Jeremia 22:23 - Ritonõpo Omiry: A Bíblia Sagrada na língua Aparai do Brasil

²³ Omoro, towomase exikety, torẽtyke pyra mase apupari risẽ tao, Ripano poe tonehse aexihpyry; yrome pusuh ãko mase myhene, takarah katoh toehse ahtao, jetũ toehse ahtao nohpo samo aenururuhtao!

Jeremia 22:23 ပူးပေါင်းရင်းမြစ်များ

Jeremia 21:13

Pata Jerusarẽ, kae oesary mana, jakanahmã tõ epoe, topu konõto sã ona kuraraximã epoe. Yrome ywy Ritonõpo etonãko ase oporemãkatohme. Imehnõ emero ouno xine ekarõko matose, oetapasaromepyra xine mã toto, apatarykõ apoitohme tyya xine.

Jeremia 22:6

— Sero tapyi, Juta tõ tuisary tapyĩ konõto enekure mana Kireate nonory samo, ypy tõ Ripano sã roropa, yrome ona tonorẽ sã moro rĩko ase, patãpome tyrĩko ase roropa.

Jeremia 3:21

Ypy tõ emory po panaikato osetãko mana: Izyraeu tomo xitãko, zae pyra toto ehtopõpyry korokapõko mã toto, iirypyryme toehse toexirykõke, Ritonõpo, Tosẽkõ poko tuenikehse roropa toexirykõke.

Jeremia 48:28

— Moape põkomo, apatarykõ irumekatoko, ytotoko osesarise topu tõ rãnaka. Utuku sã ehtoko. Tymỹkõ rĩko mã toto topu emory ehpiõ po.

Jeremia 49:16

Imehnõ motye orẽpyra mosekaroatose, yrome tõsenekunohse mexiatose. Topu tõ rãnao tõsesarise matose, ypy tõ emory po. Yrome kaehxo awahtao xine ro piano samo oporemãkapotorỹko Ritonõpo mana. Ywy, Ritonõpo, oturuno.”

Jeremia 6:24

— Omi totase yna a moro poko, ãko Jerusarẽ põkomo, — mame yna emary jamihme pyra toehse; ataosanumãko ynanase nohpo samo aenururuhtao.

Ezekieu 17:3

zuaro toto ehtohme ywy, Ritonõpo Oesẽkõ oturũko ase: Piano konõto nexiase taporirykõ tapirose, ihpoty kurã potu. Toytose ynororo ypy tõ Ripano pona, mame apupari etyhpyry tytahkase eya.

Ozeja 5:15

— Mame ytõko ropa ase jesaka, moroto exĩko ase toto eraximaryme. Tyyrypyrykõ enetuputyryhtao eya xine, toetuarimarykohtao roropa, oehnõko mã toto jupise.

Ozeja 7:14

Toto otururuhtao ya zae nymyry pyra mã toto tukurohtao xine; aotururukohtao osemãko mã toto nono pona, tyxitarykõme juaro pyra exiketõ samo. Tonahsẽ ekaroporyhtao eya xine, eukuru maro typihpyry sahkãko mã toto juaro pyra exiketõ samo. Jomiry omipona pyra mã toto, emero porehme.

Amoxi 9:2

Aomomyrykohtao nono aka aorihtyã esaka, moro poe toto enehnõko ropa ase; tõnuhse toto ahtao kapu aka, moro poe toto enyhtõko ropa ase.

Opatia 1:4

Tõnuhse awahtao ro piano samo, omỹkõ riryhtao oya xine xirikuato tõ rãnaka, otywyhmãko ase moro poe, oporemãkapõko ase.

Apakuke 2:9

Enẽko mase Papironia põkomo popyra ehtoh oehnõko oya xine atapyĩkõ pehme tyrise ahtao oya mõkomo ke onematonanopyhpyry imehnõ kyryry! Moro ke õsewomary se mexiase popyra ehtoh winoino, oepetõkara wino roropa.

Numeru 24:21

Mame enepotoh ae keneu tõ tonese Paraão a, ynara tykase ynororo: “Oesarykõ jamihme mana, omyny ewomahpyry sã topu konõto ao.