Jeremia 22:13 - Ritonõpo Omiry: A Bíblia Sagrada na língua Aparai do Brasil

¹³ Popyra ehtoh oehnõko mokyro a myhene, tytapyĩ riryhtao zae pyra ehtoh ke, imehnõ enekunopyry ke, topehke pyra typãnary tõ rohmanohpõko, aerohtamitu onepehmara ynororo!

Jeremia 22:13 ပူးပေါင်းရင်းမြစ်များ

2 Koronika 36:4

Mame Eriakĩ, Joakaze rui tyrise tuisa Neko a tuisame Juta po, Jerusarẽ po roropa, Joakaze myakãme. Mame esety tymyakãmase Jeoakĩme. Joakaze tarose tuisa Neko a Ejitu pona.

2 Koronika 36:5

25me jeimamyry nae Jeoakĩ nexiase tuisame toehse ahtao. Mame 11me jeimamyry taropose eya tuisame ehtoh poko Jerusarẽ po. Mame tyyrypyry poko toehse ynororo, Ritonõpo zamaro pyra.

Jo 31:39

otyro epery tonahse ahtao ya topehke pyra, ipoko aerohtyã onepehmara jahtao, tomitapãkapose toto ahtao ya,

Izaja 5:8

Popyra ehtoh oehnõko oya xine mana, tapyi tuhke epekatyryke oya xine tupito tõ roropa oesaryme rokẽ ehtohme! Taroino okynã pyra osa pyra exĩko mana imehnõ esaryme, amarokõ rokẽ toiroro exĩko matose sero nono po!

Jeremia 17:11

Tineru apoiryhtao ahno a imehnõ enekunohtamitume torõ sã mana typorohse ahtao imepỹ ihmo tõ po; Isene ro tahtao tytineruke pyra exĩko mana. Mame tõsenekunohtopõpyry waro exĩko mana.

Jeremia 22:18

Morara exiryke ynara ãko Ritonõpo mana Jeoakĩ, Juta tuisary, Joxia mũkuru poko: “Xitara exĩko mã toto emero Jeoakĩ orihtopõpyry poko, ynara kara mã toto: ‘Popyra ehtoh toehse oya myhene! Popyra ehtoh moro, jepe!’ Onyhnamopyra mã toto, ynara kara mã toto: ‘Yna tuisary! Yna Esemy!’

Rewitiku 19:13

— Imehnomo a oepehmarykohtao onymotyẽkara ehtoko, onematonanohpyra ehtoko. Erohkety toerohse ahtao opoetoryme, aerohtamitu ekaroko eya jũme rokene. “Kokoro oepehmãko ase,” kara ehtoko epehpyry nae awahtao.

Mikeja 3:10

Pata Jerusarẽ, Ritonõpo patary kurã rĩko sã matose apõ po, zae pyra ehtoh po, imehnõ etapatoh po roropa, enara.

Apakuke 2:12

Popyra ehtoh oehnõko oya xine, myhene! Apatarykõ tyrise oya xine imehnõ ryhmatoh ke, zae pyra oehtohkõke, imehnõ etaparyke oya xine.

Marakia 3:5

Ritonõpo Jamihmehxo Exikety ynara ãko typoetory tomo a: — Oehnõko ase oya xine ãpiakatohkõme. Eneneme jexiryke jomiry ekarõko ase mokaro hxirotohme, jomiry omipona pyra exiketomo, joroko tõ poko exiketomo te, imepỹ nohpo poko exiketomo te, ajohpe exiketomo erohketõ onepehmara exiketomo, pytỹpo tõ anakorehmara exiketomo, poetõpo tõ roropa, imehnõ nono poe aehtyã anakorehmara exiketõ roropa, juno pyra exiketõ emero.

Teuteronomiu 15:13

Mame mokaro ytory ropa ahtao, anaropopyra ehtoko mõkomo maro pyra.

Tiaku 5:4

Yrome opoetorykõ mã okerekerematorỹko, zae toerohtopõpyrykõ onepehmara oexirykõke. Otupikõ poko erohketõ xitary etãko Ritonõpo Jamihmehxo Exikety mana, zae pyra topehmase toto exiryke oya xine.