehse exiketomo popyra ehtoh poko sero põkõ nyrityã poko sero pata po.

Ezekieu 9:6

Tamuhpomãkõ etapatoko te, nuasemãkomo te, oryximãkomo te, poetohti tomo te, nohpo tõ maro. Yrome mokaro, imerohpyry iperykõ poko onyryhmara ehtoko. Etapapitotoko taroino Ytapyĩ poe. Naeroro tamuximãkomo totapapitose eya xine moroto Ritonõpo Tapyĩ ẽpataka.

Tanieu 8:27

Ywy Tanieu kure pyra exiase okynã pitiko. Moromeĩpo kure toehse ropa jahtao toerohpitose ropa ywy kowenu erohtoh poko. Torẽtyke ro exiase moro enepotopõpyry poko, onenetupuhpyra jexiryke ipoko.

Apakuke 3:16

Morohne etaryke ya oserehnõko ase, ypotapihpyry tykytyky ãko enaromỹke jexiryke. Tyjamihkehse ywy, owõsaromepyra exiase xikihme. Yrome moro ẽmepyry eraximãko ase, yna poremãkaponanõ wãnohnõko Ritonõpo mana.

Romanos 7:9

Osemazuhme Ritonõpo nymeropohpyry waro pyra exiase. “Ywy ase kure Ritonõpo a,” tykase ywy repe. Yrome Ritonõpo nymeropohpyry waro toehse jahtao, ynara ase: “Itamurume tyyrypyhpyke ase Ritonõpo a,” ase ya rokene.