Jeremia 22:20 - Ritonõpo Omiry: A Bíblia Sagrada na língua Aparai do Brasil

²⁰ Jerusarẽ põkomo, ytotoko Ripano pona kohtase, Pasã nonory pona ytotoko kohtase opore. Okohtatoko ypy tõ poe Moape nonory po, oepe tõ nonory emero typoremãkase!

Jeremia 22:20 ပူးပေါင်းရင်းမြစ်များ

2 Tuisa 24:7

Mame Ejitu tuisary oehpyra ropa toehse Ejitu poe soutatu tõ maro, inonory tapoise Papironia esemy a exiryke, tuna Eupyrati poe Ejitu ehpiõ pona.

Izaja 57:13

Mame ãkorehmanekõ kohmaryhtao oya xine oneponãmarykõ tuhkãkõ ãkorehmara xine mã kehko. Tyryrykane mokaro arõko mana mya rahkene, toiro puu katoh toto enahkapõko mana. Yrome jenetupuhnanõ nono kurã po exĩko mã toto; jesary ypy kurã toto esaryme exĩko mana.”

Jeremia 2:25

Izyraeu tomo, tomeseke ehtoko õsetaparykõino, opupurukõ ryhmaryino, imeimehnõ neponãmary ekahmaryke oya xine; tomeseke ehtoko roropa oesenarykõ anorypyra ehtohme. Yrome ynara matose: ‘Arypyra! Toipe ywy! Imehnõ neponãmary eahmary poko penetãko ywy, mokaro poko rokẽ ase,’ ãko matose.”

Jeremia 2:36

Oty katohme ytoytõko rokẽ mahno etyorõmatohme popyrahxo oehtohme? Axiria poko oehxirotopõpyry sã ehxirõko roropa mase Ejitu poko.

Jeremia 2:37

Oehnõko ropa matose Ejitu poe, tãkye pyra, toehxirose oexirykõke. Ywy ase Ritonõpo. Ya oepe tõ turumekase, ãkorehmananomo; mokaro maro oehtohkõ poko kurãkõ anapoipyra ekurehnõko matose.

Jeremia 22:22

Otuisary tõ taroposẽme exĩko sapararahme tyryrykane a, oepe tõ tarosẽme exĩko mã toto imehnõ namotome tapoisẽme etonatoh tao. Apatary typoremãkasẽme exĩko, ehxiroketyme sã exĩko roropa mana popyra ehtoh tyrise oya exiryke.

Jeremia 25:9

“Ahno tõ enehpõko ase emero inikahpoe ypoetory, tuisa Napukotonozo maro Papironia poe. Mokaro enehnõko ase etonatohme sero põkõ, Juta tõ maro, imehnõ nonory põkõ maro, ononorykõ zomye exiketõ maro. Mokaro enahkapõko ase ipunaka; nono pona jũme tomasẽme exĩko mã toto. Morohne eneryke osenuruhkãko imehnõ mana, enaromỹke exĩko mã toto. Ywy, Ritonõpo, oturũko ase.

Jeremia 3:1

Ynara tykase Ritonõpo: — Typyty turumekase ahtao orutua a, mame mokyro nohpo tyniotase ropa ahtao imepỹ maro, mokyro inio osemazupu pytasaromepyra ropa mana imaro. Morara riryhtao eya nuriame Izyraeu tõ nonory exĩko mana ipunaka. Yrome amarokomo, ypoetory tomo tuhkãkõ maro mexiatose, mame seromaroro ooepyrykõ se ropa matose ya! Ywy, Ritonõpo, oturũko ase.

Jeremia 4:30

Pata Jerusarẽ, tuãnohsẽme exĩko mase! Oty katoh upo kamiraramã amurũko mah? Oty katoh õkyry tõ amurũko, oenuru tõ zonohnõko roropa hma? Toiparo rokẽ enekure oriry se mase! Opoko typenetase aexityã orumekase ropa, seromaroro oetapary se mã toto.

Ramẽtasão 1:19

“Jepe tõ tykohmase ya, yrome towokase exiase eya xine. Ritonõpo maro oturuketõ toorihse osema tõ ae, kowenu maro erohketõ maro, tonahsẽ zupiryhtao eya xine isene ro toto ehtohme.

Ramẽtasão 1:2

Tyxitary poko ẽmehnõko Juta tõ mana; ixity sukururu ãko mana ẽmyty poro. Epe tõ, pakatokõ tonahse, oxinomopyra mã toto ipunaka emuhkehkatohme. Towokase Juta tõ mana epẽpyry tomo a. Epeme pyra toehse mã toto seromaroro.

Ezekieu 23:22

— Naeroro ynara ãko ywy, Ritonõpo Oesemy, oya, Ooripa: Penekehnõko mase mokaro amaro aexityã poko repe, yrome ozehno toto ripõko ase, mame toto enehnõko ase omye, ãpurutohme.

Ezekieu 23:9

Morara exiryke mokyro ekarone imaro se exiketomo a, axirio tomo a, toto poko typenetase exiryke.

Ezekieu 27:6

Wewe karawario tonehse Pasã poe apukuita tõ ritohme, azarã tõ tyrise pinijo ke Xipere poe, emepory tyrise wewe pokona maafim maro.

Numeru 27:12

Mame ynara tykase Ritonõpo Moeze a: — Onuhko sero ypy Aparĩ pona moro nono enetohme, ynekarory Izyraeu tomo a.

Teuteronomiu 32:49

— Ytoko ypy tõ Aparĩ pona, taro Moape tõ nonory po, ypy Nepo pona onuhko, pata Jeriko etonie. Moro emory poe Kanaã nonory enẽko mase, ynekarory Izyraeu tomo a.